konka coffee
KONKA

AMAKURU

UKWEZI

Barafinda uvuga ko azakoresha indege mu kwiyamamaza, ibyo arimo bikomeje guteza urujijo

Barafinda uvuga ko azakoresha indege mu kwiyamamaza, ibyo arimo bikomeje guteza urujijo
27-06-2017 saa 12:46' | By Chief Editor | Yasomwe n'abantu 24026 | Ibitekerezo 14

Barafinda Sekikubo Fred, umugabo w’imyaka 47 watunguranye kuwa Mbere tariki 12 Kamena 2017 akajyana ibyangombwa bye muri Komisiyo y’amatora avuga ko ashaka kwiyamamariza kuba Perezida wa Repubulika mu matora azaba muri Kanama 2017, akomeje gutangaza no gusetsa abantu kubera imvugo ze zidasanzwe. Mu gihe urutonde rw’agateganyo rw’abatanze kandidatire rutangazwa kuri uyu wa Kabiri tariki 27 Kamena 2017, we avuga ko yongerewe igihe kandi ngo niyemererwa kwiyamamaza ashobora kuzakoresha indege.

Kuri uyu wa Kabiri tariki 27 Kamena 2017, ikinyamakuru Ukwezi.com cyavuganye ku murongo wa telefone na Barafinda avuga ko ari mu nzira ajya i Musanze, mu bikorwa byo gusinyisha abaturage kugirango azemererwe kwiyamamaza nk’umukandida wigenga. Ibi ariko arabivuga mu gihe Komisiyo y’amatora yo, biteganyijwe ko kuri uyu wa Kabiri ari bwo itangaza urutonde rw’agateganyo rw’abakandida bayigejejeho ibyangombwa.

Barafinda avuga ko we yemerewe na Komisiyo y’amatora ko yakomeza gukusanya imikono kugeza tariki 7 Nyakanga 2017, ubwo hazatangazwa urutonde ntakuka rw’abakandida bemerewe kwiyamamaza mu matora ya Perezida wa Repubulika. Avuga ko afite abantu benshi mu gihugu barimo kumusinyishiriza nawe akabafasha, kandi ngo imikono 600 yose asabwa azayibona mu gihe cya vuba. Avuga ko ku rutonde rw’agateganyo agomba kuba ariho, kuko nawe yageze muri Komisiyo akayigezaho ibyangombwa bye n’ubwo basanze bituzuye.

Barafinda yabwiye ikinyamakuru Ukwezi.com ko kugeza ubu arimo gukusanya imikono ngo azabashe kwiyamamaza nk’umukandida wigenga, ariko ngo mu gihe Ishyaka rye ryasohoka mu Igazeti ya Leta muri iyi minsi, yahita yiyamamaza ahagarariye ishyaka rye nk’uko abyivugira. Mu magambo ye ati: "Nateze imitego ibiri, umwe nudafata undi uzafata"

Barafinda Fred Sekikubo, ashimangira ko naramuka yemerewe kwiyamamaza kandi akanabiherwa uburenganzira, azakoresha indege mu bikorwa bye byo kwiyamamaza, ndetse ngo hari n’imodoka nyinshi zizamufasha muri ibyo bikorwa ategereje ko zizava hanze y’u Rwanda, zibarirwa muri 400.

Barafinda avuga ko ubu yicisha bugufi akagenda mu modoka rusange (Taxi), ariko ngo abishatse yajya agenda mu modoka ye bwite kuko kuba atayifite ari uko ashaka gukomeza kwiyegereza rubanda no kurushaho kumenya ibibazo bafite ngo abone uko azabibakemurira naramuka abaye Perezida.

Ikinyamakuru Ukwezi.com cyavuganye na Prof Kalisa Mbanda, Perezida wa Komisiyo y’amatora, dushaka kumubaza iby’uko Komisiyo yaba yaremereye Barafinda ko yakwitonda agakomeza gushaka imikono n’ibindi byangombwa, gusa yadutangarije ko bafite akandi kazi kenshi kuburyo nta makuru ubu batanga.

UMVA IBYO BARAFINDA YADUTANGARIJE HANO:

Mu minsi ishize, Sekikubo Barafinda Fred yabwiye ikinyamakuru Ukwezi.com ko yigeze kujyanwa mu bitaro by’abarwayi bo mu mutwe by’i Ndera, ariko ngo byari akagambane kuburyo n’imiti bamuhaga yanze kuyinywa, akajya ashuka abaganga ko yayinyweye akayijugunya. Yagize ati: "Nazize ubwenge ubwenge bwanjye, bari barangambaniye kuko abantu babona umutwe mfite w’akataraboneka bagashaka ko umutwe wanjye waba uwabo. Iyo miti rero barayimpaga nkayijugunya. Nari kuyinywa se? Nari ndwaye se? Ubuse ko ntanywa iyo miti ubona hari icyo nabaye? Niba nshobora kuyobora abarwanashaka banjye barenga miliyoni icyenda..."


INKURU ZA :
Tanga Igitekerezo
Ibitekerezo 14
Kiza Kuya 3-07-2017

Kuba arwaye ntawabimuseka ariko biratangaje kuko umwanya WO kuyobora urwanda so comes mbona babandi bakina crime bamushaka arikumwe na seburikiko byaba byiza kanyombya we yibereye umurokokore nuyu barafinda akeneye cansoring

Kiza Kuya 3-07-2017

Kuba arwaye ntawabimuseka ariko biratangaje kuko umwanya WO kuyobora urwanda so comes mbona babandi bakina crime bamushaka arikumwe na seburikiko byaba byiza kanyombya we yibereye umurokokore nuyu barafinda akeneye cansoring

Clement Kuya 2-07-2017

Gutuka umucandida kumwanya wa president sibyo rwose! Mwikongera

Clement Kuya 2-07-2017

Gutuka umucandida kumwanya wa president sibyo rwose! Mwikongera

mukuluwabana samwel Kuya 30-06-2017

gusa,nibaliwe,tubonakoko,azabanze,yiyamamalize,kuyobola,umudugudu,nashyika,bamuh’akagali,naho,kuyoboligihugu,gifit’amateka,malemale,cyuRwanda,bisaba,ubunalalibonye,abanyaRwanda twalahumutse,tuziguhitamo,neza

Kk Kuya 30-06-2017

Hhhhhhh nibatinda kumusubiza i Ndera zizasota burundu.

Nina Kuya 28-06-2017

Jye ndashaka ko condidature ya Barafinda yemerwa maze nkajya nisekera.

Sam Kuya 27-06-2017

Hahahhahahah barafinda mujye mumuvugisha kenshi kuko ibiganiro bye birasekeje

Richard Kuya 27-06-2017

Hhhhhhhhhhhbhhhhh mana Uyu Niwe barafinda ? Yewe Uyu nti yatuyobora

Kasim Kuya 27-06-2017

Sha Barafinda, ntajwi ryanjye naguha wambara karuvati guryo kbs.

Amani Kuya 27-06-2017

Arko se Barafinda ni kuriya aba yambaye cg ni udukoryo tw’sbafotozi?Njye ntawe nzi abamuzi mumbwire

Ndabitegereje George Kuya 27-06-2017

Urwanda se ubu ntirwaba rugiye kugera iwa Ndabaga aho noneho Diane Rwigara ari guhangana n’umurwayi wo Mu mutwe Barafinda!

alfa Kuya 27-06-2017

Yashakaga kumenyekana none abigezeho. Jye n’ubu nta we unzi.

Findifindi Kuya 27-06-2017

Mwaba muzi umugani w’umusazi wagurishaga ubwenge?( le fou qui vendait la sagesse. Nyamara ngo yabonye abakiliya benshi. Courage BARAFINDA.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...