konka coffee
KONKA

AMAKURU

UKWEZI

Dr Frank Habineza utashimishijwe n’ibyavuye mu matora yagize icyo asaba Kagame wamutsinze

Dr Frank Habineza utashimishijwe n’ibyavuye mu matora yagize icyo asaba Kagame wamutsinze
5-08-2017 saa 16:34' | By Akayezu Jean de Dieu | Yasomwe n'abantu 26511 | Ibitekerezo 12

Dr Frank Habineza wamaze kwemera ko yatsinzwe mu matora y’umukuru w’igihugu yavuze ko atashimishijwe n’ibyavuye muri aya matora kuko ataribyo yari yiteze akurikije uburyo yari ashyigikiwe n’abaturage benshi. Dr Frank kandi yavuze ko Kagame wamutsinze amwifurije ishya n’ihirwe ariko amusaba kuzashyira mu bikorwa imwe mu migabo n’imigambi ye kuko hari byinshi muri byo bibangamiye abaturage

Ibi ni bimwe mu byagarutsweho mu kiganiro n’abanyamakuru cyabaye ku gicamunsi cyo kuri uyu wa Gatandatu tariki ya 05 Kanama 2017, Iki kiganiro kibanze ku kugaragaraza uko uyu Dr Frank Habineza yakiriye ibyavuye mu matora yabaye ejo hashize ndetse n’inzira ndende yanyuzemo mu rugendo rwo kuzenguruka igihugu yiyamamaza kuri uyu mwanya wa Perezida wa Repubulika.

Agaruka ku buryo yakiriye ibyavuye mu matora yagize ati “N’ubwo tutashimishijwe n’ibyavuye mu matora ariko byaduteye imbaraga zo gukomeza gushyigikira impinduka kandi twanabonye ko hari benshi mu banyarwanda bakeneye Demukarasi ari nayo mpamvu twe tutazacika intege no muri manda itaha tuziyamamaza, ikindi ariko nagirango nifurize ishya n’ihirwe Perezida Kagame watsinze amatora kandi icyo tumusaba ni uko nawe yabonye imigabo n’imigambi y’ishyaka ryacu ndetse yanabonye ko abanyarwanda bafite byinshi bibabangamiye ari nabyo twifuza ko yagira ibyo ahindura “

Aha akaba yanahereyeho ahamya ko aramutse ahawe umwanya muri Guverinoma igiye kuyoborwa na Perezida Kagame atari yamenya neza umwanzuro cyane ko ari ibintu bagomba kubanza kuganiraho nk’ishyaka rya Green Party.

Dr Frank Habineza kandi yaboneyeho gushimira abarwanashyaka bamushyigikiye muri uru rugendo rwo kwiyamamaza bakoze akazi gakomeye, ahamya ubwitange bwabo ndetse n’imbaraga bakoresheje zaba iz’umubiri ndetse n’iz’amafaranga aho yavuze ko bahatakarije umutungo mwinshi cyane. Yashimiye kandi n’abandi bamufashije.

Dr Frank ati: “Ndagirango mbonereho gushimira abantu bose bamfashije, abarwanashyaka, umuryango wanjye by’umwihariko umugore wanjye, ikindi ndashimira itangazamakuru ryaba iryigenga n’irya Leta twazengurukanye igihugu cyose, ikindi kandi ndashimira Polisi y’igihugu yakomeje kutuba hafi mu kuducungira umutekano”

N’ubwo Dr Frank Habineza yababajwe no gutsindwa akanagira amajwi macye mu bakandida bose, ngo byamubabaje kuko atari ko yari abyiteze, ariko ntiyigeze atunga agatoki Komisiyo y’amatora cyangwa ngo avuge ko hari ikidaciye mu mucyo cyabaye mu matora, muri rusange yagaragaje ko yakiriye kuba yaratsinzwe. Yashimiye na Kimisiyo y’amatora ayisaba ko ubutaha yazakosora utuntu ducye tujyanye n’uburyo hari abayobozi mu nzego z’ibanze batagiye babafasha uko bikwiye mu gihe cyo kwiyamamaza.

REBA VIDEO HANO UKO BYARI BYIFASHE:


INKURU ZA :
Tanga Igitekerezo
Ibitekerezo 12
Omere Kuya 9-08-2017

Ndashimira buri mukandida watekereje kwiyamamaza kuko nkabanyarwanda biduha icyizere ko twe ubwacu dushoboye. Imana ikunda igihugu cyacu kandi izakomeza kutuba hafi nkuko yabisohoje mur Manda zishize.
Gusa nagirango nisabire H.E, kubera uburyo Imana yatubaye hafi tukaba dufite igihugu bur wese yifuza kureba, azadushyirireho byibura iminsi ibiri(2) mu mwaka yo kushima no kuramya Imana kandi ihoreho nkuko nubundi umuco wo gushima twawuremanywe nkabanyarwanda bityo izakomeza iboneko dukomeje kuzirikana ibyo yadushoboje ikomeze itwongerere ubwenge no kuba intangarugero ku isi. H.E Imana ikomeze ikuturindire, we love you! Shalom!

ABAKAME Kuya 7-08-2017

WIYAMAMAZE UBUTAHA

Mahame Kuya 7-08-2017

Bavandimwe tujye tugira ikinyabupfura, iyo ufashe umuntu commission y’amatora yemeye ko yujuje ibisabwa warangiza ngo ni ubwiyemezi, uwo si umuco na H.E ntiyabivuze, ubundi ngo manifesto ye ni iya RPF, ubu ugiye mu kindi gihugu mu ishyaka riyoboye igihugu ugasanga ahari ingingo zimwe ziterambere zihuye niza RPF wavuga ni izayo, tugabanye gufana cyane rwose, kandi iyo uvuga ngo ibibazo byarakemutse, uba wibeshya kuko hari bibazo byinshi biremereye abaturage ndetse bishingiye ku byemezo byafashwe na Leta bavuga kuri radio ariko kwivuguruza bikaba ikibazo.

augustin Kuya 7-08-2017

nshimiye mwe mwese mwatanze ibitekerezo kwiyi nkur ark nkanifuza gutanga inama kuri vubi, vubi iyutinyuka ugafata umukandida wemejwe na comission ishinzwe amatora bakamwemerera kwiyamamaza ukamubwira amagambo nkariya wamubwiye ntakibazo uba ufite?, nifuje ndetse cyane kumenya icyukora muri governoment kuko numvaga usa nkaho usobanukiwe cyane umukino wa politic nkukobamwe babivuga, niba bitagoranye watubwira aho uriya mukandida yakoresheje ikinyabupfura gike?, nibyiza cyane tutitaye aho inama cyangwa amagambo aturutse tubanze dusesengure nkabarwanashyaka nyarwanda twese dufatanyije duteze ighugu cyacu imbere tureke gucana intege, salama shalom.

MUNYANEZA Kuya 6-08-2017

HABINEZA Frank, kwemera ko yatsinzwe ni byiza biragaragaza ko yemera ukanubaha ibitekerezo no guhitamo kw’abanyarwanda. Gusa ntucike integer kuko n’iyo utayobora ariko uba ufatanya n’abayobora kuko uba ubereka aho baba bibeshye. Ukomeze rero ugaragaze ibitekerezo byawe.

Ikindi umuntu yashima abakandida batsinzwe ni uko mu kwiyamamaza kawabo bagaragaje ko bafite uburere buzima bw’umunyarwanda kuko bagaragawehoo n’imvugo nziza zidatukana, zidasesereza.

Uwabatsinze namwe murabizi kandi nicyo cyari icyifuzo cyacu kuko aho atugejeje turahazi turifuza guhamana nawe indi myaka irindwi. Nijya gushira ndahamya ko uru Rwanda hari aho tuzaba tugeze harushijeho ubwiza dufite none.

Congs PAPA tukuri inyuma kandi courage natwe abaturage iwacu tugiye kwiminjiramo agafu twiyubaka kugira ngo nawe ube Proud y’abo uyobora. SUCCESS AND GOOD LIFE. MAY GOD PROTECT YOU AND EMPOWER YOU WITH HIS POWER AND WISDOM TO MAKE RWANDA A WONERFULL NATION. Amen.

Vubi Kuya 6-08-2017

Habineza rwose suko bakina politike icyombona ahubwo nu bwiyemezi wifitiye mu mumutwe. Ibyo uvuga ni manifesto ya RPF twatoye na H/E uzadufasha kuyishyira mu bikorwa, naho ibyo uvuga ngo ibibangamiye abantu ntabyo nturusha kureba kure RPF kuko ikibazo kivutse dufatikanyiriza hamwe kwishakamo igisubizo. Reka gukomeza mu mutwe kuko uzarinda usaza utazi ibyo ukinamo ntagihe na kimwe utazaba uwanyuma abanyarwanda tuzi ibitubereye no guhitamo ntituzabura guhitamo neza. Unama nkugira reka gukomeza gushuka abo wagize ikiraro wibeshya ko kizagufasha kubona umwanya muri government mpamya ko utanibuka ko aribo babigufashijemo uretse kuba warwana Ku muryango wawe. Philippe akurushe discipline koko? Akurushe no kuba umu politician koko! Please manifesto yawe yibike muri varise yawe utureke icyerekezo turagifite! Hato utagira abo ucanga mu mutwe utazagongwa n’itegeko

-xxxx- Kuya 6-08-2017

njye ahubwo narinzi ko azagira 0.0002%. ahubwo ntako atagize naserebure nka kagame

Niyogushimwa Erick Kuya 5-08-2017

natuyobore maze tugere ku iterambere twifuza kuko ndawanga ikipe itsinda ahoooooo

Niyogushimwa Erick Kuya 5-08-2017

natuyobore maze tugere ku iterambere twifuza kuko ndawanga ikipe itsinda ahoooooo

Ehhh Kuya 5-08-2017

Ariko c mubyukuri usibye kwigiza nkana waruziko uzatsinda uriguhatana na Paul Kagame koko? Ubuse mwiyamamaza wabonaga ushyigikiwe nkukowe yarashyigikowe? Jyewe nabona murikumuherekeza nkuko ubukwe butabura abaherekeza.

Xxxxxxxx Kuya 5-08-2017

Namuhaga byibuze 30/100 nange byantunguye kbs Kuko sinamugereranyaga nka Phillipe warufite intego yo gusigasira ibyagezweho kandi uwabikoze nawe arikwiyamamaza uyumugabo akwiye nko kuba President wi nteko ishinga amategeko kuko ikigaragara ibibangamiye abaturage arabizi ntiyabemeza atarebeye ingaruka kumuturage wohasi turamwemera nawe nuwo yatsindiwe hasi bimwe mubyavuga nukuri

Thierry Nsabimana Kuya 5-08-2017

Mwiriwe Neza? Kuba Frank Yatsinzwe Biragaragara Pe. Kandi Ndamushimiye Kuba Yemeye Koyatsinzwe Kumanwa Yihanga. Naho Yatsinzwe Ntiyatsinzweho Nawe Azakomeza Kuyoborwa Numukuru W’igihugu Paul Kagame. Aho Byapfiriye Yahabonye Ubutaha Azahakosore Nawe Azatsinde. Ntate Ururimi Rwe Ngo Ahave Avuga Nabi Kuko Bibaho. Ntibishobokako Wajya Murugo Rw’undi Mugabo Wiyumvireko Wagira Icizere Cugusohora Nyenurugo Umugore Nabana Be Bace Bemera Wowe Uje Ako Kanya. Kagame Yategerewa Gutsinda Kuko Niwe Arumugabo Murugo( Igihugu C’urwagasabo) Murakoze.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...