konka coffee
KONKA

AMAKURU

UKWEZI

Diane Rwigara n’abo mu muryango we batawe muri yombi barafungwa

Diane Rwigara n’abo mu muryango we batawe muri yombi barafungwa
24-09-2017 saa 10:45' | By Akayezu Jean de Dieu | Yasomwe n'abantu 12601 | Ibitekerezo 8

Diane Rwigara, n’abo mu muryango we barimo murumuna we Anne Diane n’umubyeyi wabo Adeline Rwigara batawe muri yombi na Polisi y’Igihugu ku mugoroba wo kuri uyu wa Gatandatu tariki 23 Nzeri 2017 bakaba bafungiye kuri Station ya Polisi ya Remera.

Umuvugizi wa Polisi y’Igihugu, ACP Theos Badege, yemereye itangazamakuru iby’iri tabwa muri yombi ryabo avuga ko rifitanye isano n’ibyaha bari basanzwe bakurikiranyweho ariko hiyongeraho ikindi cyo gushaka guhungabanya umutekano w’igihugu.

Yagize ati “Ubu barafunze. Ibyaha ni bya bindi ariko bagaragaweho ibimenyetso by’ibikorwa barimo byo gushaka guhungabanya umutekano w’igihugu ariko igikomeye cyane nyuma yo gukomeza gukurikiranwa badafunze, ni uko banze kujya bakorana neza n’ubugenzacyaha ku bwende bwabo. Ibyo byasabaga kubazana, mwumvise ko mu minsi ishize [Diane] uko abajijwe avuga ibyo yabajijwe byose. Ibyo byose rero bari banatangiye no gutambamira iperereza niyo mpamvu ubugenzacyaha bwafashe icyemezo cyo kubakurikirana bafunze.”

ACP Badege yakomeje avuga aba batatu batawe muri yombi ku mugoroba wo kuri uyu wa Gatandatu aho ubu bafungiye kuri Station ya Police ya Remera.
Diane Rwigara arimo gukorwaho iperereza ku cyaha cyo gukoresha impapuro mpimbano akekwaho kuba yarakoze ubwo yakusanyaga imikono y’abamusinyiraga ngo yemererwe kwiyamamaza, hanyuma hamwe n’abo mu muryango we bakaba banakurikiranyweho icyaha cyo kunyereza imisoro, iki cyo kikaba atari we bwite gikurikiranyweho ahubwo ngo ni kompayi y’ubucuruzi ihuriweho n’abo muri uyu muryango.

Ubwo Komisiyo y’amatora yasobanuraga ibyatumye bamwe mu bakandida batemererwa kujya ku rutonde ntakuka rw’abahatanira kuyobora u Rwanda, yavuze ko ku ilisiti y’abasinyiye Diane Rwigara mu Karere ka Gasabo hariho abantu babiri avuga ko bamusinyiye kandi barapfuye.

Aba bo mu muryango we barimo murumuna we Anne Rwigara n’umubyeyi wabo, Adeline Rwigara bo bakurikiranyweho ibijyanye no kunyerereza imisoro binyuze mu ikompanyi yanditse ku muryango wabo.


INKURU ZA :
Tanga Igitekerezo
Ibitekerezo 8
shadar Kuya 25-09-2017

shishoza, aravugira ikipe atarakinamo niyo mpamvu ntazi .igituma umuriro ubura igitego kinjiye

NELI Kuya 25-09-2017

Ntawarubara ,ariko uyu wiyise SHISHOZA MUCYO ,nagira ngo nkubwire ko gusebanya no guharabika uyu muryango atari umuco nyarwanda kabone niyo waba wahamwe n’icyaha,kandi wowe ntiwari wagera aho ........... reka nicecekere

Ukuri Kuya 25-09-2017

Gusa harebwa amakosa ahari hakitabazwa amategeko gsa sinzi

Philmin Kuya 25-09-2017

Uyu muryango muwusenero rwose kuko ndabona ufite ikibazo gikomeye, kugirango Nyagasani afire icyo yakora bagatuza bakamenya icyo gukora.

Shishoza umucyo Kuya 25-09-2017

jye kubwange uyu muryango wari ukwiye gufungirwa indera kuko ni abasazi ahubwo biratangaje kubona Communautes nyarwanda itabibona. wese umuntu afata imyirondoro y’abapfu akayijyana muri NEC aziko izasuzumwa ntabitekerezeho na Mama we akamuherekeza na bible, umukobwa wa 35 ans akifotoza amafoto ameze kuriya ndetse agafata n’ama posteurs rwose nta soni na nke afite, agatuka abapolisi ntacyo yitayeho,nibindi byinshi namwe mwabonye ntarondoye. mwebwe rwose mushyize mubwenge murabona ari muzima? ninko gufata nyiribironda umusazi uba mugiporoso ukamufunga sinzi niba hari icyo byamuhinduraho kuko ubundi ufunga umuntu kugirango umugorore none se umusazi yagororoka ate? ahubwo yavurwa akazahanwa yabaye muzima ntimukabone abantu bagenda ngo murebe igihagararo mujye murebe ibikorwa bibahe ishusho y’abaribo.

fkaaa Kuya 24-09-2017

njye icyo nibaza imisoro ituma bafunga umunu cg hafatirwa ibikorwa?

ndagije Kuya 24-09-2017

apuu nagende agasuzuguro ke kari gakabije, harya umukobwa ushinga ijosi agatuka abagabo bamubyaye bamwita ngwiki mukinyarwanda

ndagije Kuya 24-09-2017

mbivuga

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...