konka coffee
KONKA

AMAKURU

UKWEZI

Dr Frank Habineza yararize arihanagura, uretse ubwenegihugu n’inzu yagwatirije hari n’ibindi

Dr Frank Habineza yararize arihanagura, uretse ubwenegihugu n’inzu yagwatirije hari n’ibindi
11-08-2017 saa 11:03' | By Chief Editor | Yasomwe n'abantu 18976 | Ibitekerezo 6

Dr Frank Habineza wari umukandida w’ishyaka rya Democratic Green Party of Rwanda akaba n’umuyobozi waryo, avuga ko uretse kuba yaragwatirije inzu ye kugirango abone amafaranga yo gukoresha mu bikorwa byo kwiyamamaza ndetse n’ubwenegihugu bwa Suede yari afite akemera kubuhara, avuga ko yanahombye byinshi ariko ubu ngo yarababaye ararira arihanagura, kandi intego ni uko amaherezo azaba Perezida w’u Rwanda.

Ibi Dr Frank Habineza yabitangarije ikinyamakuru Ukwezi.com, nyuma yo gusobanura ko nta gahunda afite yo kuva muri Politiki nk’uko byari bimaze iminsi bivugwa ndetse we ubwe akaba ari we wari warabyivugiye. Dr Frank Habineza avuga ko nyuma yo gutsindwa ntanagire amajwi agera kuri 1%, byamubabaje cyane akumva akwiye kuva muri politiki, ariko ibi ngo byari iby’agahinda kuko yari yiteze ko azatsinda amatora, nyuma ngo yararize arihanagura, abitekerezaho yiyemeza kuguma mu ruhando rwa Politiki kuko ngo yanasanze hari abanyarwanda bamukunda kandi bamushyigikiye.

Dr Frank Habineza ati: "Twarababaye nyine ariko twararize turihanagura, iyo umuntu yababaye nyine niko bigenda ariko twasanze ntakundi, mu matora habamo utsinda n’utsindwa ariko ndahari rwose sinigeze mva muri Politiki"

Dr Frank Habineza yatangarije ikinyamakuru Ukwezi.com ko we n’ishyaka rye batakaje amafaranga menshi cyane mu bikorwa byo kwiyamamaza, kongeraho kuba yaremeye akagwatiriza inzu ye ngo abone amafaranga yo kwifashisha, ndetse akareka ubwenegihugu bwa Suede yari afite kugirango akunde yemererwe kwiyamamaza, ariko byose umusaruro wavuyemo ukaba utarabashimishije, gusa ngo ntakundi niko bigenda mu matora haba hagomba kuboneka utsinda n’utsindwa.

Dr Frank Habineza ariko avuga ko atazigera yongera gusaba ubwenegihugu bwa Suede cyangwa ubw’ikindi gihugu cyose, kuko ngo aracyakomeje gahunda yo guhatana muri Politiki kandi yizeye ko igihe kizagera akaba Perezida w’u Rwanda. Avuga ko hari amatora y’Abadepite hakaba n’ay’Umukuru w’igihugu ataha, ayo yose we n’ishyaka rye bakaba bagomba kuzayitabira.

Dr Frank Habineza avuga ko yashimiye Perezida Kagame wamutsinze mu matora, ariko ibijyanye no kuba yakwishimira guhabwa umwanya muri Guverinoma, byo avuga ko biramutse bibayeho yabiganiraho n’abo mu ishyaka ayobora bakareba niba bikwiye ko yakwemera uwo mwanya.


INKURU ZA :
Tanga Igitekerezo
Ibitekerezo 6
Jean de Dieu Kuya 15-08-2017

Komerezaho manyina no kuba waritoreje kuba perezida nagateka numwana wawe azojya abivuga nutabawe ubwo bugabo uzaburage umwana kuko nuguharamara

lg Kuya 14-08-2017

Reka guta igihe ishyaka nabayoboke ntabo ufite ngo barikuguha ayo kwiyamamaza oya atangwa, nishyaka, iyo ntabayoboke cyangwa ali bake leta niyaguha, kuko ntuba uri kuyikorera alibyo bose bayashinga bakibinera cash wicungira kubandi mashyaka, ibyo ninkurusimbi amatora sugutomboza

John Kuya 13-08-2017

None se Nyakubahwa Frank,wumvaga koko uzatsinda ?Mu byagaragaye nta na programme politique ufite .Ni gute wabwira abantu ngo uzubaka urukuta hagati y’u Rwanda na Congo uzi ko abanyarwanda benshi dutunzwe no guhahira mu bihugu duturanye.Wowe ibyawe byaraducanze yiba uri opposition yiba uri pro pouvoir rwose byaratuyobeye gusa FPR izihangane iguhe akanya gusa uzagakoreshe neza kuko nujyanamo ifemba yo kwishyura amadene watse ikizakurikiraho nawe uracyumva

Vubi Kuya 12-08-2017

Pole! Buriya ntakintu umunyamahanga yagukorera ntanyungu akubonamo. Ariya mashyaka ya Green party arihirya no hino kwisi nuburyo bubafasha kwinjirira ibihugu bitandukanye no kwinjirira politic zabyo. Nyakubahwa Habineza buriya wowe bagukoresha bafite target yabo nko kuba wabafaaha kwinjirira nkibindi bihugu bashaka kujya gusahura nyuma wowe ugasigara uko bagusanze byanarimba ukibagirana. Nonese nubwo bitemewe ngirengo nimwe mwirwarije warabibonye. Ntaho c basukiramo cash umwe mubagiye kwiyamamaza mubindi bihugu? Ubukungu bw’Urwanda ni amaboko y"abanyarwanda, dufatikanyirize hamwe turwane no kwigira tubereke ko Urwanda n’abanyarwanda tutari icyambu bambukiraho uko biboneye, sinakugira inama yo kureka politic icyo waharanira nukwigenga muriyo ahubwo ukiyunga kuri ariya mashyaka 8 yafatanyije na RPF, ibi nubikora mpamya ko HE nawe azaba abona ko wisubiyeho ntacyo atazagukorera kuko umuntu w’umugabo utirarira nkawe ndakwemeye. Ikindi udufashe gusenya iriya politic yabampatsibihugu bibumbiye muri ziriya Green party.

Baptigol Kuya 12-08-2017

Dr Frank Ko numva watakaje umutungo mwinshi nkaho wari umukandida wigenga? Ntiwari uhagarariye ishyaka se? Naho ubundi cv warayibonye uretse Ko politic igira ibyayo wabonaga watsinda intore izirusha intambwe? Wapi kabisa ibikorwa bye birivugira .Ntawamusimbura

SEKIBUBO Kuya 11-08-2017

Rahira ko utazaba nka ODINGA kwa mwara ya Yine umugani wa @Kenyatta

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...