konka coffee
KONKA

AMAKURU

UKWEZI

Diane Rwigara n’abo mu muryango we bakuwe iwabo na Polisi ku ngufu - AMAFOTO

Diane Rwigara n’abo mu muryango we bakuwe iwabo na Polisi ku ngufu - AMAFOTO
4-09-2017 saa 18:16' | By Chief Editor | Yasomwe n'abantu 23770 | Ibitekerezo 20

Mu masaha y’igicamunsi cyo kuri uyu wa Mbere tariki 4 Nzeri 2017, Diane Rwigara n’abo mu muryango we batawe muri yombi na Polisi y’u Rwanda yabakuye mu rugo iwabo ,mu Kiyovu mu mujyi wa Kigali ku ngufu, nyuma y’uko bari banze kwitaba inzego z’ubugenzacyaha zari zirimo kubakoraho iperereza ku byaha bakurikiranyweho.

Mu minsi ishize ubwo Polisi yatangiraga gukurikirana Diane Rwigara n’abo mu muryango we, bo ubwabo bisabiye ko Polisi yaba irekeye aho ibikorwa byo kubabaza bakabanza bagashaka ubunganira mu mategeko bakavugana ku byaha baregwa. Kuri uyu wa Mbere, bari bumvikanye n’ishami rishinzwe ubugenzacyaha muri Polisi ko bagomba kwitaba ariko banga kwitaba.

Polisi yagombye gushaka uburyo ikura ku ngufu Diane Rwigara, umubyeyi we n’abavandimwe iwabo

Umuvugizi mukuru wa Polisi y’u Rwanda, ACP Theos Badege, yabwiye ikinyamakuru Ukwezi.com ko Diane Rwigara n’abo mu muryango we barimo nyina n’abavandimwe be, bakuwe iwabo mu Kiyovu ku ngufu bakajyanwa na Polisi ngo bakomeze gukorwaho iperereza ku byaha bakurikiranyweho, birimo ibya Diane Rwigara ku giti cye n’iby’abandi bo mu muryango we.

ACP Theos Badege yabwiye Ikinyamakuru Ukwezi.com ko nyuma yo kwanga kwitaba Polisi bakajyanwa ku ngufu, ubugenzacyaha buzanzura ikizakurikiraho, hagati yo kuba bakomeza bakabazwa bari mu maboko ya Polisi cyangwa kuba bakomeza gukorwaho iperereza badafunzwe.

Polisi yitabaje imbaraga, yurira igipangu cyo kwa Rwigara kugirango ibashe kubabona

Diane Rwigara arimo gukorwaho iperereza ku cyaha cyo gukoresha impapuro mpimbano akekwaho kuba yarakoze ubwo yakusanyaga imikono y’abamusinyiraga ngo yemererwe kwiyamamaza, hanyuma hamwe n’abo mu muryango we bakaba banakurikiranyweho icyaha cyo kunyereza imisoro, iki cyo kikaba atari we bwite gikurikiranyweho ahubwo ngo ni kompayi y’ubucuruzi ihuriweho n’abo muri uyu muryango.

Ubwo Komisiyo y’amatora yasobanuraga ibyatumye bamwe mu bakandida batemererwa kujya ku rutonde ntakuka rw’abahatanira kuyobora u Rwanda, yavuze ko ku ilisiti y’abasinyiye Diane Rwigara mu Karere ka Gasabo hariho abantu babiri avuga ko bamusinyiye kandi barapfuye.

Urugero ni RUDAHARA Augustin wari ufite nimero y’indangamuntu 1196380003823002, waguye mu bitaro bya Kibagabaga tariki ya 16 Mata 2016, agashyingurwa tariki ya 17 Mata 2016 mu irimbi rya Busanza i Kanombe na MANIRAGUHA Innocent wari ufite nimero y’Indangamuntu 1199898000414103 wapfuye. Mu bindi Komisiyo yavuze, ni uko no mu Karere ka Nyarugenge yerekanye ko yasinyiwe n’uwitwa BYIRINGIRO Desire ufite nimero y’indangamuntu 119780002226035 kandi yarapfuye.

Komisiyo y’amatora yanagaragaje ko Diane Rwigara yafatanyije n’Umukorerabushake wa Komisiyo y’Igihugu y’amatora witwa UWINGABIRE Joseph ukorera mu Karere ka Rulindo, Umurenge wa Mbogo, Akagari ka Rukoro, Umudugudu wa KININI Ya MBOGO basinyira abantu 26 Imyirondoro yabo ikuwe ku makarita y’itora 38 uwo umukorerabushake yari afite agomba kuyaha ba nyirayo.

N’ubwo Komisiyo y’amatora yavuze ibi mu rwego rwo kugaragaza ko aba bakandida batujuje ibisabwa ngo biyamamaze, mu rwego rw’amategeko nabwo ibi byari byitezwe ko Diane Rwigara ashobora gukurikiranwa icyaha cyamuhama akaba yanafungwa imyaka ishobora kugera kuri irindwi.

Ingingo ya 609 mu gitabo cy’amategeko ahana ibyaha mu Rwanda, ivuga ko “Umuntu wese uhimba cyangwa uhindura mu buryo ubwo ari bwo bwose inyandiko, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa, ahanishwa igifungo kirenze imyaka itanu (5) kugeza ku myaka irindwi (7) n’ihazabu y’amafaranga y’u Rwanda kuva ku bihumbi magana atatu (300.000) kugeza kuri miliyoni eshatu (3,000,000)."

Naho ingingo ya 610 iteganya ko “umuntu wese uzi ko inyandiko ari impimbano, akayikoresha ku buryo ubwo ari bwo bwose ahanishwa ibihano bimwe n’iby’uwayihimbye."

Diane Rwigara, nyina n’abavandimwe be bamaze kugezwa imbere y’ubugenzacyaha


INKURU ZA :
Tanga Igitekerezo
Ibitekerezo 20
Evode Uwase Kuya 5-09-2017

Umva Wamuntu we Wakwemeye Ukayamanika Ko Umusaza Nawamusimbura

Hirwa Raoul Kuya 5-09-2017

Njye mbona ari ihungabana uyu muryango wagize kuko sinumva uku Diane yafashe decision yo kuba President en plus akiri umukobwa kdi bitemewe n’amategeko nubwo bamuretse ngo ashake imikono, gusa njye mbona babegera bakabagira inama kuko sibo bonyine bapfushije ku isi kdi bibuke ko nabo ariyo nzira so batuze kuko abandi baranapfusha imiryango igasigara mubukene kdi bagatuza iminsi ikicuma none bo baratuka police y’igihugu uko bishakiye so othorwise bafite umurengwe kdi ndabona ubakoraho.

ahuuuu Kuya 5-09-2017

POLICE YASIMBUYE RRA RYARI WE!!!!!!!!!!!!!!

Manaku Kuya 5-09-2017

Ibyo nibyo bita rule of law amategeko arena buri wese umukene cg umukire.Ikindi kandi ubu ni presumes coupable kuko ataragezwa imbere y’urukiko arirwo ruzafata umwanzuro ku byaha arengwa

Manaku Kuya 5-09-2017

Ibyo nibyo bita rule of law amategeko arena buri wese umukene cg umukire.Ikindi kandi ubu ni presumes coupable kuko ataragezwa imbere y’urukiko arirwo ruzafata umwanzuro ku byaha arengwa

kagabo Kuya 5-09-2017

aka nakarengane gakomeye kd IMANA Izabahorera naho abo bitwaza ko yiyamamaje ni uburenganzira bwe nkuko buri munyarwanda wese yemerewe kwiyamamaza hanyuma se umuryango we urazira iki?ibi bintu ni ubukunguzi kd ukuri kuzatsinda

lg Kuya 5-09-2017

umuntu ashobora kugira ubwenge ashobora kubura, ubwenge ashobora kurwara ashobora no kuba inkunguzi kimwe nicyabura! !

Barakapfitiye Jacke Kuya 5-09-2017

Tuyishime. Uravugango ariyamamaza arumugore harumuntu udafite uburenganzira bwokubaka igihuguke ? Kuba yariyamamaje nawe yumvaga haribitarakozwe yashobora gukora ntimugahinyure umuntu ntimuzi mumutima we ikimurimo uriho nimana yamushyizeho nundi yamukoresha byinshi kd byiza

Barakapfitiye Jacke Kuya 5-09-2017

Tuyishime. Uravugango ariyamamaza arumugore harumuntu udafite uburenganzira bwokubaka igihuguke ? Kuba yariyamamaje nawe yumvaga haribitarakozwe yashobora gukora ntimugahinyure umuntu ntimuzi mumutima we ikimurimo uriho nimana yamushyizeho nundi yamukoresha byinshi kd byiza

Barakapfitiye Jacke Kuya 5-09-2017

Tuyishime. Uravugango ariyamamaza arumugore harumuntu udafite uburenganzira bwokubaka igihuguke ? Kuba yariyamamaje nawe yumvaga haribitarakozwe yashobora gukora ntimugahinyure umuntu ntimuzi mumutima we ikimurimo uriho nimana yamushyizeho nundi yamukoresha byinshi kd byiza

Barakapfitiye Jacke Kuya 5-09-2017

Tuyishime. Uravugango ariyamamaza arumugore harumuntu udafite uburenganzira bwokubaka igihuguke ? Kuba yariyamamaje nawe yumvaga haribitarakozwe yashobora gukora ntimugahinyure umuntu ntimuzi mumutima we ikimurimo uriho nimana yamushyizeho nundi yamukoresha byinshi kd byiza

Igiraneza Moise Kuya 5-09-2017

Ndumiwe

Erina Kuya 4-09-2017

Uwomuryango Urarengana

Umuhoza Kuya 4-09-2017

Sha mwese mwitonde politique ni ngari karekose katananiranye Ark harimpamvu burya nkibaza uburyo abashwanye nareta bose babashinja kunyereza imisoro ese bakora badasoro ko mutubeshya gute umuntu yakura umuzigo muri majerwa adasoze? Gute companyi inyereza umusoro bisobanuyeko rwanda reveni abahakora nabo barya imitsi yabaturage badakora

gusenga Kuya 4-09-2017

komera ukuri kuzashyira gutsinde gusa mwihangane iyo wagiye muri politiki bibaho ntantwari ihera munzu mugabe yafunzwe imyaka 10 mandera 27 nkurunziza yarakatiye burundu ubworero wikinubira gufungwa nibyo biryo byaba nyepolotike ndabize ibyo nibyo bituma umenyekana nyuma yimyaka runaka abana babaguhiga baza .........

Gasihiri Kuya 4-09-2017

Ariko Mwana we !!!!!!!!!!!!!!!!! Jye reka nicecekere ,iyo umuntu afite igihe aragikoresha jye rero ntacyo mfite.

Tuyishime savio Kuya 4-09-2017

Ese Dia uriyamamaza wabonye urwanda rwarayowe numugoreryari uyoboye wariwamugaye mwarize arikomujyemucubwenge

vedaste Kuya 4-09-2017

Mubyukuri nkuko mbibona ibibinu birimo akarengane gakomeye cyane sinibaza ukunu umuryango wose wakora ibyaha icyarimwe ese bariya bana babasha kuntereza umutungo wigihugu?

musabyimana Kuya 4-09-2017

hhh uyumwana bisa naho hari icyo yizeye ariko njye ntekereza ko ari abamushutse kandi ntekerezako ari bamwe nabashutse kizito ngo azaba ministre wurubyiruko none ubu akaba yenda kuborera muri gereza bo bibereye iburayi . ariko njye ngiriye diane inama namusaba kubitekerezaho neza kuko urabona ko ari inkumi ikuze yishakire umugabo abyare yirerere abana aho kwishora muri gereza akazarinda acura yazicwa nagahinda abamushutse bibereye iyo. nangwa na ingabire yishoye azi ko asize abana azavamo asanga wa mukobwa we yarabyaye naka gahungu ke karabaye agasore. diane rero ashaka yakongera akabitekerezaho

yego Kuya 4-09-2017

wamukobwawe narinakuburiye ntiryoryiyamamaza ryawe rireke nabakoshaga bagushorimbere gusa nawe ntiwamenya ubwenge urakina ninkotanyi reka bakuryoze ibyowakoze kanyagwe

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...