konka coffee
KONKA

AMAKURU

UKWEZI

Bimwe mu bitangaje kuri Barafinda ushaka kuba Perezida n’amafoto ye mu bihe bitandukanye

Bimwe mu bitangaje kuri Barafinda ushaka kuba Perezida n’amafoto ye mu bihe bitandukanye
13-06-2017 saa 13:24' | By Chief Editor | Yasomwe n'abantu 26646 | Ibitekerezo 26

Barafinda Sekikubo Fred, umugabo w’imyaka 47 watunguranye kuri uyu wa Mbere tariki 12 Kamena 2017 akajyana ibyangombwa bye muri Komisiyo y’amatora avuga ko ashaka kwiyamamariza kuba Perezida wa Repubulika mu matora azaba muri Kanama 2017, akomeje gutangaza no gusetsa abantu kubera imvugo ze zidasanzwe. Kimwe mu bidasanzwe yatangaje, ni uko yigeze kugezwa mu bitaro by’abarwayi bo mu mutwe by’i Ndera.

Mu kiganiro yagiranye n’ikinyamakuru Ukwezi.com, mu mvugo zumvikanamo gucurika amagambo no gusubiza ibitandukanye n’ibyo abajijwe rimwe na rimwe, Sekikubo Fred Barafinda yatangaje bimwe mu bintu bitangaje kuri we, ibyinshi muri byo bikaba bisekeje kuburyo bishobora gutiza umurindi abakomeza kuvuga ko ari umunyarwenya.

Sekikubo Barafinda Fred afite abana 10 kandi ateganya gukomeza akabyara kuko ubukungu bw’u Rwanda ari abaturage.

Sekikubo Barafinda Fred yabwiye ikinyamakuru Ukwezi.com ko afite umugore umwe n’abana 10, umukuru akaba afite imyaka 19 y’amavuko, ariko ngo aba bana ni bacye cyane kuko ubukungu bw’u Rwanda ari abaturage kandi ngo abakurambere be babyaraga benshi kumurusha. Yagize ati: "Nyogokuru yabyaye abana 25, mama abyara 20 none njyewe ngejeje ku 10, nzakomeza mbyare uzaze mbigutangarize neza wumirwe wongere utangare. Igihugu ubukungu bwacyo ni abaturage. Ntubizi se? Ni ubutaka se bwonyine? Urabona biriya bihugu bindi duhana imbibi nibibyara abana benshi kuturusha, bizatuma tuba insina ngufi."

Sekikubo Barafinda Fred yajyanywe mu bitaro by’abarwayi bo mu mutwe i Ndera

Sekikubo Barafinda Fred yabwiye ikinyamakuru Ukwezi.com ko yigeze kujyanwa mu bitaro by’abarwayi bo mu mutwe by’i Ndera, ariko ngo byari akagambane kuburyo n’imiti bamuhaga yanze kuyinywa, akajya ashuka abaganga ko yayinyweye akayijugunya. Yagize ati: "Nazize ubwenge ubwenge bwanjye, bari barangambaniye kuko abantu babona umutwe mfite w’akataraboneka bagashaka ko umutwe wanjye waba uwabo. Iyo miti rero barayimpaga nkayijugunya. Nari kuyinywa se? Nari ndwaye se? Ubuse ko ntanywa iyo miti ubona hari icyo nabaye? Niba nshobora kuyobora abarwanashaka banjye barenga miliyoni icyenda..."

Sekikubo Barafinda Fred avuga ko afite ubunararibonye bwo kwiyobora

Uyu mugabo avuga ko nta bundi bunararibonye akeneye mu bijyanye no kuyobora kuko kuba amaze imyaka 47 yose yiyobora imodoka zitamugonga cyangwa ngo ayoberwe aho ataha, bishimangira ko ari inzobere mu byo kuyobora kandi bikaba bigaragaza ko yabasha no kuyobora isi yose.

Sekikubo Barafinda Fred avuga ko afite ishyaka rifite abayoboke barenga 9.800.000

N’ubwo ishyaka rye ryitwa RUDA ntaho risanzwe rizwi mu gihugu, Sekikubo Barafinda Fred ntatinya kuvuga ko rifite abayoboke barenga 9.800.000 hirya no hino mu gihugu, kandi ngo ni umunyapolitiki mwiza w’amahoro w’i Kanombe ufite impamvu nziza 200, kuburyo yumva bihagije ngo ayobore igihugu.

Sekikubo Barafinda Fred ashaka ko abaturage bazajya kumusinyira iwe mu rugo

Uyu mugabo usekeje cyane, avuga ko n’ubwo asabwa imikono y’abanyarwanda 600 kugirango aziyamamaze nk’umukandida wigenga mu gihe ibyo kwiyamamaza mu ishyaka rye bizaba bitakunze, iyo mikono ngo azayibona atavuye iwe i Kanombe kuko abanyarwanda bagomba kuzamusanga iwe kugirango batazitesha amahirwe yo kuyoborwa n’umuntu w’akataraboneka.


INKURU ZA :
Tanga Igitekerezo
Ibitekerezo 26
ugiribambe gerard Kuya 19-06-2017

kwajina layesu uyu avuyehe yarakizese
nibareke MUZEHE KAGAME AYOBORE NAHO ABA BARWAYI BABAREKE
AKABAYE ICWENDE NTIKOGA

coco master Kuya 15-06-2017

uyu musani ahubwo
afite ibintu anywa bidasanzwe

gaston Kuya 14-06-2017

Mumuhe rugari

bizimana Kuya 14-06-2017

Tekereza urwanda ruyobowe numuntu nkuyu rwagerahe kweri inararibonye afite niyo kwiyobora atazi gufunga karuvati biratangaje pe gusa basuzume neza bamufashe kuko tuzineza ko dufite umubyeyi mwiza arirwo rwatubyaye ndavuga urwanda nimfura zarwo

parfaite Kuya 14-06-2017

uyu barafinda afite ikibazo cyomumutwe ahubwo asubizwe kwamuganga hakirikare ahabwe ubutabazi bwibanze

John Kuya 14-06-2017

Uyu gahunda ze bishobokeko arugutesha umwanya abantu , iyo biba ibisazi aba yakuyemo imyenda cg agashoka muri Lac Muhazi

Narc6 Kuya 14-06-2017

interview za Barafinda wumvako kuba amaze imyaka 47 yiyobora imodoka ntizimugonge,akumvako kuba yariyoboye mugutaha iwe! akumvako iyo ari experience yubuyobozi,njye numva akwiye kwitabwaho agahabwa ubuvuzi bw’indwara zifata kubwonko kuko uwamutora yaba ari atazi ubuyobozi icyo aricyo ,uretse nabarafinda,ntanundi dushaka uretse Salomon w’urwagasabo (Paul Kagame) ,intore izirusha intambwe!! Kagame oyeeeeeeeeee!!!!!!

Narc6 Kuya 14-06-2017

interview za Barafinda wumvako kuba amaze imyaka 47 yiyobora imodoka ntizimugonge,akumvako kuba yariyoboye mugutaha iwe! akumvako iyo ari experience yubuyobozi,njye numva akwiye kwitabwaho agahabwa ubuvuzi bw’indwara zifata kubwonko kuko uwamutora yaba ari atazi ubuyobozi icyo aricyo ,uretse nabarafinda,ntanundi dushaka uretse Salomon w’urwagasabo (Paul Kagame) ,intore izirusha intambwe!! Kagame oyeeeeeeeeee!!!!!!

Twagirumukiza Emmanuel Kuya 14-06-2017

Barafinda ni Barafinda nyine ahubwo nafashwe gusubira kwa muganga kuko murumva ko byagarutse icyiza cyabyo nuko bitandura ngo arabitwanduza.

Twagirumukiza Emmanuel Kuya 14-06-2017

Barafinda ni Barafinda nyine ahubwo nafashwe gusubira kwa muganga kuko murumva ko byagarutse icyiza cyabyo nuko bitandura ngo arabitwanduza.

Claudine Kuya 14-06-2017

Mumureke yishimishe

Claudine Kuya 14-06-2017

Mumureke yishimishe

PASI Kuya 14-06-2017

Uyu mugabo azavuzwe neza akire ibyo kwiyamamaza byo ntacyo bimaze

-xxxx- Kuya 14-06-2017

Uyu arirwariye nimumureke yishimishe

sasa Kuya 14-06-2017

Ese ubundi asanzwe akora iki?

billy Kuya 13-06-2017

Yemwe ibintu byarakaze.nge nakomej gukurikirana iyinkuru gihera kuwa1.arko uyumutipe atuyoboye ntacyo twageraho.ahanyishe naho yavuzengo imyaka amaze yiyobora ntamodoka imugonga.... Nabonye interview Irantsetsa pe!!

billy Kuya 13-06-2017

Yemwe ibintu byarakaze.nge nakomej gukurikirana iyinkuru gihera kuwa1.arko uyumutipe atuyoboye ntacyo twageraho.ahanyishe naho yavuzengo imyaka amaze yiyobora ntamodoka imugonga.... Nabonye interview Irantsetsa pe!!

Hatungimana jonas Kuya 13-06-2017

Mwiriweho Arikubundi.Bareka umusazi.Akaza gutesha umwanya Abantu.n’amafutiye.ngwashaka gutwara igihu?

joe Kuya 13-06-2017

mwidutesha umwanya! azakomeze yiyobore nurwo rubyaro rwe! Imana izamfashe sinanamubone kuri list y itora

Chantal Kuya 13-06-2017

Aliko rero commission yamatora nayo mubyangombwa isaba aba candidat yongeremo nicyemezo cya muganga w’i Ndera cyemezako4 umukandida alimuzima mumutwe, kiliho numukono wa minisante nuwa notaire nahubundi turayoborwa nabasazi5 da

munono Kuya 13-06-2017

hahhhhhhhhh ebana nari niriwe ntasetse kabisa ubu nasetse natembagaye uyu mugabo ati iyi myaka yose niyobora ntarayoba iwanjye nanimodoka yari yangonga murumva ntarimo umuyobozi udasanzwe?

INEZA Kuya 13-06-2017

BARAFINDA ahhhhhhh rata ,ntiwumva se izina niryomuntu finda urebe icyobizatanga ,ibyambere wabibonye wamenyekanye ntitwari tukuzi .ntanuwakuvugaga

Kwihorera Kuya 13-06-2017

Yo nu murwayi wumunyesuku

Moses Kuya 13-06-2017

Isaac,uri umusaza kbsa,uvuze amagambo y,ubwe nge

Natacha Kuya 13-06-2017

Ariko nukuri abanyamakuru muri abashisi yose aguzi. Koko Barafinda uyu (izina niryo muntu koko) murabona atari ibisazi bye byamuzanye gutanga candidature. Ariko mu bisubizo yatanze cyansekeje ni hano yavuze ko kuba amaze iyi myaka yiyobora bigaragaza ubushobozi bwo kuyobora isi

Isaac Kuya 13-06-2017

Uyu ni umurwayi ntabateshe umwanya.Gusa asigasirwe buhoro buhoro ntiyandagazwe kuko uburwayi ntawe bitageraho.Umubiri ubyara udahatse.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...