konka coffee
KONKA

AMAKURU

UKWEZI

Dr Frank Habineza yahawe umukoro ukomeye i Gisagara

Dr Frank Habineza yahawe umukoro ukomeye i Gisagara
21-07-2017 saa 22:41' | By Akayezu Jean de Dieu | Yasomwe n'abantu 7673 | Ibitekerezo 6

Dr Frank Habineza wakomereje ibikorwa bye byo kwiyamamaza kuri uyu wa Gatanu tariki 21 Nyakanaga 2017 mu karere ka Gisagara, yahawe umukoro ukomeye n’abaturage bo muri aka karere nyuma y’uko bari bamaze kumva imigabo n’imigambi ikubiyemo ibyo azabagezaho nibaramuka bamugiriye icyizere bakamutorera kuyobora u Rwanda

Dr Frank wabijeje kubagezaho umuhanda wa kaburimbo uva kuri paruwasi ya Save ukagera mu gihugu cy’u Burundi ndetse akanabizeza ko umubano n’ubuhahirane byahoze hagati y’abarundi n’abanyarwanda azabigarura abinyujije mu biganiro, yabisobanuye agira ati: "Ubwo twazaga hano kuva kuri kaburimbo twakoze urugendo rurerure tuva kuri kaburimbo tuza inaha, rero ibyo ntifuza kongera kubona nimuramuka muntoye ni ukugenda muri uyu muhanda w’igitaka urimo iri vumbi, mu minsi ya vuba ndahita mbubakira umuhanda wa kaburimbo uturuka i Zaza ukagera i Burundi”

Yakomeje agira ati: “Muzi neza ko mu myaka yashize mwahoze muhahirana n’abaturanyi bo mu gihugu cy’u Burundi ndetse bahoze ari abavandimwe banyu, muzi ko kiriya gihugu cyitwaga Rwanda-Urundi bivuze ko ari urundi Rwanda, none kubera ikibazo cyo kutumvikana nabo nta munyarwanda ukihagera ndetse nta n’umurundi ukiza guhahira mu Rwanda, rero nimuramuka mungiriye icyizere nzagarura uwo mubano binyuze mu kugirana nabo ibiganiro bigamije kugarura amahoro hagati yacu na bariya bavandimwe”

Ibindi bikorwa yijeje kugeza muri aka karere ka Gisagara harimo gukuraho imisoro ku rubyiruko, kugarurira ubutaka abaturage babwambuwe by’umwihariko abambuwe ibishanga byabo ndetse no gucyura impunzi z’abanyarwanda zikiri mu mahanga aho ziherereye hose.

Bamwe mu baturage baganiriye n’ikinyamakuru Ukwezi.com nyuma yo kumva imigabo n’imigambi y’umukandida Dr Frank Habineza, bavuze ko bishimiye ibyo azabagezaho ndetse bavuga ko bifuza ko naramuka atowe yazashyira mu bikorwa ibyo yabijeje

Uwitwa Mbangukira Elie utuye mu mudugudu wa Bukinanyana, Akagari ka Bukinanyana, Umurenge wa Musha muri akakarere nka Gisagara yagize ati “Ni byiza tumaze kumva uyu mugabo rwose nta kibazo rwose njyewe nzamutora ariko azatubabarire nk’uko yabitwijeje baduhe uwo muhanda bamaze igihe bavuga ko bazaduha, ikindi kibazo ni uburyo dutanga mituweli y’amafaranga ibihumbi bitatu rwose ni menshi ntabwo dufite ubushobozi bwo kuyabona azayagabanye agire nk’igihumbi kimwe kandi akanatugezaho ibyo yavuze byose Mbangukira Elie we ngo yifuza ko Dr Frank yabagezaho uwo muhanda yabemereye
Dr Frank Habineza n’abo bafatanije kuyobora Green Party mu gikorwa cyo kwiyamamaza mu karere ka Gisagara


INKURU ZA :
Tanga Igitekerezo
Ibitekerezo 6
bybut Kuya 3-08-2017

uyuvt

ndayambaje vedaste Kuya 22-07-2017

ge ndabona kd nkumva ibyo uyumusazavugaribyo mitiweri ni menshipe nkayo 1000ntakibazo eseda ko nubundi twatangaga 1000 bakatuvura uko biboneye nubu tukaba dutanga3000ubuvuzi bukaba bwabundi na kagame wacu nayizane kuru 1000cg 2000

ukulikurakiza Kuya 22-07-2017

usiba kurema isoko nubundi rikarema, wanga gutora muzehe nubundi agatorwa cyane ko n’amatora yarangiye kuko ikizavamo kizwi.

Ndiho Kuya 22-07-2017

Egoko ! Iyinkuru ntabwo isobanutse.

kii Kuya 22-07-2017

kinokinamico cyababagabo ariko nimuyarye naya RPF nziko amafaranga murigukoresha atarayanyu rwose

Kubwimana (Kayonza) Kuya 21-07-2017

Niba mukunda ukuri na demokarasi muzakurikirane iby’uyu musaza muzabwire, kugaragaza ko atazatora Muzehe wacu bishobora kumuviramo ingorane, ariko se abahungabanya abantu nk’aba, ni Muzehe uba wabatumye cg basigaye bamutobera?

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...