konka coffee
KONKA

AMAKURU

UKWEZI

Amashirakinyoma ku mpaka zatejwe na Konji ijyanye n’irahira rya Perezida Kagame

Amashirakinyoma ku mpaka zatejwe na Konji  ijyanye n’irahira rya Perezida Kagame
18-08-2017 saa 08:24' | By Akayezu Jean de Dieu | Yasomwe n'abantu 10112 | Ibitekerezo 11

Minisiteri y’abakozi ba Leta n’umurimo (MIFOTRA) yahosheje impaka zari zari zatejwe n’itangazo yasohoye ku mbuga nkoranyambaza zayo ku munsi w’ejo tariki 17 Kanama 2017, aho ryavugaga ko nta kiruhuko kijyanye n’umunsi mukuru w’irahira rya Perezida wa Repubulika kizabaho, ibintu byateje impaka ndende bamwe bakavuga ko bidashoboka, kuri ubu iyi Minisiteri yivuguruje ndetse imara impaka Abanyarwanda benshi batabivugagaho rumwe.

Nk’uko byagaragaye mu itangazo ryashyizwe ahagaragara n’iyi Minisiteri ryashyizweho umukono n’umuyobozi wayo Madamu Minisitiri Uwizeye Judith rigaragaza ko uyu munsi tariki 18 Kanama 2017 hateganijwe ikiruhuko ndetse Abanyarwanda bose bakaba bari bukurikirane gahunda zose zijyanye n’irahira rya Perezida bitoreye.

Iri tangazo rigira riti “Kugira ngo abaturage hirya no hino mu gihugu bazabashe gukurikirana uyu muhango ukomeye, Minisiteri y’Abakozi ba Leta n’Umurimo inejejwe no kumenyesha abakozi bose n’abakoresha mu nzego za leta n’iz’abikorera ko ejo ku wa Gatanu tariki ya 18 Kanama 2017 ari umunsi wa konje” rikomeza rivuga kandi ko Inzego z’abikorera zitanga serivisi zikenerwa na benshi nk’amabanki, resitora , amahoteli, amavuriro, abatwara abantu zo zasabwe gukomeza gahunda zigatanga Serivisi nk’uko bisanzwe.

Perezida Paul Kagame yongeye gutorerwa kuyobora u Rwanda mu matora yabaye ku ya 3-4 Kanama 2017 n’amajwi 98, 79 %, atsinze umukandida wigenga Mpayimana Philippe wagize 0.73% ndetse na Dr Frank Habineza watanzwe na Green Party wabonye 0.48%.

Ibirori byo kurahira kwa Perezida Paul Kagame ugiye kuyobora manda ya gatatu yatorewe muri uku kwezi, bizabera kuri Stade Amahoro i Remera; biteganyijwe ko byitabirwa n’abantu babarirwa mu 25,000 baturutse hirya no hino mu gihugu ndetse no hanze yacyo.

Minisitiri w’Abakozi ba Leta n’Umurimo, Uwizeye Judith


INKURU ZA :
Tanga Igitekerezo
Ibitekerezo 11
Sebuhoro Paul Kuya 21-08-2017

Nyumvira ngo" Inzego z’abikorera zitanga serivisi zikenerwa na benshi nk’amabanki, resitora , amahoteli, amavuriro, abatwara abantu zo zasabwe gukomeza gahunda zigatanga Serivisi nk’uko bisanzwe." None se yatanze conge ku mavuliro y’abatikorera naho ay’abikorera biba ukundi!!!!!

Nyamara ashobora kuba afite abamuha amabwiriza benshi, maze bakamucanga , nawe akaducanga.

Ngarambe Kuya 21-08-2017

Uyu we wapi kabisa, yatubihirije inzoga!!! Et d’ailleurs akwiye gusaba abanyarwanda imbabazi ubwo uzi kugira ngo abantu bazinduke kare na stress muzi za mugitondo nibagera ku kazi ngo nta kazi ni conge!!! N’importe quoi!! Uyu nawe azajye kwihangira umurimo nk’uko yirirwa abitoza abandi!

Umusomyi Kuya 20-08-2017

Uyu mugore ngo ni Yudita nagaruka mu bagize gvmnt nzamenya ko ari ikibazo koko akazi kadahabwa abagashoboye!!Judith umuntu wize muri kaminuza ya Huye igihe yahigishaga yaba amuzi ku kijyanye n’ubushobozi bwo kuyobora!!!Ahaaaa!!wamenya ahuriye kuki na Murekezi????

Masumbuko Kuya 19-08-2017

Gahunda yanyiciye gusa kubera guhuzagurika kwe.Ubu se uyu minister aricara agatekereza ibintu mu mutwe we agahita abyandika?????

Masumbuko Kuya 19-08-2017

Gahunda yanyiciye gusa kubera guhuzagurika kwe.Ubu se uyu minister aricara agatekereza ibintu mu mutwe we agahita abyandika?????

maridadi Kuya 18-08-2017

Ariko se nk’ubu umutwe w’iyi nkuru n’ibiyivugwamo birahuye koko! Abanyamakuru namwe mujye mwiha akabanga mushyiremo ubwenge mû nkuru mutambutsa, uziko wahira ngo muba muzi KO tutazazisoma.

kabana Kuya 18-08-2017

Ariko se Minister muzima afata icyemezo kigayitse nk’iki koko ?? Kuki atabanza kubaza muri prezidansi mbere yokira icyo atangaza ??? Uyu murabona akwiriye iki mu bihembo !!!! Ibi ni ugupfobya ibirori byacu kabisa. NTABWO BYUMVIKANA NA GATO !!! Ubwo muri we yumvaga bishoboka ko abantu bajya kukazi kandi bagakurikirana imihango ?? Gute se ?? NONSENSE

kabana Kuya 18-08-2017

Ariko se Minister muzima afata icyemezo kigayitse nk’iki koko ?? Kuki atabanza kubaza muri prezidansi mbere yokira icyo atangaza ??? Uyu murabona akwiriye iki mu bihembo !!!! Ibi ni ugupfobya ibirori byacu kabisa. NTABWO BYUMVIKANA NA GATO !!! Ubwo muri we yumvaga bishoboka ko abantu bajya kukazi kandi bagakurikirana imihango ?? Gute se ?? NONSENSE

kagabo Kuya 18-08-2017

nta mu minister wa kenyege dufite mu Rwanda nkuyu mugore. H.E nawe aradutuburira kbsa uyu ntiyari akwiye niyi parapara

Cwende Kuya 18-08-2017

Kare kose se?

Jack Kuya 18-08-2017

Yari yabeshye abanyarwanda kuko ntibishoboka conge ku munsi mukuru nk’uyu ntabwo yabura

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...