konka coffee
KONKA

AMAKURU

UKWEZI

Diane Rwigara n’umuryango we basubijwe mu rugo rwabo nyuma yo guhatwa ibibazo na CID

Diane Rwigara n’umuryango we basubijwe mu rugo rwabo nyuma yo guhatwa ibibazo na CID
5-09-2017 saa 08:09' | By Vincent Nsengiyumva | Yasomwe n'abantu 14278 | Ibitekerezo 11

Polisi y’igihugu yatangaje ko Diane Rwigara n’abo mu muryango we bahaswe ibibazo ku byaha bakurikiranyweho n’urwego rw’ubugenzacyaha (CID), birangiye basubizwa mu rugo rwabo mu Kiyovu.

Mu masaha y’igicamunsi cyo kuri uyu wa Mbere tariki 4 Nzeri 2017, nibwo Diane Rwigara murumuna we Anne Rwigara n’umubyeyi wabo, Adeline Rwigara; batawe muri yombi na Polisi y’u Rwanda yabakuye mu rugo iwabo ,mu Kiyovu mu mujyi wa Kigali ku ngufu, nyuma y’uko bari banze kwitaba inzego z’ubugenzacyaha zari zirimo kubakoraho iperereza ku byaha bakurikiranyweho.

Polisi itangaza ko yafashe umwanzuro wo kujya kubakura mu rugo rwabo ku ngufu ny’uma y’uko bari batumiwe kwitaba ubugenzacyaha kugira ngo babazwe ku byaha bakurikiranyweho ariko ntibabikore maze polisi ikoresha ububasha ihabwa n’amategeko dore ko ngo bari bamaze gutumizwa ubugira gatatu batagerayo.

Mu gitondo cy’uyu wa Kabiri nibwo polisi y’u Rwanda ibinyujije ku rukuta rwa Twitter yatangaje ko nyuma y’uko Dianne Rwigara n’abo mu muryango we bamaze guhatwa ibibazo ku byaha baregwa, basubijwe mu rugo iwabo ariko iperereza rikaba rigikomeje.

Iri tangazo ryagiraga riti “Nyuma yo kubazwa ibibazo kuri CID, Anne Rwigara, Diane Rwigara na Adeline Rwigara baherekejwe na Polisi bagezwa mu rugo rwabo”.

Diane Rwigara arimo gukorwaho iperereza ku cyaha cyo gukoresha impapuro mpimbano akekwaho kuba yarakoze ubwo yakusanyaga imikono y’abamusinyiraga ngo yemererwe kwiyamamaza, hanyuma hamwe n’abo mu muryango we bakaba banakurikiranyweho icyaha cyo kunyereza imisoro, iki cyo kikaba atari we bwite gikurikiranyweho ahubwo ngo ni kompayi y’ubucuruzi ihuriweho n’abo muri uyu muryango.

Ubwo Komisiyo y’amatora yasobanuraga ibyatumye bamwe mu bakandida batemererwa kujya ku rutonde ntakuka rw’abahatanira kuyobora u Rwanda, yavuze ko ku ilisiti y’abasinyiye Diane Rwigara mu Karere ka Gasabo hariho abantu babiri avuga ko bamusinyiye kandi barapfuye.

Aba bo mu muryango we barimo murumuna we Anne Rwigara n’umubyeyi wabo, Adeline Rwigara bo bakurikiranyweho ibijyanye no kunyerereza imisoro binyuze mu ikompanyi yanditse ku muryango wabo.


INKURU ZA :
Tanga Igitekerezo
Ibitekerezo 11
arinatwedennis Kuya 6-09-2017

egoko nunvise abavuga ngo bariya banyamakuru polisi yabazaniye iki ariko byari ngombwa . none se umuntu akubeshyera ntabwo wemerewe kwihakanira kumugaragaro . natangajwe nukuntu diane yatukaga umupolisi ngo tetwa umupolisi nawe agaca bugufi akamwinginga

Natacha Kuya 5-09-2017

Jye njya nibaza ukuntu habaho umuryango utagira umunyabwenge numwe ngo agire inama aba bantu. Uyu wa Rwigara rwose wo bakwiye kujyanwa I Ndera. Bose barwaye mu mutwe. Abantu batuka ibitutsi police!!! Jye narumiwe pe. Batuka leta. Na Bibiliya ivuga ko ugomba kubaha umutware kuko inkota atwara atayitwarira ubusa.

hmmmm Kuya 5-09-2017

@theo ndabiziko utagaragaza iyo comment!wayandikiye iki?ntugashyigikire amafuti di!! Ukuri guca muziko ntigushye.

RWOGERA RWEGO Kuya 5-09-2017

IBIBAZO BY IMISORO BIGIRA INZIRA BINYURAMO
REBA ITEGEKO 205

Mahoro Kuya 5-09-2017

Theo, uvuze ukuri. Nanjye comment ya mbere banze kuyishyiraho.
Ko batahamagaye itangazamakuru se ngo baryereke ko babashubije mu rugo. Ntanuwabyemera, kuko Police y’u Rwanda ivuga yivuguruza igihe cyose.

umusaza Kuya 5-09-2017

Uyu muryango ibizawubaho byose bazabage bifashe. Wagira ngo nta mukuru wakabagiriye inama bagira. Urebye uko uriya mukobwa abwira police wagirango nta bwenge agira. Kwicara bakumva ko ibyo batekereza ari ukuri ntibihagije bamenye ko hari inzego zibarusha ingufu.

katsibwenene Kuya 5-09-2017

ARIKO IYO MISORO YA MILLIYARI 6 YANYEREJWE ISE AMAZI KUBATSINDIRA MILIYARI NTIMWAYIMUHA? CG YANYEREJWE AMAZE GUPFA?

barafinda Kuya 5-09-2017

uyu muryango urazir iki?

Hadassah Kuya 5-09-2017

yababababa, Mbega LETA wee, Iyi LETA ni Intangarugero kweri!! Igipolisi cy Umwuga ...cyuzuye ibinyoma n ubujura buhanitse..
Imana irenga Ra Imfubyi. Abapfakazi , n abatishoboye muraza kubonana nayo... Ariko Ye.... vive KAGAME , Vive Fpr, et qui vivra verra...undi nawe ati : naragenze ndabona...mu gifransa Ngo: j ai voyage et j ai vu!! Ego ko KAGAME we....
Ndabizi ko mutayihitisha. Ariko ntacyo urayisoma...

bizash Kuya 5-09-2017

ahaa!!!

Theo Kuya 5-09-2017

Ndabizi ko Utari bugaragaze iyi comment ariko ukuri kuzajya ahagaragara. Umuryango urarengana iyo u Rwanda babuze ibyaha barahimbahimba.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...