konka coffee
KONKA

AMAKURU

UKWEZI

Diane Rwigara na Mwenedata Gilbert bashobora guhita bakurikiranwa bagafungwa

Diane Rwigara na Mwenedata Gilbert bashobora guhita bakurikiranwa bagafungwa
8-07-2017 saa 09:07' | By . | Yasomwe n'abantu 28744 | Ibitekerezo 23

Nyuma y’uko Komisiyo y’igihugu y’amatora ishyize ahagaragara urutonde rw’abakandida bemerewe kwiyamamaza ku mwanya wa Perezida wa Repubulika y’u Rwanda, hanagaragajwe amakosa bamwe mu bakandida bakoze, ndetse aya akaba ashobora no kuvamo ibyaha byatuma bakurikiranwa n’ubutabera bakaba banafungwa mu gihe ibyaha Komisiyo y’amatora ivuga ko bakoze byabahama koko. Abo ni Mwenedata Gilbert na Diane Nshimyimana Rwigara.

Ubwo Komisiyo y’amatora yasobanuraga ibyatumye bamwe mu bakandida batemererwa kujya ku rutonde ntakuka rw’abahatanira kuyobora u Rwanda, byemejwe kuri Mwenedata Gilbert, mu kugenzura ilisiti yatanze y’abamusinyiye, habonetsemo uwitwa Nyombayire Enock wo mu Karere ka Gatsibo wari ufite Indangamuntu nimero: 1193280010700014 avuga ko yamusinyiye kandi yarapfuye.

Naho kuri Diane Rwigara, we Komisiyo yavuze ko ku ilisiti y’abamusinyiye mu Karere ka Gasabo hariho abantu babiri avuga ko bamusinyiye kandi barapfuye. Urugero ni RUDAHARA Augustin wari ufite nimero y’indangamuntu 1196380003823002, waguye mu bitaro bya Kibagabaga tariki ya 16 Mata 2016, agashyingurwa tariki ya 17 Mata 2016 mu irimbi rya Busanza i Kanombe na MANIRAGUHA Innocent wari ufite nimero y’Indangamuntu 1199898000414103 wapfuye. Mu bindi Komisiyo yavuze, ni uko no mu Karere ka Nyarugenge yerekanye ko yasinyiwe n’uwitwa BYIRINGIRO Desire ufite nimero y’indangamuntu 119780002226035 kandi yarapfuye.

JPEG - 53.2 kb

Diane Rwigara yavuzweho na Komisiyo y’amatora ko yakoze amakosa menshi mu gusinyisha

Komisiyo y’amatora yanagaragaje ko Diane Rwigara yanafatanyije n’Umukorerabushake wa Komisiyo y’Igihugu y’amatora witwa UWINGABIRE Joseph ukorera mu Karere ka Rulindo, Umurenge wa Mbogo, Akagari ka Rukoro, Umudugudu wa KININI Ya MBOGO basinyira abantu 26 Imyirondoro yabo ikuwe ku makarita y’itora 38 uwo umukorerabushake yari afite agomba kuyaha ba nyirayo.

N’ubwo Komisiyo y’amatora yavuze ibi mu rwego rwo kugaragaza ko aba bakandida batujuje ibisabwa ngo biyamamaze, mu rwego rw’amategeko nabwo haba harakozwe ibyaha bishobora kubahama ubwabo cyangwa bigahama ababasinyishirije. Ingingo ya 609 mu gitabo cy’amategeko ahana ibyaha mu Rwanda, ivuga ko “Umuntu wese uhimba cyangwa uhindura mu buryo ubwo ari bwo bwose inyandiko, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa, ahanishwa igifungo kirenze imyaka itanu (5) kugeza ku myaka irindwi (7) n’ihazabu y’amafaranga y’u Rwanda kuva ku bihumbi magana atatu (300.000) kugeza kuri miliyoni eshatu (3,000,000)."

Naho ingingo ya 610 iteganya ko “umuntu wese uzi ko inyandiko ari impimbano, akayikoresha ku buryo ubwo ari bwo bwose ahanishwa ibihano bimwe n’iby’uwayihimbye."

Mu kiganiro ikinyamakuru Ukwezi.com cyagiranye na Mwenedata Gilbert, yadutangarije ko nawe yatunguwe no kumva Komisiyo y’amatora ivuga ko yasinyishije umuntu wapfuye igatanga n’umwirondoro, agaragaza ko atari abizi ariko anavuga ko atari we wagiye ajya kwisinyishiriza, ahubwo yagiye atuma abantu. Gusa avuga ko kuba yarinjiye muri Politiki, byatuma adakwiye no gutinya ko igihe cyose yagezwa imbere y’ubutabera.

JPEG - 167 kb

Mwenedata ati: "Burya iyo wagiye muri Politiki, ntabwo wavuga ngo uratinya kugira ibyo ushinjwa cyangwa se kugezwa imbere y’ubutabera, kandi sinatinya guhanwa igihe byaba bigaragaye ko icyaha runaka kimpama. Bibaye ari umukozi wanjye nabwo, byambabaza kuko abantu nahaye kunsinyishiriza ni abantu nari nizeye... Gusa twakoreraga abanyarwanda kandi kuba byararangiye kuriya tutemerewe kwiyamamaza, nyine ni uko byagenze"

Ikinyamakuru Ukwezi.com cyagerageje gushakisha Diane Rwigara ku murongo wa telefone ngo tumubaze niba we adatewe ubwoba no kugezwa imbere y’ubutabera kubera ibyo yavuzweho na Komisiyo y’amatora, ariko uyu mukobwa wemeye kureka ubwenegihugu bw’u Bubiligi ngo yiyamamarize kuba Perezida w’u Rwanda ntarasubiza ku murongo telefone ye kuva kuri uyu wa Gatanu ubwo Komisiyo y’amatora yatangazaga ko yangiwe kwiyamamaza.


INKURU ZA :
Tanga Igitekerezo
Ibitekerezo 23
-xxxx- Kuya 10-07-2017

sfssfsfs

bansoba Kuya 10-07-2017

wowe wiyise Natacha sintukanye ariko uri ikintazi nyuma yibindi bintazi.kutagira ubwenge nukuri nibyo bikugejeje aho ndakuvumye
usage gihenomu kwa satani.

isirikoreye jean de la terre Kuya 10-07-2017

oya murwanda baratubeshya mukurikirane amakuru ya VOA yavuzwe na eric bagiruwubusa yibajije ibibazo bikurikira
1. amazina y’abayoboke ba PS Imberakuri yahuriyehe nabo?
2. urutonde rwaba PS rwakuwe nande muri MINALOC?
3. Kuki uwakoze ariya mafoto atashyira kurutonde abapfuye?
4.kuki diane yabwiwe imikono abura ntabwirwe ibya PS, ndetse n’abapfuye?
5. Kuki yasabwe kuzuza abantu babura ntanasabwe ibisobanuro kunenge zabonekaga kumasinya?
6. ese imikono yasabwe yazanye nyuma niyo y’aba PS ?
banyarwanda rwose mwigwa mukinyoma umwali yaragambaniwe kuko yarashyigikiwe n’abantu benshi kandi rwose namubwira nti courage naho gufungwa mu rwanda umuntu aba umwere bitewe n’icyo aricyo, ishyaka abamo, umusanzu atanga mucyama n’ibindi...........

lg Kuya 10-07-2017

uwo utukana, yita umuntu umusazi niwe ahubwo ukwiye kujya indera umushinzeho se muhuriyehe agutwaye iki Dianne wari wumva haruwo atuka nawakurenganya ntaburere wahawe

yego Kuya 9-07-2017

Iyo numero y’indangamuntu ntibaho, ubundi iyo havuyeho umwaka hajyaho 7 cg 8, uyu munyamakuru yanditse nabi cg se amakuru yayahawe nabi.

yego Kuya 9-07-2017

Iyo numero y’indangamuntu ntibaho, ubundi iyo havuyeho umwaka hajyaho 7 cg 8, uyu munyamakuru yanditse nabi cg se amakuru yayahawe nabi.

rwendeye Kuya 9-07-2017

Ariko abanyarwanda no gufunga. Niko munyamakuru ibyahaha byose birafungirwa?
Uvugana numupolisi ngo ndagufunga, wavugana mumusivili ngo nagufungisha.
Habuze umuntu udufungira za gereza tukareba uko muzongera kurya ruswa?

umunyarwanda nyawe Kuya 9-07-2017

Sha rero nukoma urusyo uzakome ningasire je numvako ivyo gutuka diane bitumvikanisha ko yasaze ese mubizi mute niba adashaka umugabo ko aruburenganzira bwe ? Pls ntimugacire umuntu urubanza ngo munamuharabike gusa icyonzicyo naho yajyeze yararwanyije . Kandi ndagushimiye wowe watanze igitekerezo.

umunyarwanda nyawe Kuya 9-07-2017

Sha rero nukoma urusyo uzakome ningasire je numvako ivyo gutuka diane bitumvikanisha ko yasaze ese mubizi mute niba adashaka umugabo ko aruburenganzira bwe ? Pls ntimugacire umuntu urubanza ngo munamuharabike gusa icyonzicyo naho yajyeze yararwanyije . Kandi ndagushimiye wowe watanze igitekerezo.

Kagaba Kuya 9-07-2017

Nibamufunge rwose. ubundi abatumva ibintu kimwe natwe tugomba gukora iyo bwabaga tukabigizayo, haracyari umwanya 1930 mu bagore, nasange Mme Ingabire syi

ndizeye Kuya 9-07-2017

niba abasinyiwe batari muri NEC ikaba yigenga n’amazina yabo akaba ataratangajwe ni gute Mukabunani yamenye ko abarwanashyaka be basinyiwe ese abazi amazina ese ko numva bo batabizi ninde wamenye ko basinyiwe batarabazwa nanatunguwe nuko NEC yavuze abapfuye n’aho baguye n’aho bashyinguwe ibyo yabikuye he ko nta cyangombwa kizwi mu Rwanda kigaragaza aho umuntu yashyinguwe?ikindi niba bitemewe ko umuntu asinyisha uwatanzwe n’undi mutwe wa politiki bivuze ko ba diane bahawe list y’abarwanashyaka b’andi mashyaka kugirango batagira uwo basinyisha ari murindi?

Nzabandora Kuya 8-07-2017

Ndabashimiye abatanze ibitekerezo mbere yanjye, ariko nkumuntu nujya kuvuga ujye ubanza utekereze. Umuntu warezwe ntukwiye kwita umuntu ngo ni umusazi kandi muganga atabyemeje, kuko hari ubwo wasanga ari wowe ufite ibibazo. Ikindi ngo Diane yabuze umugabo, ese mu bibazo u Rwanda rufite ibyo birimo, ni ubuzima bwite bwe kandi nabanyarwanda ntacyo biturebaho. Ukose icyaha aragihanirwa reka kuvuga ibibonetse byose kuko nawe ushobora kubibazwa.

ndizeye Kuya 8-07-2017

wowe wiyise Barafinda ko uvuga ngo iyo ndangamuntu ntibaho ubonye ari diane wayitanze cg ni NEC yayitanze? rimwe na rimwe mujye mubanza mutekereze kabiri mbere yo kuvuga ikindi ko atariwe wandikaga numero z’indangamuntu kuko yari afite ababimufasha kuki utumva ko ababimukoreye aribo bakoze ayo makosa ko ushobora gusanga hari ababikoreye ubwende kugirango babone uko bazamukuramo erega yari aje atunguranye n’ibyo yavugaga byashoboraga gutera impungenge

NELI Kuya 8-07-2017

Ariko kuki abantu dukunda kuvuga batabanje gutekereza!!!!!
nkuyu uvuga ngo ni umurwayi wo mu mutwe ,abivuze ashingiye kuki
Leta ubwayo yatanze uburenganzira bwo kwiyamamaza no gutanga ibyangombwa bigasuzumwa ,niba basanze harakozwe amakosa ,ntibivuzeko umuntu ari malayika (Ange) ,icyo ugomba kumenya ni uko bariya bose bashyizeho abakarani babafasha ,ubwo rero mujye mubanza mutekereze mbere yo gutanga igitekerezo ku kinyamakuru kuko gisomwa na bose

fofo Kuya 8-07-2017

ark Diane afite udusazi koko najye indera KBS nakundi byumva

mbabazi Kuya 8-07-2017

ubundi Diane nigishegabo narebye na speech ze zuzuye ubushizi bwisoni ntacyo yatoza abanyarwanda usibye ikinyabupfura gike njyewe ndahyishimiye nubundi yatumwe ninterahamwe mbese ko bahinda bavuga ngo bazanye impinduka kuki batarwaniye kukiyobora kikiva mwicuraburindi kuki tutanyurwa koko ntabwo bemera ko ntacyo Paul wacu atakoze koko .oye Paul intore izirusha intambwe tuzagutora nibyatsi bigutore naho nka bariya bata umwanya ngo bashaka kuyobora babanze bige kwiyobora
abonye abaye rumarinkwi none arikurwana no kuyobora igihugu yarabuze numugabo .Diane we shaka umugabo uyobore urwawe turebeko ruzatera kabiri naho ubundi ntukenewe nabanyarwanda bazima keretse ibicucu nkawe

nzabandora Kuya 8-07-2017

mwijuru ntakarengane kazabayo Icyonicyo kimpumuriza kdi kikantera imbaraga

Etienne Kuya 8-07-2017

Kuki mushyiraho ibitekerezo bitangana. Mwenedata na Diane kubatuka si icyaha

Natacha Kuya 8-07-2017

Jye mbona nubundi Diane Rwigara ameze nk’ufite udusazi. Aho kumufunga bazamujyane I Ndera. Rwose sinumva n’impamvu atisunga Barafinda kuko na Diane ni Barafinda neza neza, ntaho bataniye. Ubwo Diane yumvise yafashwe none yakonje.

Natacha Kuya 8-07-2017

Jye mbona nubundi Diane Rwigara ameze nk’ufite udusazi. Aho kumufunga bazamujyane I Ndera. Rwose sinumva n’impamvu atisunga Barafinda kuko na Diane ni Barafinda neza neza, ntaho bataniye. Ubwo Diane yumvise yafashwe none yakonje.

Natacha Kuya 8-07-2017

Jye mbona nubundi Diane Rwigara ameze nk’ufite udusazi. Aho kumufunga bazamujyane I Ndera. Rwose sinumva n’impamvu atisunga Barafinda kuko na Diane ni Barafinda neza neza, ntaho bataniye. Ubwo Diane yumvise yafashwe none yakonje.

nzabandora Kuya 8-07-2017

1.kuki police itabafashe kandi barakoresheje ibihimbano
2.ese nibabafata bakaburana ni bibahame ubwo bazahabwa indishyi ko basebejwe cg bashyirwe kurutondo rwabiyamamaza ubwo ryari

BARAFINDA Kuya 8-07-2017

AHUBWO MURABONA IYI NIMERO Y’INDANGAMUNTU IBAHO 119780002226035. Diane yaratubuye kabisa.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...