konka coffee
KONKA

AMAKURU

UKWEZI

Dr Frank Habineza watsinzwe amatora ya Perezida ageze kure anoza iby’amatora y’abadepite

Dr Frank Habineza watsinzwe amatora ya Perezida ageze kure anoza iby’amatora y’abadepite
25-09-2017 saa 12:37' | By Akayezu Jean de Dieu | Yasomwe n'abantu 2167 | Ibitekerezo

Umuyobozi w’ishyaka riharanira Demukarasi no kurengera ibidukikije mu Rwanda, Dr Frank Habineza yavuze ko nyuma yo gutsindwa mu matora y’umukuru w’igihugu yabaye muri Kanama kuri ubu ibikorwa bya Politiki bikomeje kuri we n’iri shyaka ayoboye ndetse bamaze gukusanya ibisabwa byose ngo mu matora y’Abadepie ateganijwe muri 2018 bazabashe kuyatsinda ku kigero cyo hejuru.

Ishyaka Democratic Green Pary of Rwanda ryari rihagarariwe na Dr Frank Habineza mu matora y’umukuru w’igihugu yabaye muri Kanama 2017, ryabashije kuza ku mwanya wa nyuma mu bo bari bahanganye ryegukana amajwi angana na 0.48% gusa ubuyobozi bw’iri shyaka buvuga ko n’ubwo batewe ipfunwe no kuba abanyuma mu matora ariko bitababuza gukomeza urugendo rwa politiki batangiye.

Mu kiganiro cyihariye yagiranye n’Ikinyamakuru Ukwezi.com, Dr Frank Habineza, umuyobozi w’iri shyaka yavuze ko kugeza ubu ibikorwa bya Politiki bigikomeje kandi batigeze bacibwa intege n’amajwi make babonye mu matora ya Perezida, ahubwo bakuyemo isomo n’uburambe kandi bizabafasha mu kwiyamamaza ubutaha.

Asobanura gahunda z’iri shyaka ayoboye ndetse n’ibikorwa bahugiyemo nyuma y’amatora, Dr Frank yagize ati “Ibikorwa bya pilitiki twarabikomeje kandi ntitwigeze tubireka, tumaze igihe dutegura gahunda yo gusubira mu turere mu kwezi gutaha kwa cumi dushimira abadutoye, dukomeza inzego z’ishyaka duhugura abarwanashyaka tunandika abandi bashya. Ubusanzwe twakoraga n’ibindi bikorwa by’ishyaka mu gukorana inama n’abagize komite nyobozi ku rwego rw’igihugu tunitabira gahunda za leta zirimo irahizwa ry’abagize Guverinoma twanatumiwe muri Senegal gutanga umusanzu mu matora yabayeyo ndetse twanasuye Ambasade y’u Rwanda muri Senegal tugirana ibiganiro mu rwego rwa diplomasi na Ambasaderi wacu muri icyo gihugu”

Ku myiteguro y’amatora y’abadepite Dr Frank Habineza yagize ati “Ku bijyanye n’amatora y’Abadepite twarangije gutegura ibisabwa n’ibizagenderwaho cyangwa ibikenewe kugirango umurwanashyaka wacu abe yashyirwa ku ilisiti y’abiyamamariza kuba abadepite, ikindi kandi twatangiye gahunda yo kunoza imigabo n’imigambi yacu (Manifesto) kuko n’ubwo twabonye abanyarwanda bayikunze ariko hari bimwe dushaka kongeramo tugendeye aho igihugu kigeze uyu munsi, rero tuzayinoza neza kuko amatora y’abadepite atandukanye n’aya Perezida, nagira ngo mbwire abanyarwanda ko ubu turi tayari mu matora y’abadepite twizeye intsinzi”

Ishyaka riharanira Demukarasi no kurengera ibidukikije mu Rwanda (DGPR) ryashinzwe tariki ya 14 Kanama umwaka wa 2009 na Dr Frank Habineza afatanyije n’abo bari bahuje ibitekerezo. Ryaje kwemererwa gukorera mu Rwanda muri Kanama 2013. Iri shyaka n’abayoboke baryo rikaba bitabiriye amatora inshuro imwe ari nayo aherutse kuba y’umukuru w’igihugu cy’u Rwanda bakaba baratsinzwe.

Dr Frank Habineza avuga ko kuri ubu biteguye amatora y’abadepite Dr Frank Habineza aherutse kugirana ibiganiro na Ambasaderi w’u Rwanda muri Senegal, Harebamungu Mathias Abayobozi bakuru b’ishyaka riharanira Demukarasi no kurengera ibidukikije mu Rwanda(DGPR)


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...