konka coffee
KONKA

AMAKURU

UKWEZI

Dr Frank Habineza uheruka i Burera ikigage kigura 100 yabijeje kubasubiza gakondo yabo

Dr Frank Habineza uheruka i Burera ikigage kigura 100 yabijeje kubasubiza gakondo yabo
2-08-2017 saa 11:28' | By Akayezu Jean de Dieu | Yasomwe n'abantu 2275 | Ibitekerezo 3

Umukandida w’ishyaka riharanira Demukarasi no kurengera ibidukikije mu Rwanda, Dr Frank Habineza yavuze ko aheruka muri aka karere ikigage kigura amafaranga 100 y’u Rwanda none kuri ubu kikaba kigeze kuri 300 kubera ngo gahunda yo guhuza ubutaka ituma abaturage batagihinga ibyo bifuza, kuri we ngo naramuka atorewe kuba Perezida azasubiza uburenganzira abaturage bwo guhinga ibihingwa bifuza birimo n’amasaka mu rwego rwo kubasubiza gakondo bahoranye.

Uyu mukandida wa Green Party wakomereje ibikorwa bye byo kwiyamamaza mu murenge wa Gahunga, akarere ka Burera mu Ntara y’Amajyaruguru kuri uyu wa Kabiri tariki 1 Kanama, umunsi abanyarwanda bahoze bizihirizaho umunsi w’umuganura, yavuze ko mu muco nyarwanda ubusanzwe umuganura wahoze ari umunsi abanyarwanda bahuriraga hamwe bakaganira bagasangira, ibigage, ibishyimbo ndetse n’undi musaruro, gusa kuri uyu mukandida ngo abona uyu munsi utagihabwa agaciro kubw’uko ibyakoreshwaga kuri uyu munsi bitakiboneka cyane.

Ati “Ubu numvise bavuga ko ikigage icupa rimwe rigeze ku mafaranga 300 kandi njyewe nkiba inaha cyaguraga 100 ariko kubera politiki yaje yo guhinga igihingwa kimwe, nta muturage ukibasha guhinga amasaka ngo n’icyo kigage kiboneke, ibyo rero nibyo dushaka gukuraho mu kwezi gutaha kwa Cyenda tumaze gutsinda amatora aho umuturage azajya ahinga ibyo yifuza mbese twe tuzavugurura Politiki y’ubuhinzi duhe uburenganzira abaturage guhinga ibijyanye n’umuco gakondo

Dr Frank Habineza kandi yabwiye aba baturage bo mu karere ka Burera ko muri gahunda abafitiye harimo kubakiza ikibazo kibabangamiye cy’inyamanswa zo muri Pariki y’ibirunga zibonera imyaka. Ati “Nkiri umunyeshuli muri kaminuza nari mfite umushinga ugamije kubungabunga Pariki zo mu Rwanda ari nabwo nagize amahirwe yo gukorera hano muri Burera mu cyahoze ari Akarere ka Bukamba, icyo gihe twakoranaga n’icyahoze ari ORTPN, mu byo twakoraga ni ukuzitira inyamaswa zo muri Pariki dukoresheje uburyo bwose harimo na ruriya rukuta rw’amabuye rurinda inyamanswa gusohoka muri Pariki, niyo mpamvu nimumpa amajwi nzabafasha cyane mu gukuraho ikibazo cy’inyamaswa zibonera”

Uyu mukandida yagarutse ku zindi gahunda nyinshi we n’ishyaka ahagarariye bafitiye aba baturage bo mu karere ka Burera harimo gahunda yo gukuraho umusoro w’ubutaka n’izindi gahunda z’ubuvuzi zirimo kongera umushahara w’umuganga, kuvugurura gahunda y’ubwisungane mu kwivuza ndetse no guteza imbere ubucuruzi n’ubuhahirane hagati y’u Rwanda na Uganda dore ko aka karere ka Burera gahana imbibi n’iki gihugu cya Uganda.

Akigera mu Gahunga k’abarashi Dr Frank yakiriwe n’abarwanashyaka bari bamutegereje Dr Frank Habineza n’umugore we mu karere ka Burera mu bikorwa byo kwiyamamaza Abashyushyarugamba Clapton bakunze kwita Kibonke na Gasasira bakunze kwita Bwanacyeye muri filimi basusurukije ab’i Burera Uwambajemariya Frolence, Meya w’akarere ka Burerra niwe wahaye ikaze umukandida Dr Frank


INKURU ZA :
Tanga Igitekerezo
Ibitekerezo 3
emmy Kuya 3-08-2017

Abanye Burera bahora mu kinya

NELI Kuya 2-08-2017

Nkunda we , wi kumva nabi ngo ukabye, None se urabona ibyo uvuga ari byo yavuze wagiye ubanza ugasoma ugasubiza wabanje gutekereza, erega kuba utamutora ntibivuze gusenya umukandida nti mukavange ibintu ,none kuba yavuze ko azabasubiza kuri gakondo nta nakimwe muri ibi uvuze yashakaga kuvuga ,reka nkubwire kuba dusorerera ubutaka twasigiwe nabasogokuruza ushatse kuvuga ko byishimiwe naburi wese ,ubuse abaturage bamwe bavuga ko bagiyemo imyenda ya RRA batazi niba bazayishyura ntibigaragara.reka kuko yabivuze yabibonye.ahubwo Muzehe wacu Paul Kagame nawe azatubwirire Minisiteri ishinzwe iby’ubutaka batugabanyirize imisoro kubukode bw’ubutaka

nkunda Kuya 2-08-2017

Ariko reba uyu muturage ngo arashaka gusubiza Urwanda oho Rwahoze muri 1980s , ntuzibagirwe gusubizaho namavunja yari abugarije, uzakureho umuceri musubire kubijumba, uzakureho Inka basubire kubivuzo nimyumbati, uzakureho inzu zamabati Kagame yabubakiye maze rata bisubirire mubyari inzu yo niyaRudahigwa.hahahah uyu nawe ngo arashaka kuba perezida.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...