konka coffee
KONKA

AMAKURU

UKWEZI

Bimwe mu byo wamenya kuri Dr Edouard Ngirente wagizwe Minisitiri w’Intebe - AMAFOTO

Bimwe mu byo wamenya kuri Dr Edouard Ngirente wagizwe Minisitiri w’Intebe - AMAFOTO
30-08-2017 saa 15:06' | By Chief Editor | Yasomwe n'abantu 32723 | Ibitekerezo 14

Kuri uyu wa Gatatu tariki 30 Kanama 2017, nibwo Perezida Paul Kagame yashyizeho Minisitiri w’Intebe mushya, Dr. NGIRENTE Edouard, izina rye rikaba ryumvikanye nk’aho ari rishya mu matwi y’Abanyarwanda benshi. Mu makuru macye Ikinyamakuru Ukwezi.com cyabashije kubona, twamenye bimwe mu bimwerekeyeho.

Dr Edouard Ngirente, ni inzobere mu bijyanye n’ubukungu bushingiye ku buhinzi, akaba afite impamyabumenyi y’ikirenga (PhD). Yavukiye mu karere ka Gakenke mu Majyaruguru y’u Rwanda, mu 1973, Yize amashuri yisumbuye muri Groupe Scolaire de La Salle i Byumba (ubu ni mu karere ka Gicumbi) akomereza muri Kaminuza y’u Rwanda hanyuma asoreza mu Bubiligi aho yakuye impamyabumenyi ebyiri z’icyiciro cya kabiri cya Kaminuza (Masters) irimo ijyanye no kuzahura imari (Financial Risks Management) n’ijyanye n’Ikoranabuhanga mu bukungu bushingiye ku buhinzi (Agriculture Economics). Aha mu Bubiligi ninaho yakuye impamyabumenyi y’ikirenge (PhD) n’ubundi mu bijyanye n’ikoranabuhanga mu bukungu bushingiye ku buhinzi. Mu myaka ya 2000, yigishaga muri Kaminuza y’u Rwanda i Butare, ndetse yari umuhuzabikorwa w’ishami ryari rishinzwe ubushakashatsi n’amakuru ku bijyanye n’imibereho n’ubukungu bwo mu cyaro.

Tariki 27 Ukwakira 2009, mu nama y’Abaminisitiri yabaye, Dr Ngirente Edouard yagizwe umuyobozi ushinzwe Igenamigambi muri MINECOFIN, nyuma azamurwa mu ntera agirwa Umujyanama mu by’ubukungu muri Minisiteri y’Imari n’Inenamigambi (MINECOFIN), aka kazi akaba yaragakoze mu gihe cy’umwaka umwe kugeza ubwo we ku giti cye yasabaga Leta y’u Rwanda ko yakwemererwa kugahagarika.

Inama y’Abaminisitiri yateraniye muri Village Urugwiro tariki 30 Werurwe 2011, iyobowe na Nyakubahwa Perezida wa Repubulika, Paul KAGAME, yemereye Dr. NGIRENTE Edouard, wari umujyanama mu by’ubukungu muri MINECOFIN, kuba yahagarika akazi mu gihe kitazwi.

Nyuma gato, Dr Edouard Ngirente yahise atangira akazi muri Banki y’Isi, aho yari Umujyanama Wungirije w’Umuyobozi Nshingwabikorwa wa Banki y’Isi, nyuma gato azamurwa mu ntera agirwa Umujyanama Mukuru w’Umuyobozi Nshingwabikorwa wa Banki y’Isi (Senior Advisor To Executive Director of World Bank). Dr Ngirente yari asanzwe aba muri Columbia muri Leta Zunze Ubumwe za Amerika.

Dr Ngirente mu Nteko Ishinga Amategeko agiye kurahirira inshingano yahawe

Minisitiri w’Intebe mushya yarahijwe na Perezida Paul Kagame

Dr Ngirente arubatse, akaba afite umugore bafitanye abana babiri b’abakobwa. Ni Minisitiri w’Intebe wa 11 mu mateka y’u Rwanda, akaba asimbuye Murekezi Anastase wari umaze igihe kuri uyu mwanya. Nyuma ya Jenoside yakorewe Abatutsi, abaye Minisitiri w’Intebe wa 6.

SOMA INKURU BIJYANYE HANO: Menya iby’ababanjirije Minisitiri w’Intebe mushya w’u Rwanda washyizweho

Umugore n’abana ba Minisitiri w’Intebe mushya, Dr Ngirente Edouard


INKURU ZA :
Tanga Igitekerezo
Ibitekerezo 14
Munezero Kuya 31-08-2017

Turamwishimiye kandi tumuhaye ikaze n’umugabo w’umuhanga kandi n’umunyakuri ariko mfite impungenge ko azongera agasaba kuhagarika akazi nyuma y’umwaka 1 ari Premier Minister! !!!!!!!!!!

munyarukundo Emmy Kuya 30-08-2017

Turamwishime nyakubahwa Dr Eduard
Tumwifurije imirimo myiza. No gukorana neza, ni ntore izirusha intambwe. M urakoze.

munyarukundo Kuya 30-08-2017

Turamwishime nyakubahwa Dr Eduard
Tumwifurije imirimo myiza. No gukorana neza, ni ntore izirusha intambwe. M urakoze.

munyarukundo Kuya 30-08-2017

Turamwishime nyakubahwa Dr Eduard
Tumwifurije imirimo myiza. No gukorana neza, ni ntore izirusha intambwe. M urakoze.

kafu Kuya 30-08-2017

twishimiye nyakubahwa ministri wintebe mushyashya azashishoze mugushyiraho ministri wuburezi kuko kugeza ubu niyo ministeri isa niyananiranye kubona umuntu uyishoboye

murakoze

kafu Kuya 30-08-2017

twishimiye nyakubahwa ministri wintebe mushyashya azashishoze mugushyiraho ministri wuburezi kuko kugeza ubu niyo ministeri isa niyananiranye kubona umuntu uyishoboye

murakoze

Dieudonne Mushabizi Kuya 30-08-2017

Nyakubahwa Paul Kagame aduhitiramo neza ariko uyu munsi noneho yahebuje. Nawe se uretse ubuhanga tuzi kuri Dr Edouard Ngirente, kuba ubuhanga bwe bushingiye ku bukungu bushingiye ku buhinzi, ni akrusho ku gihugu nk’icyacu. Turamwishimiye tunamusaba ngo azarebe uko yazamura ubuhinzi bwacu kandi arinde n’igabanuka ry’ubutaka ritewe n’inyubako z’akajagari ahantu haberanye n’ubuhinzi. Tumwifurije akazi keza.

Simon Kuya 30-08-2017

Nkurikije ubunararibonye numvise bw’uyu mugabo n’imirimo yose yagiye akora, sinshidikanya ko azadufasha kugera ku iterambere twifuza twese turi kumwe n’intore izirusha intambwe, nyakubahwa perezida wa Repubulika.

everiste Kuya 30-08-2017

ikaze mungamba zoguteza imbere urubyiruko

baptiste Kuya 30-08-2017

umusaza arasobanutse kbsa nakomerezaho .dutegereje abandi bagize government nshya

Ephrem Kuya 30-08-2017

Ikaze Nyakubahwa muri manda y’ubudasa abanyarwanda twihitiyemo tugamije kwiyubakira igihugu.
Tubarinyuma murugamba rw’iterambere twatangiye.

PASI Kuya 30-08-2017

Ni ukuri turamwishimiye ni agire akazi keza akomereze kubyagezweho

Marcel Kuya 30-08-2017

Murakoze Cyane!Mubaye Abambere Batunyuriyemo Amateka Ya Nyakubahwa Minister Eduard.Tumwifurije Ishya Nihirwe Mukazi Gakomeye Atangiye.Murakoze

Kabanda Kuya 30-08-2017

NUKURI TURAMWISHIMIYE NDUMVA AFITE UBUNARARIBONYE MU BUJYANAMA, TWIZEYE KO AZAKORANA NEZA N’ INTORE IZIRUSHA INTAMBWE. MWIFURIJE IMIRIMO MYIZA!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...