konka coffee
KONKA

AMAKURU

UKWEZI

Dr Frank Habineza yabujijwe kwiyamamariza aho yari yahisemo, bamuha hafi y’irimbi arabyanga

Dr Frank Habineza yabujijwe kwiyamamariza aho yari yahisemo, bamuha hafi y’irimbi arabyanga
17-07-2017 saa 16:55' | By Akayezu Jean de Dieu | Yasomwe n'abantu 11825 | Ibitekerezo 10

Ubwo yakomezaga ibikorwa bye byo kwiyamamaza nk’umukandida ku mwanya wa Perezida kuri uyu wa Mbere tariki 17 Nyakanga 2017, Dr Frank Habineza yageze mu karere ka Nyagatare aho yagombaga guhurira n’abarwanashyaka ndetse na bamwe mu baturage bari baje kumva imigabo n’imigambi ye nyuma yo kutumvikana arikubura agenda atiyamamaje, gusa intandaro y’ibi byose ngo ni uko aho yari yasabye ubuyobozi kuziyamamariza yaje kugerayo bakamuhakanira ko atemerewe kuhiyamamariza

Dr Frank Habineza watanzwe n’ishyaka riharanira Demukarasi no kurengera Ibidukikije hano mu Rwanda yari akomeje ibikorwa bye byo kwiyamamaza, nk’uko byari biteganijwe aha i Nyagatare hakaba hari hamwe mu ho yagombaga kugeramo kuri uyu wa Mbere, ku isaha ya saa mbiri za mugitondo nk’uko bigaragara ku ngengabihe yashyizwe ahagaragara n’iri shyaka igaragaza uko ibikorwa byo kwiyamamaza bizagenda umunsi ku munsi.

Ahagana ku isaha ya saa tanu n’iminota 20, ubwo yageraga muri aka karere mu murenge wa Rwimiyaga ku kibuga giherereye inyuma gato y’isoko rya Rwimiyaga, yasanze abaturage benshi bamutegereje ari nabwo yavuye mu modoka baza kumushungera bafatanya n’abarwanashyaka ba Green Party kuririmba zimwe mu ndirimbo ziranga iri shyaka, gusa uyu mugabo yatunguwe no kubwirwa ko abashinzwe ibikorwa byo kugeza indangururamajwi aho yiyamamariza bageze kuri icyo kibuga ubuyobozi bw’umurenge bukababuza gushyira ibyo bari bazanye kuri icyo kibuga ahubwo babereka aho bagomba kubijyana mu kagari ka Nyarupfubire naho ho mu murenge wa Rwimiyaga, gusa hitaruye abaturage ndetse hegereye n’irimbi rusange n’ubwo ubuyobozi bw’umurenge bwahakanye ko ari mu irimbi.

Umunyamabanga Nshingwabikorwa w’iri shyaka rya Green Party , Jean Claude Ntezimana yabwiye Itangazamakuru ko bababajwe cyane n’ibyo bakorewe n’ubuyobozi bw’akarere ka Nyagatare bwahisemo kubabuza kwiyamamariza aho bahisemo

Ntezimana yagize ati “Biratubabaje cyane kuko twe twari twanditse dusaba kwiyamamariza mu isantere ya Rwimiyaga gusa nyuma ubuyobozi bw’akarere bwaje kudusubiza buvuga ko tutemerewe kuhakorera ngo ni mu isoko ariko muby’ukuri ni mu kibuga kiri inyuma y’isoko ariko twe nk’uko amategeko abivuga ubundi umukandida ntabwo asaba aho yiyamamariza ahubwo we amenyesha ubuyobozi bw’akarere, icyangombwa ni uko ahantu aba agiye kwiyamamariza haba hemerwa n’amategeko kandi aho twari tuje kwiyamamariza haremewe ni mu kibuga si mu isoko ari nayo mpamvu twahise tugeza ikibazo cyacu kuri komisiyo y’igihugu y’amatora ndetse banatwijeje kuduha igisubizo”

Umunyamabanga Nshingwabikorwa w’umurenge wa Rwimiyaga, Kubwa Sylver Ruboneka, yavuze ko aho hantu bahaye iri shyaka atari hafi y’irimbi cyane ko ngo n’abandi baturage basanzwe bahakinira umupira w’amaguru.


INKURU ZA :
Tanga Igitekerezo
Ibitekerezo 10
.kiko Kuya 20-07-2017

nuko urigugoresha anafaranga yi cyama kandi yavuye mubaturage naho ubundi kumanota atarenze1.3%uzagira warugiye guhura nubukene pe nuko arumutungo waleta urigukinamo

knc Kuya 19-07-2017

ko mbona se abandi no muri kaburimbo banyuramo birukanka ,imodoka zikaba arizo zihagarara bagatam buka !!!!!!bamuretse se ko bizwi amatora yabaye !?

Cubahiro Claude hazard Kuya 18-07-2017

Frank komerezaho turakwemera kandituzagutora

B m Kuya 18-07-2017

Ahhhhhhhhhh

alfa Kuya 18-07-2017

Abayobozi ba fake kbs! Muriteranyiriza iki? Hari icyo gutinya gihari? Muratanga isura mbi gusa. Ndabagaye mwisubireho

Kubwimana (Kayonza) Kuya 17-07-2017

Ese ubundi ko ibizava mu matora bizwi urarwana ni iki?
Ngaho ngo ukwiye kuyobora zazindi zo mu birunga, ngaho kujya kwiyamamariza mu irimbi, Ntacyo wumvamo!!!

Jack Kuya 17-07-2017

Nicyo pilitic bivuze nyine se ubwo we icyo atumva ni iki.?? Ahubwo ibyo ni bike arimo gukorerwa

Jack Kuya 17-07-2017

Nicyo pilitic bivuze nyine se ubwo we icyo atumva ni iki.?? Ahubwo ibyo ni bike arimo gukorerwa

a.k.a 48 Kuya 17-07-2017

Ubwo Ni ubwoba sha ntacyo umunzani ntibashyiraho ibiro biwurenga baba bafite ubwoba Ko bawuturitsa bafata ibyo barigusyiraho bakabishakira umunzani ubirusha imbaraga uko niko biri kuri green party big up flank

Emma Kuya 17-07-2017

Ngo mw’irimbi ???? Aliko njya mbona hari n’abiyamamariza mumuhanda. Dutege amaso NEC

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA