konka coffee
KONKA

AMAKURU

UKWEZI

Dr Frank Habineza aritabira ibirori by’irahira rya Perezida Kagame wamutsinze mu matora

Dr Frank Habineza aritabira ibirori by’irahira rya Perezida Kagame wamutsinze mu matora
18-08-2017 saa 08:05' | By Akayezu Jean de Dieu | Yasomwe n'abantu 4412 | Ibitekerezo 1

Umuhango w’irahira rya Perezida Kagame watorewe kuyobora u Rwanda mu myaka 7 iri imbere uritabirwa n’abanyacyubahiro b’ingeri zose, abakuru b’ibihugu ndetse n’abahagariye za Guverinoma mu bihugu byabo. Dr Frank Habineza nk’umwe mu bari bahatanye ndetse agatsindwa mu matora yamaze kwemeza ko nawe ari mu bahawe ubutumire ndetse ahamya ko nta kabuza ari bwitabira uyu muhango uteganijwe kuri uyu wa 18 Kanama 2017 kuri Sitade Amahoro i Remera.

Nkuko biteganywa n’itegeko ry’ingingo ya 102 y’Itegeko Nshinga rya Repubulika y’u Rwanda ryo muri 2003 ryavuguruwe muri 2015, uyu munsi tariki ya 18 Kanama 2017, I Remera kuri Sitade Amahoro, Nyakubahwa Paul Kagame wongeye gutorwa n’Abanyarwanda kubayobora nka Perezida wa Repubulika ararahirira mu ruhame gutangira imirimo ye muri manda izamara imyaka 7.

Dr Frank Habineza nk’umwe mu bakandida bari bahatanye bikaza kurangira yegukanye amajwi angana na 0.48% muri aya matora yavuze ko nawe ari bwitabire umuhango wo kurahira kwa Perezida Kagame wamutsinze amwanikiye.

Mu kiganiro ku murongo wa Telefone n’Ikinyamakuru Ukwezi.com, Dr Frank Habineza yemeje ko nawe ari mu batumiwe kwitabira irahira rya Perezida wa Repubulika riteganijwe.

Yagize ati ‘’Nibyo koko twahawe ubutumire nk’ihuriro ry’amashyaka rero byumvikane ko natwe turi bwitabire ubutumire twahawe ‘’

Kugeza ubu abanyacyubahiro banyuranye baraye bageze i Kigali muri uyu muhango w’irahira rya Perezida Paul Kagame wongeye gutsindira kuyobora u Rwanda agize amajwi angana na 98.79% agahigika abo bari bahanganye abatsinze ku buryo bwo hejuru.

Kuri ubu abarimo Perezida Brahim Ghali wa Sahrawi Arab Democratic Republic , Perezida Ismail Omar Guelleh wa Djibouti, Perezida Edgar Lungu wa Zambia, Perezida Mahamadou Issoufou wa Niger, Perezida Macky Sall wa Senegal, Perezida Hage Gottfried Geingob wa Namibia ndetse n’abandi bahagarariye za Guverinoma baraye bageze mu Rwanda aho biteganijwe ko hari n’abandi bakuru b’ibihugu bategerejwe mu Rwanda kwitabira iyi mihango y ‘irahira rya Perezida Kagame wongeye gutorerwa kuyobora u Rwanda.


INKURU ZA :
Tanga Igitekerezo
Ibitekerezo 1
Jack Kuya 18-08-2017

Fairplay rwose nta kundi n’ubwo watsinzwe ugomba kugaragaza ko bibaho ukotabra ibirori byabo

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...