konka coffee
KONKA

AMAKURU

UKWEZI

Depite Mukayisenga yavuzwe ibigwi n’abayobozi barimo na Perezida Kagame - Amafoto

Depite Mukayisenga yavuzwe ibigwi n’abayobozi barimo na Perezida Kagame - Amafoto
14-06-2017 saa 09:38' | By Chief Editor | Yasomwe n'abantu 11175 | Ibitekerezo

Kuri uyu wa Gatatu tariki 14 Kamena 2017, nibwo mu Nteko Ishinga Amategeko y’u Rwanda habereye umuhango wo gusezera kuri Depite Mukayisenga Francoise watabarutse mu ijoro ryo kuwa Mbere tariki 12 Kamena 2017, aguye mu bitaro bya gisirikare i Kanombe. Muri uyu muhango, abayobozi batandukanye barimo na Perezida Kagame, batanze ubutumwa bugaragaza ibigwi by’uyu mubyeyi wari intumwa ya rubanda.

Abagize Inteko Ishinga Amategeko, Abayobozi bakuru n’abo mu muryango wa Depite Françoise Mukayisenga bazindukiye mu Ngoro y’Inteko Ishinga Amategeko y’u Rwanda, bamusezera mu cyubahiro. Minisitiri w’umuco na Siporo, Madamu Uwacu Julienne, niwe wasomye ubutumwa Perezida wa Repubulika y’u Rwanda, Paul Kagame, yoherereje umuryango wa Depite Françoise Mukayisenga awufata mu mugongo.

JPEG - 80.5 kb

Minisitiri Uwacu Julienne niwe wasomye ubutumwa Perezida Kagame yoherereje umuryango awufata mu mugongo

Mu butumwa bwe, Perezida wa Repubulika, Paul Kagame, yashimye umurava n’ubwitange byaranze Depite Françoise Mukayisenga mu mirimo inyuranye yagiye ashingwa mu gihugu.

JPEG - 148.4 kb
JPEG - 132.9 kb

Umuhango wo gusezera kuri Depite Mukayisenga witabiriwe n’abayobozi bakuru batandukanye

JPEG - 109 kb

Abo mu muryango we nabo bari bitabiriye uyu muhango wo kumuherekeza mu cyubahiro. Aba ni abana be batatu n’umugabo asize

Perezida w’Inteko Ishinga Amategeko, umutwe w’Abadepite, Hon Mukabalisa Donatille, nawe mu butumwa bwe yagarutse ku bigwi bya nyakwigendera, Depite Mukayisenga Francoise.

JPEG - 144.8 kb
JPEG - 110.5 kb

Depite Mukabalisa Donatille ati: "Depite Mukayisenga Françoise mu mirimo ye mu Nteko Ishinga Amategeko, yaranzwe n’ubushishozi, ubwitange n’umurava, agaragaza ubuhanga n’ubushobozi mu bitekerezo byiza yatangaga. Twese tuzi ubwitange n’umuhate ntagereranwa byarangaga Depite Mukayisenga Françoise kuko uburyo yatangaga ibitekerezo byagaragazaga ko yafashe umwanya uhagije wo gusoma no gusesengura mu mirimo yose y’Inteko Ishinga Amategeko."

JPEG - 171.9 kb

Depite Mukabalisa yakomeje agira ati: "Depite Mukayisenga yaranzwe no kwicisha bugufi no gukunda abantu, yubahaga buri wese akarangwa no gukunda ukuri. Hon. Depite Mukayisenga yakundaga kujya inama; Umutwe w’Abadepite n’ Igihugu tubuze umuntu w’ingirakamaro"

JPEG - 133.2 kb
JPEG - 139.8 kb
JPEG - 142.8 kb
JPEG - 155.1 kb

Abayobozi batandukanye bunamiye Hon Francoise Mukayisenga

Depite Mukayisenga Francoise yari afite imyaka 48 y’amavuko, akaba yari amaze imyaka 14 ari umudepite kuko yatorewe uyu mwanya bwa mbere muri 2003, ari mu badepite bahagarariye FPR Inkotanyi. Yatabarutse ari umubyeyi ufite umugabo babyaranye abana batatu. Mu yindi mirimo yakoze, harimo kuba umunyamabanga muri Minisiteri y’Imari n’Igenamigambi (MINECOFIN) kuva mu 1992 kugeza mu 1994, kuva mu 1998 kugeza muri 2001 aba umubaruramari w’icyahoze ari Komine Rwerere, naho kuva muri 2001 kugeza muri 2003 aba umuyobozi w’akarere wungirije ushinzwe guteza imbere abagore, mu cyahoze ari akarere ka Cyanzarwe.

JPEG - 127.9 kb
JPEG - 144.1 kb
JPEG - 140.1 kb
JPEG - 152.2 kb

Abasenateri, Abadepite n’Abayobozi bakuru bifatanyije n’umuryango wa Hon Mukayisenga Françoise mu isengesho ryo kumusabira muri ADEPR Kacyiru


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...