konka coffee
KONKA

AMAKURU

UKWEZI

Diane Rwigara n’abo mu muryango we bashobora gufungwa imyaka isaga 10

Diane Rwigara n’abo mu muryango we bashobora gufungwa imyaka isaga 10
4-10-2017 saa 12:47' | By Akayezu Jean de Dieu | Yasomwe n'abantu 7660 | Ibitekerezo 4

Diane Rwigara n’abo mu muryango we baragera imbere y’urukiko rwisumbuye rwa Nyarugenge kuri uyu wa kabiri tariki 03 Ukwakira 2017,kugirango baburane ku cyemezo cyo gufungwa by’agateganyo . Mu byaha bakurikiranweho bombi harimo guteza imvururu muri rubanda ndetse hakazaho n’ibyaha buri umwe muri aba agiye yihariye nk’uko ubushinjacyaha bw’u Rwanda bwabitangaje.

Umuvugizi w’Ubushinjacyaha bw’u Rwanda Nkusi Faustin yabwiye The New Times ko kugeza ubu ikirego cya Diane Rwigara aricyo bamaze kwakira ndetse akaba akurikiranweho icyaha cyo gukoresha impapuro mpimbano akaba kandi afite ikindi cyaha ahuriyeho na murumuna we Anne Rwigara ndetse nyina Adeline Rwigara cyo guteza imvururu no kugumura abaturage, ibi kandi bikiyongera ku cyaha nyina yihariyeho cyo kubiba amacakubiri muri rubanda.

Nkusi Faustin yagize ati “Bombi uko ari batatu bakurikiranweho guteza imvururu muri rubanda, naho mama wabo Adeline Rwigara akagira icyaha yihariye cyo kubiba amacakubiri ndetse na Diane Rwigara akagira ikindi cyaha cyo gukoresha impapuro mpimbano”

Aba bombi baramutse bahamwe n’iki cyaha cyo guteza imvururu muri rubanda bashobora gufungwa imyaka iri hagati y’i 10 na 15. Naho Diane Rwigara we icyaha cyo gukoresha impapuro mpimbano gihanishwa igifungo cy’imyaka iri hagati y’i 5 ndetse n’imyaka 7 hiyongereyeho ihazabu y’amafaranga y’u Rwanda kuva ku bihumbi magana atatu (300.000frw) kugeza kuri miliyoni eshatu (3.000.000Frw).

Icyaha cyo kubiba amacakubiri mu banyarwanda kiramutse kimuhamye, Adeline Rwigara umubyeyi wabo yahanishwa igifungo kiri hagati y’imyaka 5 ndetse n’imyaka 7 hiyongeyeho ihazabu y’amafaranga ibihumbi ijana (100.000 frw) kugeza kuri miliyoni imwe (1.000.000Frw).

Aba batatu bari bakurikiranyweho icyaha cy’umuryango wose cyo kunyereza imisoro ya Leta gusa muri dosiye yeregewe urukiko, icyaha cyo kunyereza imisoro cyo ntikigaragaramo.


INKURU ZA :
Tanga Igitekerezo
Ibitekerezo 4
mujye muhora Kuya 5-10-2017

ihorere muvandimwe

KATSIBWENENE Kuya 5-10-2017

DUSENGE We ndabona ubaza ukanisubiza. Ayo basanze mu nzu byahwaniyemo n’iimisoro buriya reka dutegereze wenda iyo myaka bashaka kubakatira yahwaniramo no Gushira igihunga cya wa MUshoferi ukiri kuri police wishe se.

Ndoli Kuya 4-10-2017

Mbona abasebeje umuryango wa Rwigara bakwiye kubasaba imbabazi, bagasabwa imbabazi ku bw’ urupfu rw’ umubyeyi(umugabo) wabo. Nabo basabwa kutajya banengad ibiitagenda neza ku maradiyo na televeziyo kubera ko abaturage bataramenyera umuco wo kunenga abayobozi. Bagasubizwa imitungo yabo, imiryango bari batunze kubera ubuxuruzi bwabo ikisuganya, abakirisitu batunzwe n’ amaturo yabo nabo bakiberaho. Indi nama nagiraga nyakubahwa perezida wa repubulika ni uko Diane yajya muri gvt akaba Ministre w’ ububanyi n’ amahanga. Namubonye mo ubwenge n’ ubushishozi bitagirwa na benshi bari mu kigero cye.

Dusenge Kuya 4-10-2017

None se cya cyaha HE yavuzeho mu Nteko Ishingamategeko cy’uko banyereje imisoro Police yasanze nta shingiro gifite cg imisoro bayiyishyuye muri bya bifaranga batwaye ubwo bajyaga gusaka inzu y’abashinjwa?

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...