konka coffee
KONKA

AMAKURU

UKWEZI

Amatora ya Perezida azatwara asaga 6.600.000.000, Whatsapp na facebook bishobora gufungwa

Amatora ya Perezida azatwara asaga 6.600.000.000, Whatsapp na facebook bishobora gufungwa
25-05-2017 saa 13:23' | By Chief Editor | Yasomwe n'abantu 13563 | Ibitekerezo 13

Amatora ya Perezida wa Repubulika ateganyijwe muri Kanama uyu mwaka, azatwara amafaranga y’u Rwanda asaga 6.600.000.000 aho kuba 5.000.000.000 nk’uko byari byaratangajwe mbere. Ikindi gishya gishobora kuzakorwa mu gihe cy’amatora, ni ugufunga imbuga nkoranyambaga mu gihe Komisiyo y’amatora izaba ibona zikoreshwa mu buryo bushobora kubangamira imigendekere myiza y’amatora.

Ibi byose byagarutsweho mu kiganiro Komisiyo y’amatora yagiranye n’abanyamakuru kuri uyu wa Kane tariki 25 Gicurasi 2017, ubwo hasobanurwaga ibijyanye n’imyiteguro y’amatora. Umuyobozi wa Komisiyo y’amatora, Prof Kalisa Mbanda, yavuze ko imyiteguro y’amatora igeze kure ndetse igeze kuri 90%.

Diane Shima Rwigara, Mwenedata Gilbert na Mpayimana Philippe, nibo bakandida kugeza ubu bamaze kugeza kuri iyi Komisiyo umushinga wo kwiyamamaza kwabo, nk’abakandida bigenga ubu bakaba baratangiye no gusinyisha ngo babone imikono y’abantu 600 mu gihugu hose barimo 12 byibuze muri buri karere, nka kimwe mu bisabwa umukandida wigenga.

Komisiyo y’amatora yatangaje ko mu gihe bizagaragara ko imbuga nkoranyambaga zikoreshwa mu buryo butemewe burimo no kwamamaza abakandida igihe cyagenwe kitaragera, bishoboka ko zazaba zinafunzwe igihe gito ngo zitazabangamira imigendekere myiza y’amatora. Hanakomojwe ku kuba hari abatangiye kwamamaza igihe kitaragera.

Ikijyanye n’ingengo y’imari, amatora azatwara amafaranga y’u Rwanda asaga 6.600.000.000, amwe muri ayo Komisiyo ikaba yaramaze kuyahabwa naho andi bazayongerwa na Leta mu ngengo y’imari y’umwaka wa 2017/2018, ayo akaba angana n’amafaranga y’u Rwanda asaga 1.400.000.000 bazakoresha mu bikorwa byo gukurikirana ibikorwa byo kwiyamamaza kw’abakandida, guhugura abazatoresha no kwigisha abanyarwanda ibijyanye n’uburere mboneragihugu.

Biteganyijwe ko tariki 7 Nyakanga 2017 aribwo abakandida bose baziyamamaza bazaba bamenyekanye, hanyuma kwiyamamaza bikazahita bitangira kugeza kugeza tariki 3 Kanama 2017. Kwiyamamaza mbere y’icyo gihe ntibyemewe ndetse nibikorwa cyane ku mbuga nkoranyambaga, bishobora kuzatuma zifungwa.


INKURU ZA :
Tanga Igitekerezo
Ibitekerezo 13
joan Kuya 30-05-2017

hhh baturekere imbuga zacu kbs muzeh wac nubndi azakomeza atuyobore .ahubwo mbabazwa nuy mgabo mbona kuri iyi photo uri iburyo we azaviramo aho atahe amaramasa kuko kuko ndabona ntajwi narimwe azabona nange muhaye 0%. natange icyo abarundi twita imihoho

joan Kuya 30-05-2017

hhh baturekere imbuga zacu kbs muzeh wac nubndi azakomeza atuyobore .ahubwo mbabazwa nuy mgabo mbona kuri iyi photo uri iburyo we azaviramo aho atahe amaramasa kuko kuko ndabona ntajwi narimwe azabona nange muhaye 0%. natange icyo abarundi twita imihoho

diÉ—É—y Kuya 28-05-2017

umva nibashake bakureho na google ntacyo bimɓwiye ariko muɓyukuri bavandi ariya mafaranga nimenshi kweli niɓihere abana promotion bijyire muri kaminuza bayonjyereye BRD abana barenze 20 0000 bajyakwiga kbsaaa kuko nuɓundi Kagame azarekera kuyobora muri 2035

Lyly Kuya 27-05-2017

Nibyiza babifunge whatsup....kuko uwo munsi wa amatora, nuwa agaciro kuritwe aba Nyarwanda,twibuka byinshi, dukeneye gutuza tukitorera neza udufitiye agaciro waturokoye twari dushize......

Shema Kuya 25-05-2017

Ibi uhagarariye komisiyo y’amatora yatangaje birashimangira ko no muminsi yashize ubwo what’s up yavagaho nibo bari bari mugerageza ryo kuzabihagarika ibyo rwose mbivuge nongere mbisubiremo n’ukubangamira uburenganzira bwaba nyarwanda kuko yaba leta cg iyo komisiyo ntabwo aribo batugurira mb za Internet ntampamvu rero yo kutubangamira.

elyse Kuya 25-05-2017

wapi kabisa whatsapp na matora ntaho bihuriye nubundi muzehe aza tsinda turabizi so whatsapp na facebook ntacyo bya kica

gumaguma Kuya 25-05-2017

nizifungwe rwose zizafungurwe nyuma yamatora zitazagira ibyo zica.(Facebook.whatsapp)

Manzina Kuya 25-05-2017

Ese ko mubuza abantu kwiyamamaza, nyakubahwa ntahora yamamazwa ahantu hose? none we muzamufatira ibihe bihano? Kuki mutarimo gufata abiyamamaza kimwe? Ibi biragaragaza ko ariya mafaranga ari ukuyamena kuko nubundi uwo mushyigikiye turamuzi, ntimwakagombye kwirirwa mupfusha ubusa amafaranga y’abaturage.

Kamali Kuya 25-05-2017

Baribeshyera ubusa tuzatora Diane nibashaka babivanemo nk’uko basanzwe babigenza ariko mu mitima yacu n’Imana bizaba bigaragara.

brucce chance Kuya 25-05-2017

Ariko wasstp na facebook ndumva ntacyo byakwangiza kandi nuwabikoresha nikunyungu ze ahubwo mugihe bifunze bishobora kuba byatera ibibazo bindi birenze naho turabizi uzatsinda amatora nubundi ko ubutegetsi ari ubwe bariya bandi ni democratie berekana mubihorere rwose numutima mwiza peee sinzi impamvu bashaka kubasakurisha uko kagame yabufashe nabo bazabufate kandi nibatorwa nizo chance zabo tujye kureka kuvuga nabi no kwivanga cyane ngo dukore ibidakoreka ngo tuvuge ibitavugika twitera imitima mibi pour rien ibyo abantu batekereza byo byashoboka nyuma yimyaka 100 ikindi mujye mumenya ko hano ari muri afrique tutari iburayi Murakoze.

brucce chance Kuya 25-05-2017

Ariko wasstp na facebook ndumva ntacyo byakwangiza kandi nuwabikoresha nikunyungu ze ahubwo mugihe bifunze bishobora kuba byatera ibibazo bindi birenze naho turabizi uzatsinda amatora nubundi ko ubutegetsi ari ubwe bariya bandi ni democratie berekana mubihorere rwose numutima mwiza peee sinzi impamvu bashaka kubasakurisha uko kagame yabufashe nabo bazabufate kandi nibatorwa nizo chance zabo tujye kureka kuvuga nabi no kwivanga cyane ngo dukore ibidakoreka ngo tuvuge ibitavugika twitera imitima mibi pour rien ibyo abantu batekereza byo byashoboka nyuma yimyaka 100 ikindi mujye mumenya ko hano ari muri afrique tutari iburayi Murakoze.

Mabano Romeo Kuya 25-05-2017

Ariko muradufungiriki whatsapp zacu,ahubwo ko numva abo biyamamaza arabaje kubangama? Mwatuje tukitorera umusaza KAGAME nubundi ko ariwe dusha mwebwe murashakiki?

Mabano Romeo Kuya 25-05-2017

Ariko muradufungiriki whatsapp zacu,ahubwo ko numva abo biyamamaza arabaje kubangama? Mwatuje tukitorera umusaza KAGAME nubundi ko ariwe dusha mwebwe murashakiki?

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...