konka coffee
KONKA

AMAKURU

UKWEZI

Ange Kagame abona iby’abavuga ko azasimbura umubyeyi we Paul Kagame binaniwe

Ange Kagame abona iby’abavuga ko azasimbura umubyeyi we Paul Kagame binaniwe
22-06-2017 saa 17:44' | By Chief Editor | Yasomwe n'abantu 25860 | Ibitekerezo 15

Ange Kagame, umukobwa wa Perezida Paul Kagame na Jeannette Kagame, yatangaje ko iby’abakomeje kuvuga ko yaba arimo gutegurwa kugirango azasimbure Se ku butegetsi nawe azabe Perezida w’u Rwanda, ari imvugo inaniwe kandi ishaje kuko we ntakindi aba arimo gukora kitari ugushyigikira umubyeyi we.

Kuri uyu wa Kane tariki 22 Kamena 2017, Ange Kagame yaherekeje umubyeyi we Paul Kagame kuri Komisiyo y’igihugu y’amatora, ubwo yajyaga gutanga ibyangombwa bisabwa ngo yiyamamaze ku mwanya wa Perezida wa Repubulika mu matora ateganyijwe muri Kanama uyu mwaka.

REBA VIDEO HANO ANGE KAGAME AHEREKEJE UMUBYEYI WE KURI KOMISIYO Y’AMATORA:

Nyuma yo kumuherekeza, hari umunyakenya wanditse ku rubuga rwa twitter ko abona Perezida Paul Kagame arimo gutegura umukobwa we Ange Kagame kugirango azamusimbure ku butegetsi, maze Ange Kagame nawe abinyujije kuri uru rubuga nkoranyambaga, agaragaza ko ibi ari imvugo ikoreshwa kenshi ariko ikaba ishaje ndetse inaniwe.

JPEG - 509.2 kb

Aha Ange Kagame yari kumwe n’umubyeyi we mu kigo cy’imyitozo ya gisirikare i Gabiro

Mu magambo ye y’icyongereza, tugenekereje mu Kinyarwanda yagize ati:"Inshuro nyinshi ntekereza ko iyi mvugo inaniwe kandi irashaje. Ni ugushyigikira papa wanjye [ntakindi]."

Ibijyanye no kuba Perezida Paul Kagame yategura cyangwa akagena uzamusimbura ku butegetsi, we ubwe yagaragaje ko ari ibintu atakora kuko ngo bihabanye na demokarasi, bikaba binakorwa mu butegetsi bw’igitugu. Muri Mata 2015, ubwo yaganiraga n’umunyamakuru wa Jeune Afrique, yabajijwe impamvu atigeze ategura uzamusimbura ukwiye kugirirwa icyizere, maze asubiza umunyamakuru ko ibyo bihabanye na demokarasi, bikaba binakorwa ahari ingoma ya cyami cyangwa ahari igitugu.

Icyo gihe yagize ati: "Mfite impungenge kuri iyo ngingo yawe. Ibyo urimo kuvuga bihabanye na demokarasi. Ni hehe wabonye muri demokarasi, Perezida ateganya uzamusimbura akanaca iteka uwo ari we? Ibyo bibaho mu butegetsi bwa cyami no mu butegetsi bw’igitugu, u Rwanda nta na hamwe ruri muri ibyo byombi. Sinjye urebwa no gushyiraho uzansimbura, ibyo bireba abaturage bahitamo. Ntabwo twaba turimo kwimika amahame ya Demokarasi, ngo tubijyanishe no kuyica."


Tanga Igitekerezo
Ibitekerezo 15
Rwabugili Innocent Kuya 13-07-2017

Umwambari wumwana burya yakagombye kugenda nka se.ubuse kumusimbura murabona byaba atari byiza twe tubona ibyiza bye akatubera urumuri tugenderaho ubwose murumva umwana we afite ibinganiki afite byinshi nawe byagirira abanyarwanda akamaro.

Jojo Kuya 24-06-2017

Ese Urwanda Rwaba Rugiye Kuba Korea Yaruguru?

dudu Kuya 24-06-2017

Cngx muzehe, uwo nukobwa mutegure bitari amayeli, umwereke uko akazi gakorwa, yenda we azakumva, azakorere igihugu cyamubyaye, abavuga bo ntibazabura kuvuga, tukuli inyuma.

Kundwa Kuya 24-06-2017

Nanjye mbona amusimbuye umunzi umwe byaba bibyaye y’amata abyaye amvuta!
Uyu mwana ubona atuje mu mutima, afite uburere, aca bugufi akagira n’ubwenge,Izi ni qualites nziza . Ikindi mbona numva atazanwa no kurya ibya rubanda cyangwa kurenganya abantu kuko nkuirikije environement yarerewemo ntacyo yigize aburana ababyeyi be n’Igihugu iyi nindi avantage k’umuntu waba umuyobozi mwiza. Abitojwe hakiri kare yazavamo Presidente muzima.

Jado Kuya 23-06-2017

Reka nibwirire Ange mwibutsa amagambo ya papa we: urubyiruko turakenewe muri politiki kuko nyuma ya papa we uri gusaza urwanda rugomba gukomeza kuyoborwa neza.

Twaba tubaye ibigwari nyuma ya se urwanda rusubiye inyuma. Ngo umwana udasumbije se aba ari ikigwari, kuko aba yaramuharuriye umuhanda we aba agomba kurenzaho.

Wenda nyuma y’iyi manda uzaba ukiri muto, ariko nta kibi mbonamo uramutse mu minsi iri imbere wiyamamaje. Jye icyo nzi neza ni uko ufite genes za papa wawe. Buriya abantu benshi bayobora, ariko kuyobora neza bishobora bake. Nushishoza neza uzasanga papa wawe ari we muyobozi mwiza urwanda rwagize kuva rwaba repubulika.

Iyaba genes zatumye abishobora wari uzifite zose maze ngo mbere y’uko nsaza nzongere mbone undi muyobozi ukora nka so.

Impala ziti umwambari w’umwana burya agenda nka se. Kandi jye mbona byanakubera: ufite igikundiro. Igisigaye ni ukutwereka ko ufite ubushobozi. Big up mukobwa mwiza.

Bertn Kuya 23-06-2017

Njywe numva nta gitagaza kiromo rwose, Agne guherekeza Papa we nibintu bisanzwe , Ese ko ar’abana baherekeza ababyeyi babo mu rukiko bakoze amahano, bo ntimugire icyo mubivigaho!!!!. Mureke amatiku

ozana prince Kuya 23-06-2017

Nawe yiyamamaje twa mutora,
kuku burya infura igenda nka se.

uwayo Kuya 23-06-2017

nyamara ni ange ubwirwa nuko atabyumva nonese urubyiruko ntiruri muri politiki reba ba Gitifu b’imirenge bose ni abasore,reba ndetse n’sbiyamamaza ku bu perezida harimo urubyiruko

MUKULUWABANA Kuya 23-06-2017

UYUMUKOBWA,AFIT’UBULELE,BWIZA,BWABABYEYI.

Patriote Kuya 23-06-2017

Abanyarda icyo dushaka ni Kagame ni 2, yaba umwana we yaba Mayor runaka nashake abe umunyamahanga ye we don’t care icyo dushaka ni imi korere ya Kagame

teta Kuya 22-06-2017

Ikundire papa wawe natwe turamukanda rata .Uwampa kumuvugisha yankiza akarengane nkorerwa hitwaje uzi icyo ndicyo

teta Kuya 22-06-2017

Ikundire papa wawe natwe turamukanda rata .Uwampa kumuvugisha yankiza akarengane nkorerwa hitwaje uzi icyo ndicyo

people Kuya 22-06-2017

Umwana gusimbura se nibyo byiza bya mbere kuko akora nkase ahubwo yitoze cyane.

gogo Kuya 22-06-2017

Nina uvuze ukuri rwose amusimbuye ntacyo byatwara kuko yamureze neza cyane

Nina Kuya 22-06-2017

Ariko koko ubundi atamuherekeje yakora iki kindi. Niwe mukobwa gusa yigirira. Buriya yaramutetesheje. Mumureke rwose ajye amuherekeza. Kandi niyo yamusimbura ntacyo; icyangombwa nuko atava mu murongo wa papa we. Gusa uko amuherekeza ajye agenda akopera ibyo papa we akora.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA