konka coffee
KONKA

AMAKURU

UKWEZI

Diane Rwigara yavuze ku byo gukorana n’abarwanya Leta, ibya Se warwanye n’intare n’ibindi

Diane Rwigara yavuze ku byo gukorana n’abarwanya Leta, ibya Se warwanye n’intare n’ibindi
12-06-2017 saa 16:38' | By Chief Editor | Yasomwe n'abantu 24571 | Ibitekerezo 25

Diane Shima Rwigara uherutse gutangaza ko aziyamamaza ku mwanya wa Perezida wa Repubulika y’u Rwanda mu matora azaba muri Kanama uyu mwaka, mu kiganiro yagiranye na The East African mu minsi ishize yavuze byinshi kuri we, ku byo kwinjira muri politike kwe no ku by’umuryango we, aha hakaba ari naho yagize icyo avuga ko bivigwa ko yaba akorana n’abarwanya ubutegetsi mu Rwanda, aza no kuvuga uburyo se akiriho yigeze kurwana n’intare akayinesha.

Muri iki kiganiro, Diane Rwigara yasobanuye uburyo yashishikajwe na Politiki akiri umwana muto cyane, agakura ayikurikirana n’ubwo atajyaga atekereza ko ashobora kuzagera ubwo atekereza kwiyamamariza umwanya ukomeye wo kuba yahatanira kuyobora igihugu.

Diane Rwigara ati: "Bamwe mu bo mu muryango wanjye bakundaga kumbwira ko atari byiza ku mukobwa gushishikazwa cyane no kwinjira mu bya politiki... Byamfashe igihe kubasha kwiyakira ngo numve ko ndi umukobwa ukunda Politiki. Ni uwo ndi we nyine, sinshobora kubihindura. Nafashe icyemezo cyo kujya muri Politiki kuko numvaga ntawundi munyapolitiki umvugira..."

Muri iki kiganiro kandi, Diane Shima Rwigara yagarutse ku buryo yibuka Se watabarutse tariki 4 Gashyantare 2015 azize impanuka y’imodoka nk’uko byemejwe na Polisi y’u Rwanda icyo gihe. Yavuze uko yamukundaga, aza no kugaragaza ubutwari bwe ashimangira ko yigeze kurwana n’intare akayinesha.

Yagize ati: "Njye na papa twari inshuti cyane. Ibyiza nibuka mu bwana bwanjye, ni igihe nari ndi kumwe nawe, yatumaga buri gihe niyumva nk’igitangaza, yangiriraga icyizere akambwira ibintu atashoboraga kubwira undi muntu n’ubwo nari muto. Buri gihe mu mpera z’icyumweru, yakundaga kutujyana muri hoteli zitandukanye, yagira aho ajya akazagaruka atuzaniye impano twese. Yatubwiraga udukuru dutandukanye two mu bwana bwe... Yari afite inkovu ku ijosi, yatubwiraga ko yari yarayitewe n’imirwano yagiranye n’intare, igihe kimwe ubwo yari mu rugo wenyine akiri muto, intare yarahamusanze arwana nayo kugeza ayitsinze... Nk’umwana, namufataga nk’intwari"

Mu bibazo Diane Rwigara yabajijwe kandi, harimo ibijyanye n’uko yaba afitanye imikoranire n’umutwe wa RNC urwanya ubutegetsi buriho mu Rwanda kimwe n’abandi bagiye bashinjwa gushaka guhungabanya umutekano w’igihugu. Ibi ntabyemera, kuko ngo n’ubwo nyirarume Ben Rutabana abarizwamo, bidasobanuye ko nawe arimo.

Aha yagize ati: "Abantu benshi bampuza na RNC kuko marume Benjamin Rutabana ari umwe mu bazwi bayirimo... Sinshobora kubarizwa mu itsinda runaka kuko gusa umuntu wo mu muryango wanjye aririmo."

Yabajijwe kandi iby’uko yaba aterwa inkunga n’umuherwe Ayabatwa Tribert Rujugiro ndetse n’umugore wa Eugene Gasana Richard wahoze ahagarariye u Rwanda mu Muryango w’Abibumbye, UN, maze mu gusubiza agira ati: "Ndifuza ko nakabaye mfite ubufasha nk’ubwo bwose bavuga ko mfite". Yongeyeho ko ibyo akora byose abitera inkunga ku giti cye, akirwanaho akuye amafaranga ku mufuka we. Yavuze ko n’ubu akora ubucuruzi n’ubushabitsi (business) ariko ntiyavuga ubwoko bw’ubucuruzi akora.

Diane Shima Rwigara w’imyaka 35 y’amavuko, ni umunyarwandakazi wavutse mu 1982, yiga amashuri abanza muri Camp Kigali, akomereza muri Ecole Belge, ishuri mpuzamahanga riri mu mujyi wa Kigali. Afite impamyabumenyi y’icyiciro cya kabiri cya Kaminuza (A0) mu by’imari yakuye i sacramento muri Kaminuza ya California (California State University) ndetse n’iy’icyiciro cya gatatu cya Kaminuza mu by’ibaruramari nayo yakuye muri iyi Kaminuza mu ishami rya San Francisco.


INKURU ZA :
Tanga Igitekerezo
Ibitekerezo 25
ukuri Kuya 20-06-2017

courage. iyaba abagore ndetse abanyarwanda bose muri rusange batekerezaga nkawe. but, uzerekeze ibitekerezo byawe ku social security na sustainable development of Rwandese.

UGIRIBAMBE GERARD Kuya 19-06-2017

DIANE BARAGUSHUKA ABAKUGIRA INAMA GENDA WICURURIZE
NAHO KUYOBORA URWANDA URATA IGIHE

IMBWA Kuya 15-06-2017

SUKUBESHYA NANJYE NZAGUHA IJWI RYANJYE ?? NUBWO AMAJWI BAZAYAKWIBA ARIKO NZARIGUHA

COURAGE
NTUCIKE INTEGE
WENDA WADUKIZA AYA MASHYIRAHAMWE YATEYE AKABA ASHONJESHEJE RUBANDA RUGUFI

NUKUGUSENGERA CYANE UBU BAREJE BAGUHIMBIRE IBYAHA...NKABA INGABIRE NABA KIZITO

ARIKO MUNYANGIRE IBA MU RWANDA WEEEEEEEEEE
NAKAMARAMAZA

karubi Kuya 14-06-2017

Ariko se nigute umuntu unwa kanyanga agasinda akambara ubusa yarangiza ngo agiye kuyobora u rwanda. Ariko Diane ushira isoni koko.uzabanze wige ikinyabupfura rwose. Tu nous a trop deçu franchement

karubi Kuya 14-06-2017

Ariko se nigute umuntu unwa kanyanga agasinda akambara ubusa yarangiza ngo agiye kuyobira u rwanda. Ariko Diane ushira isoni koko.uzabanze wige ikinyabupfura rwose.

Igihe Kuya 14-06-2017

Ntacyibyara nk’intare n’ingwe naho narumugabo isiga imbwa. Ngaho iyo nsiga migani Ni muyumve.

cis Kuya 14-06-2017

utazi iyava ntamenya iyajya!!,kdi banyarwanda banyarwandakazi,mubuzima muzirinde gusaba uwomwimye cgw kwima uwabahaye!!, kuko kubirengaho byitwa ububwa!!! !!,,uwahagaritse Genocide amahanga ahagaze iwayo ,turamuzi,uwatanze umutekano namahoro urwanda rukagendwa ijoro bamanywa turamufite,uwatanze uburezi kuri Bose ,nzamurata,uzanye uburinganire agaha ijambo abagore ,arazwi,Nibyinshi namwe muzi,kdi n’amahanga yaremeye!!,ni Kagame Paul ,niwe dushaka !!,tuzamutora 100%

king Kuya 14-06-2017

ubanze witoreze kuba umuyobozi w’umudugudu,

king Kuya 14-06-2017

ubanze witoreze kuba umuyobozi w’umudugudu,

sasa Kuya 14-06-2017

Njye simuzi ntabwo yangezeho,so sinamutora pe!

BOSCO Kuya 14-06-2017

BANYARWANDA’BANYARWAKAZI’ICYOGUKORAMURAKIZI’MWITAKAZA’URURIMI NUWUKUGWANEZA’URAMUZI’UDACUMUZWANURURIMI’TWESE’DUHURIREKUKIWANJA’DUKINEBURIWESE’AHE’AMAHIRWE’UWO’AKUNDA’NGENKNDA’UWAKUNZE’ABANYARWANDA’TWANYAGIRANWE’TUKABATUGUWENEZA

ange kagame Kuya 14-06-2017

Diane , ngukunda bikaze, nzagutora kagame ararambiranye nigitugu cye , niyicare asaze neza atanduranije

Mporanye alain justin Kuya 13-06-2017

Kagame sukumukunda gusa ahubwo amerita umwanyariho nawugumeho hatazagirutwangirizibikorwa twaritugezeho KD subza nkabanyarwanda tujye du subie amas inhuma twibukaho twavuye bityo bidufashe nogute kereza ejo hazaza murakoze.

Kayitesi Kuya 13-06-2017

Diane uri intwari imparakazi irusha izindi gusimbuka, tukuri inyuma, am so proud of you, kuba warabashije kubona nabantu 600 muri uru Rwanda 🇷🇼 na DMI ishimuta nukuvuze izina nuko abanyarwanda tumaze kurambirwa turagukunda nge numuryango wange 8 tukuri inyuma bashyire umupira 🠀 Hasi dukine niba biyizeye bagabanye kutunyereza gusa

Funny Kuya 13-06-2017

Babwiye Umwana ko azi kwiruka Bucyeye ariruka Arenga iwabo.
Mwiriwe Arko!

manzi Kuya 13-06-2017

Abanyarwanda bafite imyumvire mibi kandi bahomba guhindura kuki bumvako ntawundi muntu washobokuyobora urwanda uretse kagame ra

amata Kuya 13-06-2017

Diane rwigara turakwemera kandi tuzagutora oyee oyee oyee

MARIKO Kuya 13-06-2017

barafinda erega nizina rirabivuga uwo yaba nyumbakumi pe!! nibwo bimukwiye umusaza oyee oyee icyo nicyo cyo ndavuga kagame

Eddie Kuya 13-06-2017

Diane,
Gerageza amahirwe yawe kuko na Trump yaratunguranye.ariko ijwi ryanjye ntabwo ndikwijeje kabisa.
Uzagerageze wabona ubonye nka 0,5%.

Nina Kuya 12-06-2017

Diane yaje gukora CV gusa, ngo abantu ajye bavuga ngo Diane wigeze kwiyamamariza kuba prezida

uwiragiye Vicent Kuya 12-06-2017

nanjye uwo mwari nzarimuha na family yanjye Yose.

Cacana Kuya 12-06-2017

Ahaaaa! Mbiswa mama we. Imbwa yarashutswe irapfa

nyiramana rose Kuya 12-06-2017

ahaaa numva yaraje aje atazasubira inyuma njye poul kagame nuwa 1 two

gqg Kuya 12-06-2017

Ijwi ryanjye ryo sinarimwizeza, nibyo ndabona yarize, ariko siko abize bose bashobora kuyobora imbaga. Ubunararibonye muri Politiki jye mbuha agaciro kurusha ibishuri byinshi. Iyo ahera nibura kubu GITIFU BW’UMURENGE.

Mazina Kuya 12-06-2017

Murakoze kutugezaho amakuru y’uyu mwari dukunda kandi mujye mutugezaho menshi kuko tuzamuhundagazaho amajwi y’urufaya.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...