konka coffee
KONKA

AMAKURU

UKWEZI

Dosiye ya Diane Rwigara n’abo mu muryango we yagejejwe n’Ubushinjacyaha ku yindi ntera

Dosiye ya Diane Rwigara n’abo mu muryango we yagejejwe n’Ubushinjacyaha ku yindi ntera
3-10-2017 saa 18:15' | By Chief Editor | Yasomwe n'abantu 8748 | Ibitekerezo 6

Ubushinjacyaha bw’u Rwanda, buratangaza ko bwamaze kugeza ku yindi ntera dosiye ya Diane Rwigara, nyina Adeline Rwigara na murumuna we Anne Rwigara, nyuma yo gusesengura iyo dosiye bagasanga ari ngombwa ko bayigeza ku ntera yo kuyiregera urukiko kugirango bakurikiranyweho ibyaha baregwa.

Mu itangazo ryashyizwe hanze n’Ubushinjacyaha bw’u Rwanda risobanura ko nyuma yo kugezwaho dosiye ikubiyemo ibirego biregwa Diane Rwigara na nyina ndetse n’umuvandimwe we, bashyikirijwe na Polisi mu cyumweru gishize, habayeho igihe cyo kuyisesengura maze bakaza gusanga ko ari ngombwa ko bayigeza ku rundi rwego rwisumbuyeho rwo kuyiregera mu rukiko.

Baragira bati: "Ubushinjacyaha bwafashe umwanzuro wo kujyana na Rwigara M. Adeline, Rwigara Diane na Rwigara Anne mu rukiko dusaba ko bafungwa by’agateganyo. Twasesenguye dosiye yabo dusanga ibisabwa byose ngo bafungwe by’agateganyo ibyujuje. Impande zombi zizamenyeshwa igihe cy’iburanisha. Dosiye twayishyikirijwe na Polisi mu cyumweru gishize tariki 29 Nzeri 2017".

Ubwo Polisi y’u Rwanda yamaraga guta muri yombi Diane Rwigara, Anne Rwigara na Adeline Rwigara, Umuvugizi mukuru wa Polisi y’u Rwanda, ACP Theos Badege, yatangaje ko impamvu zatumye bafungwa aho gukomeza gukurikiranwa bari iwabo, zirimo kuba ibyaha byariyongereye kandi bakaba barakomeje no kurangwa n’ibikorwa byo kunaniza iperereza.

ACP Theos Badege ati: "Haje kwiyongeraho n’imyitwarire cyane cyane kuri Diane, y’uko yatangiye kujya ku mugaragaro ku maradiyo n’ahandi mu by’ukuri avuga ibintu bigize igikorwa cy’iperereza kandi akenshi iperereza ry’ibanze twese tuzi ko rikorwa mu ibanga, hagamijwe kurinda nyine amakuru, ariko noneho n’uburemere bw’ibyaha, nyuma y’ibyo muzi bari bakurikiranyweho hariho n’ibindi bikorwa bigize icyiciro cy’ibyaha bivutsa umutekano igihugu, uko ari batatu umwe wese afite ibyo yakoze byinjira muri iki cyaha, icya mbere kiraganisha ku bugambanyi ku cyaha cyo kugirira nabi ubutegetsi, icya kabiri ni uguteza imvururu cyangwa imidugararo muri rubanda, harimo ndetse n’ibindi wakongeramo biganisha ku kurwanya ububasha bw’amategeko n’ibindi. Ikigamijwe ni ukugirango iperereza risozwe neza nta bikorwa byo kukinaniza nk’ibyo bagaragaje".

Ibi byaha byiyongereye ku kuba n’ubusanzwe aba batatu bari bakurikiranyweho ibyaha, birimo guhimba no gukoresha impapuro mpimbano kuri Diane Rwigara ndetse n’icyaha cyo kunyereza imisoro ya Leta kuri Anne Rwigara na Adeline Rwigara. Gusa muri dosiye yeregewe urukiko, icyaha cyo kunyereza imisoro cyo ntikigaragaramo.


INKURU ZA :
Tanga Igitekerezo
Ibitekerezo 6
Gilbert Kuya 5-10-2017

ahhhhh ntibyoroshye nge nyoberwa icyobazira

Gilbert Kuya 5-10-2017

ahhhhh ntibyoroshye nge nyoberwa icyobazira

CHACHA Kuya 4-10-2017

ibintu byo muri ururugo ko biteye agahinda kenshi,umuntu ukurikirana inkuru zabo hafi UGIRANGO NI FILM YA SERIE IRIBUZE KURANGIRA

fkaaa Kuya 3-10-2017

njye mfite ikibazo hari abaturajye baregeye polic ko babateje imvururu?

Kaka Kuya 3-10-2017

None se watubariza ubushinjacyaha ko babaye abere mu kunyereza umutungo bataraburana? Uwapfuye yarihuse! The time will tell

Songa Kuya 3-10-2017

gupapira.com

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...