konka coffee
KONKA

AMAKURU

UKWEZI

Dr Frank Habineza abangamiwe n’uko we n’ishyaka rye babuzwa kwakira inkunga z’amahanga

Dr Frank Habineza abangamiwe n’uko we n’ishyaka rye babuzwa kwakira inkunga z’amahanga
3-10-2017 saa 10:24' | By Akayezu Jean de Dieu | Yasomwe n'abantu 2733 | Ibitekerezo

Dr Frank Habineza uyobora Ishyaka riharanira Demukarasi no kurengera ibidukikije mu Rwanda yatangaje ko agiye gusaba ko inzitizi zishingiye gukumira imitwe ya politiki kwakira impano n’imirage bitanzwe n’abanyamahanga zakurwaho mbere y’amatora y’abadepite ateganyijwe muri Nzeri 2018.

Ibi Dr Frank Habineza yabivuze mu kiganiro yagiranye na The East African aho yashimangiye ko barimo gutunganya inyandiko isobanura neza ibibazo biterwa n’amwe mu mategeko agenga amatora mu Rwanda.

Yagize ati “Dutewe ikibazo no gukomeza gutunga amategeko atemerera imitwe ya politiki gusaba inkunga imiryango itari iya leta, amadini cyangwa abaterankunga mpuzamahanga.”

Itegeko ngenga rigenga imitwe ya politiki n’abanyapolitiki mu Rwanda, rivuga ko umutwe wa politiki utemerewe kwakira impano n’imirage bitanzwe n’abanyamahanga, amasosiyete y’ubucuruzi, inganda n’ibigo bikora indi mirimo by’abanyamahanga cyangwa birimo imigabane y’abanyamahanga. Izi mpano n’imirage ngo zishobora gusubiza inyuma ubwigenge n’ubusugire bw’igihugu. Imitwe ya politiki ishobora gukura amafaranga mu barwanashyaka bayo, abaterankunga b’imbere mu gihugu no muri leta.

Iri tegeko rivuga ko umutwe wa politiki ushobora kwakira impano n’imirage ariko byaba bifite agaciro kangana nibura na miliyoni imwe y’amafaranga y’u Rwanda, ugategekwa kubimenyesha mu nyandiko urwego rufite iyandikwa ry’imitwe ya politiki mu nshingano zarwo mu gihe kitarenze iminsi 30 byakiriwe.

Icyo gihe herekanwa uwabitanze, ubwoko n’agaciro kabyo kandi Urwego rw’Umuvunyi rukagenerwa kopi. Habineza asanga iyi ari inzitizi ikomeye cyane. Ati “ Iyi ni inzitizi ikomeye cyane kuko abaterankunga benshi bacika intege zo kuduha amafaranga iyo bamenye ko bigomba kumenyekanishwa, kugaragaza uwabitanze, ubwoko n’agaciro kabyo.”

Akomeza avuga ko indi nzitizi ari uko ishyaka ryemererwa kubona inkunga ya leta nyuma y’amatora habanje kurebwa niba ryagize amajwi guhera kuri 5%. Iri shyaka rigasanga ibi ari akarengane kuko biha amahirwe imitwe ya politiki ikomeye, rikifuza ko iyi nkunga yajya itangwa mbere yo kwitabira amatora.

Muri Tanzania, imitwe ya politiki ntabwo ibujijwe gushaka inkunga mu miryango itegamiye kuri leta cyangwa ishingiye ku madini. Ishobora kandi yose kwakira inkunga z’imiryango y’abanyamahanga, abantu ku giti cyabo ariko ikayimenyekanisha.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...