konka coffee
KONKA

AMAKURU

UKWEZI

Diane Rwigara n’abo mu muryango we barimo gukurikiranwaho ibyaha na Polisi y’u Rwanda

Diane Rwigara n’abo mu muryango we barimo gukurikiranwaho ibyaha na Polisi y’u Rwanda
30-08-2017 saa 10:05' | By Chief Editor | Yasomwe n'abantu 18925 | Ibitekerezo 19

Diane Rwigara washatse kwiyamamariza kuba Perezida ariko ntiyemererwe kuko atari yujuje ibisabwa, yatangiye gukorwaho iperereza ku byaha akurikiranyweho birimo ibyo akurikiranyweho ku giti cye ndetse n’ibindi afatanyije n’abo mu muryango we.

Kuri uyu wa Kabiri tariki 29 Kanama 2017, hari ibikorwa byakozwe na Polisi y’u Rwanda mu rugo rwo kwa Rwigara Assinapol ruherereye mu Kiyovu mu mujyi wa Kigali. Hari amakuru yahise atangazwa, ajyanye n’uko Diane Rwigara n’abandi bo mu muryango we baba batawe muri yombi, ariko ibi Polisi yabihakanye, igaragaza ko ahubwo hari iperereza ryatangiye kubakorwaho.

ACP Theos Badege, umuvugizi mukuru wa Polisi y’u Rwanda, yatangarije Ikinyamakuru Ukwezi.com ko Polisi yakoze ibikorwa by’iperereza mu rugo rwa Rwigara Assinapol ndetse birimo no gusaka uyu muryango hashakishwa ibimenyetso. ACP Badege avuga ko Diane Rwigara adafunzwe ariko akaba arimo gukorwaho iperereza ku cyaha cyo gukoresha impapuro mpimbano akekwaho kuba yarakoze ubwo yakusanyaga imikono y’abamusinyiraga ngo yemererwe kwiyamamaza, hanyuma hamwe n’abo mu muryango we bakaba banakurikiranyweho icyaha cyo kunyereza imisoro, iki cyo kikaba atari we bwite gikurikiranyweho ahubwo ngo ni kompayi y’ubucuruzi ihuriweho n’abo muri uyu muryango.

Ubwo Komisiyo y’amatora yasobanuraga ibyatumye bamwe mu bakandida batemererwa kujya ku rutonde ntakuka rw’abahatanira kuyobora u Rwanda, yavuze ko ku ilisiti y’abasinyiye Diane Rwigara mu Karere ka Gasabo hariho abantu babiri avuga ko bamusinyiye kandi barapfuye.

Urugero ni RUDAHARA Augustin wari ufite nimero y’indangamuntu 1196380003823002, waguye mu bitaro bya Kibagabaga tariki ya 16 Mata 2016, agashyingurwa tariki ya 17 Mata 2016 mu irimbi rya Busanza i Kanombe na MANIRAGUHA Innocent wari ufite nimero y’Indangamuntu 1199898000414103 wapfuye. Mu bindi Komisiyo yavuze, ni uko no mu Karere ka Nyarugenge yerekanye ko yasinyiwe n’uwitwa BYIRINGIRO Desire ufite nimero y’indangamuntu 119780002226035 kandi yarapfuye.

JPEG - 53.2 kb

Diane Rwigara yavuzweho na Komisiyo y’amatora ko yakoze amakosa menshi mu gusinyisha

Komisiyo y’amatora yanagaragaje ko Diane Rwigara yafatanyije n’Umukorerabushake wa Komisiyo y’Igihugu y’amatora witwa UWINGABIRE Joseph ukorera mu Karere ka Rulindo, Umurenge wa Mbogo, Akagari ka Rukoro, Umudugudu wa KININI Ya MBOGO basinyira abantu 26 Imyirondoro yabo ikuwe ku makarita y’itora 38 uwo umukorerabushake yari afite agomba kuyaha ba nyirayo.

N’ubwo Komisiyo y’amatora yavuze ibi mu rwego rwo kugaragaza ko aba bakandida batujuje ibisabwa ngo biyamamaze, mu rwego rw’amategeko nabwo ibi byari byitezwe ko Diane Rwigara ashobora gukurikiranwa icyaha cyamuhama akaba yanafungwa imyaka ishobora kugera kuri irindwi.

Ingingo ya 609 mu gitabo cy’amategeko ahana ibyaha mu Rwanda, ivuga ko “Umuntu wese uhimba cyangwa uhindura mu buryo ubwo ari bwo bwose inyandiko, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa, ahanishwa igifungo kirenze imyaka itanu (5) kugeza ku myaka irindwi (7) n’ihazabu y’amafaranga y’u Rwanda kuva ku bihumbi magana atatu (300.000) kugeza kuri miliyoni eshatu (3,000,000)."

Naho ingingo ya 610 iteganya ko “umuntu wese uzi ko inyandiko ari impimbano, akayikoresha ku buryo ubwo ari bwo bwose ahanishwa ibihano bimwe n’iby’uwayihimbye."


INKURU ZA :
Tanga Igitekerezo
Ibitekerezo 19
tendeses Kuya 15-09-2017

mukibunga habamo amakipe abiri iyo imwe itsinze iba iziko itazatsirwa ariko igeraho igatsi tooooooo\

NELI Kuya 2-09-2017

Ni uko baravuga baravugaaaaaaaaa!!!!!! ni uko sinzi uwavuze ati akamodoka Papa (Pape) agendamo kitwa Papa Mobile!!!!!!!!!!!!!
Ni muvuge eeeeeeeeee ! ntihazabura igitora (ndavuga igisubizo cya byose)

ntaruvugiro P Kuya 31-08-2017

wakwica benshi,wakwiba byinshi,wabeshya wavugisha ukuri,bimarwa n’urupfu kandi bikaribwa n’uwo utazi.ntawe urenza ijana akibasha kurya

T.J.B Kuya 31-08-2017

Buriya ntabwo byoroshye

T.J.B Kuya 31-08-2017

Buriya ntabwo byoroshye

Kendrick lamar Kuya 31-08-2017

Hahahahhahahahaahahaj,,,politics is dirty game in Africa bana bato so watch out what u are talking about,,, that’s why nzarya duke twiza nkaryama kare,,, ukarya uyu munsi ejo kakakuniga so mwese mucunganwee nibyo muvuga kdi bibubaka otherwise murasekeje

Kendrick lamar Kuya 31-08-2017

Hahahahhahahahaahahaj,,,politics is dirty game in Africa bana bato so watch out what u are talking about,,, that’s why nzarya duke twiza nkaryama kare,,, ukarya uyu munsi ejo kakakuniga so mwese mucunganwee nibyo muvuga kdi bibubaka otherwise murasekeje

gogo Kuya 31-08-2017

Mbivuga none reba uyu mukobwa nakunze kumva ibyo avuga ameze nkumwiyahuzi agashaka guhangana na leta ngo nuko ari abakire nasange victoire muri gereza abanze aboneko nawe ntacyo aricyo

Gasihiri Kuya 31-08-2017

Ariko Mwana we, ubu koko tuzagarukirahe? mbega!!!!! this is # Africa kbs cyakora wa mugani uyu munsi ni Diane ejo nuwundi jye sinamuremeraho igitaka keretse ntabwenge ngira cg ngo nshishoze. icyo nzicyo Uwiteka niwe utabara abarengana kandi amasezerano yayo naho yatinda ariko azasohora. Byose bishire abayikoreye neza tubeho mumahoro.

bimawuwa Kuya 31-08-2017

uwiyishe ntaririrwa ubundi yabonaga ashobora kuba president wi kihe gihugu uretse u Rwanda gusa abantu nkabo barukiniraho ahande ni he yagerageza gukora ibyo ahubwo yatinzwe gukurikiranwa na gaswa gusa abakari inyuma bagashuka none reka bazakore akazi ko kukagemurira injiji gusa.

Laurent Kuya 31-08-2017

Uwiyishe ntaririgwa nigute umuntu wifuza kuyobora igihugu avugako aje guhangana aho kugirango ateze imbere abene gihugu nahamwe hamwe

John Kuya 30-08-2017

Buriya iby’iyi si ni gatebe gatoki. None ni diane, ejo hashize yari kanaka, n’ejo hazaza hazaba undi kanaka. njye nahisemo kuba umurebyi (spectateur), ndeka abakina bagakina.

Muhire Justin Kuya 30-08-2017

@ Alfa, kuba umuswa si icyaha ariko kubyamamaza ntibyewe. Gerageza uhishire ubuswa bwawe

niyongabo Kuya 30-08-2017

fAMILLE YOSE? Si ubwa mbere bibayeho ku isi?

muganza Kuya 30-08-2017

ARIKO NI IBISANZWE RWOSE INKUBISI Y’AMABYI IRAYITARUKIRIZA KANDI NIWE WARWISHIGISHIYE NAHAME HAMWE ARUSOME

Nina Kuya 30-08-2017

Nukuri jye narabivuze nkitangira kumva induru uyu mukobwa yavuzaga. Byatangiye papa we, ubwo ashyira mu majwi police ngo niyo imwishe. Ejo bundi ibisazi birongera birajagura, ati ngiye kwiyamamaza kuba prezida, ariko wakumva ibyo avuga ukumva nta kintu ateganya gukorera igihugu, ahubwo ukumva ko ngo we agiye guhangana na FPR. Nta wundi mukandida utari ufite icyo azakorera u Rwanda, uretse Diane. Frank Habineza yari kugarura caguwa etc..., Barafinda yari gukuraho umusoro w’amazu etc... Diane we ngo yari guhangana na FPR. Uyu ni inkunguzi. Uretse no gufungwa, jye navuze ko atazisazira. Diane Rwagara ameze nk’uwiyahuye. Rwose ntihagire umubabarira, kuko nawe nta mbabazi yigirira.

alfa Kuya 30-08-2017

Ariko se agiye no kuzira gutekinika kandi ari wo mukino?

danny Kuya 30-08-2017

ariko hari ikintu njya nibaza , ko uyu muryango wirirwa uhangana na rata niwo muryango ukize wonyine muri uru rwanda , cyangwa se gukira busobanura kwigomeka ku buyobozi , icyo nzi cyo muri uru rwanda harimo abandi bakire benshi bari ku rwego rwabo kandi babanye neze nubuyobozi

muhire Kuya 30-08-2017

ngaho da ibihembo.byibyaha nurupfu bagambaniye igihugu none akebo bagereyemo abandi niko barikugererwamo ngaho musubiranemo ngaho aho.nigarqmiye.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
  • Kwezi https://www.tga.gov.au/alert/man-king-capsules, mukareba aho yabuzanyijwe muri Australia. Uzi ubwenge azabiteketezaho.

    ">Nshuti zanjye, byaba byiza mugiye mugira inama abafite ikibazo bose bakajya kwa muganga (...)
  • Loading...
    IZINDI NKURU WASOMA
    Loading...