konka coffee
KONKA

AMAKURU

UKWEZI

Dr Frank Habineza n’umuryango we muri Gakenke bamuganuje kubyo bejeje

Dr Frank Habineza n’umuryango we muri Gakenke bamuganuje kubyo bejeje
29-07-2017 saa 16:00' | By Akayezu Jean de Dieu | Yasomwe n'abantu 4491 | Ibitekerezo

Dr Frank Habineza urimo kwiyamamariza kuyobora u Rwanda yakomereje ibikorwa bye byo kwiyamamaza kuri uyu wa 29 Nyakanga 2017 mu turere twa Gakenke na Musanze aho yari aherekejwe n’umugore ndetse n’abana be, ageze mu karere ka Gakenke akaba yahawe impano y’igitoki nyuma y’uko abaturage bari bamaze kunyurwa n’imigabo n’imigambi y’uyu mukandida.

Dr Frank Habineza uyu munsi yibanze cyane kuri gahunda yihariye azashyiraho mu kuzamura ireme ry’uburezi naramuka atorewe kuyobora u Rwanda. Yageze mu karere ka Gakenke aho yari mu Murenge wa Cyabingo ababwira ko ari umwihariko ku bana kuko aribwo bwa mbere yaje aherekejwe n’abana be muri ibi bikorwa byo kwiyamamaza amazemo iminsi akaba ari naho yahereye avuga ko abana bafite amahirwe n’imigisha by’umwihariko abari mu mashuri abanza n’ayisumbuye igihe azaba abaye Perezida kuko azashyiraho gahunda yihariye yo kugaburira aba banyeshuli ibyo kurya bya sasita birimo n’inyama.

Dr Frank Habineza yagize ati “Aha muri Gakenke ho mwagize umugisha ukomeye cyane kuko nabazaniye n’abana banjye ngo babasuhuze, ariko mbonereho no kubamenyesha ko abana bafite amahirwe akomeye kuko abanyeshuri tuzabashyiriraho gahunda idasanzwe yo kurya tubagaburira ifunguro rya saa sita kandi rishyushye ndetse bakazajya bahinduranya kuko niba umunsi umwe bariye umuceri undi bazajya barya, akaboga (Inyama) ndetse n’imbuto zizajya ziba ziriho kuri iri funguro rya saa sita”

Umwe mu baturage bo mu Kagari ka Masha muri uyu murenge wa Cyabingo yamaze kumva imigabo n’imigambi y’uyu mukandida aherako asaba ijambo maze amugabira igitoki avuga ko ari mu rwego rwo kumushimira kubw’ibyo abemereye kuzabagezaho cyane ko yanamwijeje ko bazamutora.

Dr Frank Habineza wakomereje ibikorwa bye byo kwiyamamaza mu Karere ka Musanze mu Murenge wa Busogo ahitwa mu Byangabo yagezeyo ategerejwe n’imbaga y’abaturage n’abarwanashyaka ba Green Party ishyaka ayoboye maze ababwira ko muri gahunda y’uburezi azashyiraho gahunda yo kwigisha ikinyarwanda ku rwego rw’ikirenga aho nawe avuga ko azajya mu bambere baziga ururimi rw’ikinyarwanda.Mu rwego rwo kuzamura ireme ry’uburezi kandi uyu mukandida yavuze ko afite gahunda yo kuzamura umushahara wa mwarimu nawe akajya yigisha ameze neza ndetse afite n’ubushobozi

Umukandida Dr Frank Habineza uhagarariye ishyaka riharanira Demukarasi nokurengera ibidukikije mu Rwanda arakomereza ibikorwa bye byo kwiyamamaza kuri uyu wa 30 Nyakanga mu turere twa Rubavu na Rutsiro aho akomeje kugenda abagezaho imigabo n’imigambi ikubiyemo ibyo azabagezaho nibaramuka bamutoreye kubabera umuyobozi. Dr Frank yahawe impano y’igitoki mu Gakenke Dr Frank Habineza n’abana be bari baje kumushyigikira


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...