konka coffee
KONKA

AMAKURU

UKWEZI

Amafoto: Dr Frank Habineza n’abarwanashyaka be bateje umuvundo muri Kigali

 Amafoto: Dr Frank Habineza n’abarwanashyaka be bateje umuvundo muri Kigali
20-07-2017 saa 08:32' | By Akayezu Jean de Dieu | Yasomwe n'abantu 9518 | Ibitekerezo 3

Mu gitondo cyo kuri uyu wa 19 Nyakanga 2017, Dr Frank Habineza uri guhatanira kuba Perezida yavuye mu modoka ashungerwa n’abamotari ndetse n’abanyonzi biteza umuvundo ukomeye mu murenge wa Kimironko, akarere ka Gasabo.ibi kandi ntabwo byahagarariye aha kuko uyu mukandida n’abarwanashyaka be bakomeje kugenda baririmba n’akarasisi k’abamotari bafite ibirango by’ishyaka mu mihanda ya Kigali bava Kimironko berekeza Nyabugogo

Ubwo Dr Frank Habineza yerekezaga mu karere ka Rulindo na Nyabihu aho yari agiye gukomereza ibikorwa bye byo kwiyamamaza nk’umukandida uri guhatana ku mwanya wa Perezida wa Repubulika y’u Rwanda mu matora ateganijwe muri kanama uyu mwaka, yageze mu murenge wa Kimironko ahakorera ishyaka riharanira Demukarasi n’ibidukikije mu Rwanda, akiva mu modoka yakirwa n’abamotari benshi bivanzemo n’abanyonzi bari baje kwirebera uyu mugabo ushaka kuba Perezida, ibintu byataje umuvundo ukomeye mu muhanda.

Aba bamotari bafatanyaga n’abarwanashyaka ba Green Party mu kuririmba indirimbo zitaka ibigwi by’ishyaka ndetse banavuga ko bazatora Dr Frank Habineza.

Kuri uyu wa Gataty Frank Habineza yakomereje ibikorwa bye byo kwiyamamaza mu karere ka Rulindo, Umurenge wa Base aho yavuye yerekeza mu Ntara y’Uburasirazuba mu karere ka Nyabihu ahitwa muri Vunga.


INKURU ZA :
Tanga Igitekerezo
Ibitekerezo 3
kay Kuya 21-07-2017

ko ndeba ntanuzamura akaboko se njye ndabona ahubwo bameze nkabashungeraga naho abazamutora njye mbabujije gusa nawe niba atazi kureba simbizi njye mbona amatora yararangiye cyera

rafiki evariste Kuya 20-07-2017

ugomba kuba président w’urwanda wabishaka batabishaka tukurinyuma kandi b’Imana ikuri inyuma

ndizeye Kuya 20-07-2017

umuvundo cg ni ibyishimo byatumye bamushagara
umuvundo si ijambo nyaryo kuko n’abandi bakandida barabikora maze n’imihanda yarafunzwe Nyabugogo erega igihe cy’amatora si igihe gisanzwe kuko iyo bibaye na ngombwa n’amaduka arafunga

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...