konka coffee
KONKA

AMAKURU

UKWEZI

Uwitwa Barafinda ushaka kuba Perezida yatangaje benshi kuri Komisiyo y’amatora

Uwitwa Barafinda ushaka kuba Perezida yatangaje benshi kuri Komisiyo y’amatora
12-06-2017 saa 13:09' | By Chief Editor | Yasomwe n'abantu 18222 | Ibitekerezo 16

Mu gihe kuri uyu wa Mbere tariki 12 Kamena 2017 ari bwo Komisiyo y’igihugu y’amatora yatangiye kwakira abakandida bifuza guhatana ku mwanya wa Perezida wa Repubulika, umugabo udasanzwe yajyanye kandidatire ye maze atangaza benshi kuko uretse kuba yatunguranye, bigaragara ko atanasobanukiwe ibisabwa ngo abashe kwiyamamaza.

Uwo mukandida ni uwitwa Barafinda Sekikubo Fred uvuga ko atuye i Kanombe mu mujyi wa Kigali. Yageze kuri Komisiyo y’amatora yiyita umunyapolitiki w’i Kanombe, afite igikapu yari atwayemo impapuro nyinshi avuga ko nawe ashaka gushyikiriza ibyangombwa bye komisiyo y’amatora ngo aziyamamarize kuba Perezida.

JPEG - 325 kb

Igitangaje ariko, ni uko yahageze adafite imikono y’abantu 600 bamusinyiye nk’uko byagenze ku bandi bakandida bigenga, kandi nawe avuga ko ari umukandida wigenda ushaka kuyobora abanyarwanda nka Perezida wa Repubulika. Mu byasekeje abantu batandukanye bari bari kuri Komisiyo y’amatora, imvugo ye, imyambarire ye n’ingendo ye atwaye igikapu nabyo byasekeje bamwe.

Barafinda Sekikubo Fred yabwiwe na Perezida wa Komisiyo y’amatora ko hari ibibura kugirango dosiye isaba kwiyamamaza yuzure, maze asabwa kubanza akajya kubishaka akabona kubishyikiriza iyi Komisiyo. Uretse uyu mugabo, Mwenedata Gilbert uziyamamaza nk’umukandida wigenga na Dr Frank Habineza uzahagararira ishyaka rya Democratic Green Party nibo bamaze kugeza dosiye zabo muri Komisiyo y’amatora kuri uyu wa Mbere.


INKURU ZA :
Tanga Igitekerezo
Ibitekerezo 16
Karim Mabra Kuya 16-06-2017

iyi pantalo ye inyibukije ubwoko bw amapantalo bitaga imbati yabaga afite amadinda 3 imbere.ipantalo zambarwaga muri 1988 .yajyamo abantu 4.

Ramba Kuya 14-06-2017

uyu we numuti wamenye ndizera ko iwabo batajya bagura toothpaste (COLGATE) ikindi ni stress remover ikindi ni Imondo. ameze nka akadahumeka cyangwa (scarecrow) azajye kuyobora kwakwe ku pale atembeye na Yesu

Hope Mwineza Kuya 14-06-2017

Ibyo kuyobora u Rwanda ndabona ari urwenya! Mu gihugu kizima habura umuntu wasimbura Perezida, kugeza ubwo amaraho imyaka 100😢😢🤕🤕🤕! Ubwo se koko nubwo Muzehe ayobira neza bivuze ko ari we wenyine ushoboye icyo mu Rwanda ruzima??? Bibaye ibyo byaba ari agahinda! Azahoraho iteka se? Cg na we azaba nka Robert Mugabe?

ndayambaje vedaste Kuya 13-06-2017

uwo wita perezida wacu musha umukinyi wa filim azinezako aho bazikinira atahazi nonese ibibura nubumenyi ntamashyuri niki? akeneye kuba umukomedie ntiyayoboka komisiyo yamatora bamureke asaribye

Mahoro Kuya 13-06-2017

Abantu nka ba Barafinda nibo baba bakenewe! Uzabaze ba Padiri, na Ingabire aho bari.

Jules Kuya 13-06-2017

Nshimiye cyane Perezida wa Komisiyo y amatora uburyo yakiye uyu mukandida. He is a professional manager.

Sinzi ariko abanyarwanda uko dufata umwanya wa Perezida wa repubulika kuko ndabona mushingira ku myambarire, ibyo afite (Igikapu), imvugo mwamusuzuguye cyane!?
Igihugu kiyoborwa n’Ibitekerezo si amafaranga ufite cg imyambarire.
Ahubwo mumenya ingamba za Politiki ze.

Narso. Kuya 13-06-2017

uriya mukinnyi wa comedie KBS ashake kanyombya amushyire mubakinnyi ba Film ,kuko yajya adusetsa ,iriya myambarire byonyine ,ntago ariyumuntu w’umuyobizi ,niyumukinnyi w’ikinamico arafinda kweli,ibyo gufinda mwibaze namwe yabyaye abana 10,ati nzashyingira mumidugudu,murumvako ntakuringaniza imbyaro,kdi burya untero nyirurugo ateye ,niyo abaraho bikiriza!! ,none NGO a, abanyarwanda turasobanutse ,kdi uwatumye dusobanuka turamuzi ,Yitwa Salomo w’urwagasabo (Paul K.),nshuti muhitemo neza uwomuzatora,njyewe ninzu yanjye tuzatora K.Paul

Ibereho Kuya 13-06-2017

hhhhhhh!!uyu we arandangije he is a best comedian kbsa!! cyakoza naweya findaga ntiyarazi ibyo aribyo kuko n’umwana ya byaye ntiyamuyobora!! gusa ikiza nuko yamenya ko aho tugeze tudashaka abafinda ahubwo twemera abafite aho batugejeje ko hari nahandi bazatugeza KAGAME PAUL OYEEE , OYEEE, OYEEE

Kabisa Kuya 13-06-2017

Ntimukange abantu baza kudususurutsa. Abenshi stress y’ubuzima bugoye iba yatuzengereje. Iyo tubonye utuma tumwenyura turaruhuka. Mureke nawe afindafinde ibye.

kaka Kuya 12-06-2017

Nizere ko Komisiyo y’amatora itamwakiriye....

Visa Kuya 12-06-2017

Mana we !!!!! nukuri igihugu cyacu kigeze heza hashoboka pe ntabwo dukeneye abantu nkaba bubufindo kweri ! Perezida wacu turamuzi.Uyu nu mudugudu ntiyawuyobora pe! nabanze ajye kuyobora urugo rwe runamugire inama y’imyambarire cg agirango kuba president nuwariwe wese wabiba.K.P Oye urasobanutse kd urashoboye Peeee!!!!!

manel Kuya 12-06-2017

iki ni ikimenyetso kigaragaza ko abantu bakeneye impinduka,kuko ibi ntakindi gihe byigeze bibaho

yewe Kuya 12-06-2017

none se ubu arigufindi ibiki?

kaka Kuya 12-06-2017

Hhhhh!aba batipe noneho bari gukina comedy.

Xa Kuya 12-06-2017

Ngaho rero Mana yanjye! mwbonye iyo myambarire, sinumva se ahubwo igihugu yakiyoboza ubufindo aramenye da ntadukorereho ubufindo ashwi da, uwo mbona aha ntabyo yakwishoborera cyangwa nawe yeretswe yabaye President ntako bidatera aka Gitwaza ngo yahanuye ko umwana we azaba President de la republic da mujye munyumvira namwe, icyakora Kagame ni umuhanga umuntu ushobora igihugu kirimo abantu nk’aba najyane ubufindo bwe hirya iyo

ziZOU Kuya 12-06-2017

AKUMIRO NI AMAVUNJA PE!! NONE SE KO MBONA KWIYAMAMARIZA KUYOBORA U RWANDA ABANTU BABIGIZE GUKNA THEATRE! GENA RWANDA URI NZIZA RWOSE, IBI BYOSE TUBIKESHA AMAHORO N’UMUTEKANO N’UBWISANZURE BWABURI MUNYARWANDA WESE. KAGAME OYE, OYE, OYEEEEEEEE

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...