konka coffee
KONKA

AMAKURU

UKWEZI

Depite Philbert yongeye gushimangira ko i Gitwe hari Laboratwari ya mbere mu Rwanda

Depite Philbert yongeye gushimangira ko i Gitwe hari Laboratwari ya mbere mu Rwanda
27-10-2017 saa 18:09' | By Chief Editor | Yasomwe n'abantu 3520 | Ibitekerezo 1

Mu muhango wo gusoza icyumweru cyahariwe kwakira intore mu zindi muri ISPG, kuri uyu wa gatanu Hon. Philbert Uwiringiyimana yahamagariye urubyiruko gukunda igihugu no gufasha Leta muri gahunda y’umuvuduko w’iterambere yiyemeje. Uyu mudepite yagarutse ku kuba imirimo y’uburezi itangirwa muri Kaminuza ya Gitwe guhera kera izwi kandi ifatanya n’abanyarwanda mu kubaka igihugu ndetse yongera gushimangira ko ISPG kugeza ubu ari yo ifite laboratwari ya mbere mu Rwanda muby’ubuvuzi.

Icyumweru cyo kwakira intore mu zindi za Kaminuza ya Gitwe cyatangiye kuwa 23 Ukwakira 2017 gisozwa kuri uyu wa 27 Ukwakira 2017, aribwo abanyeshuri bashya bakunze kwitwa Intore bakiriwe mu muryango w’Imparirwakurusha (izina ry’Intore za ISPG).

Nk’uko byagiye binyura mu nyigisho zitandukanye, abayobozi ba ISPG bafatanyije n’abanyeshuri bagiye bagira ibiganiro bitandukanye, kuri gahunda ya Ndi Umunyarwanda, kwihesha agaciro, gusigasira ibyagezweho no kurushaho kugaragaza ikinyabupfura kiranga umunyarwanda aho ari hose ku isi.

Ku munsi wa gatatu, Prof Nyagahene Antointe, umwalimu muri Kaminuza ya ISPG mu kiganiro yatanze kuri Ndi Umunyarwanda yagaragaje ko kuva kera kose umunyarwanda yaranzwe n’ubutwari bwo gukunda igihugu n’abagituye.

Prof. Nyagahene Antointe(wambaye lunette) inararibonye mu burezi akaba ari umwarimu muri ISPG.

Yakomeje avuga ko umuco iteka utozwa abanyarwanda ari wo shingiro nyaryo ryo gukunda igihugu. Ati: “Imbaraga Leta yacu ishyira mu rubyiruko nkamwe, ibashishikariza gukunda igihugu cyababyaye nizo zizubaka u Rwanda mu myaka myinshi iri imbere, nk’urubyiruko mukwiye kugaragaza indangagaciro za Kinyarwanda na kirazira aho muri hose.”

Mu ijambo rye Depite Philbert Uwiringiyimana ubwo yasozaga iki cyumweru cyo kwakira Intore mu zindi yashimiye Imparirwakurusha za ISPG ubushake n’umurava zagaragaje mu minsi itanu zimaze zihugura ku nsanganyamatsiko zitandukanye.

Yongeyeho ko mu masomo aba banyeshuri biga bakwiye kujya bakurikira cyane ubumenyi bahabwa kugirango hatagira inyigisho n’imwe ibacika dore ko ku isoko ry’umurimo bakenewe kandi ko bagomba kuba ari abahanga.

Na bamwe mu bayobozi b’abanyamahanga bo muri ISPG bitabiriyr iki gikorwa.

Depite Philbert Uwiringiyimana uri no muri Komisiyo y’uburezsi mu nteko nshingamategeko yaboneyeho no kuvuga ko ISPG kugeza ubu ari yo Kaminuza mu Rwanda ifite Laboratwari yujuje byinshi kurusha izindi.
Yagize ati:“Hano i Gitwe muri ISPG turabizi neza ko ari mwe mufite laboratwari y’ubuvuzi ya mbere mu Rwanda, ubutaha nitubona umwanya tuzaza mudutembereze, rero abanyeshuri n’abarimu bagomba kuyibyaza umusaruro”.

Intore nshya zakiriwe mu zindi ziga mu mashami atanu ya ISPG, Ubuforomo, laboratwari, ikoranabuhanga, ubukungu n’ikoranabuhanga n’uburezi.


INKURU ZA :
Tanga Igitekerezo
Ibitekerezo 1
shyaka Kuya 28-10-2017

Nuko ISPG sugira kandi usagambe wowe shingiro ry’ igicumbi cy’ ubwenge kubana bu Rwangmda. oyeeeee! ISPG.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...