konka coffee
KONKA

AMAKURU

UKWEZI

Dr Frank Habineza yavuguruje abavuga ko Abanyarwanda babayeho mu bwoba

Dr Frank Habineza  yavuguruje abavuga ko Abanyarwanda babayeho mu bwoba
4-08-2017 saa 20:15' | By Akayezu Jean de Dieu | Yasomwe n'abantu 7840 | Ibitekerezo 2

Ubwo yamaraga gushyira igikumwe ku rupapuro rw’itora kuri uyu wa Gatanu tariki 04 Kanama 2017, Dr Frank Habineza umwe mu bakandida batatu barimo guhatanira kuyobora u Rwanda yavuze ko yizeye gutsinda aya matora ku kigero cya 70% ndetse anabeshyuza amakuru y’abirirwa bavuga ko muri ibi bihe by’amatora abaturage bafite ubwoba

Dr Frank Habineza wageze ku biro by’itora bya GS Kimironko ya 2, biherereye mu kagari ka Bibare, Umurenge wa Kimironko ho mu karere ka Gsabo mu masaha ya saa mbili n’igice z’igitondo akimara gusohoka mu cyumba cy’itora yabwiye itangazamakuru ko yizeye gutsinda bidasubirwaho ahamya ko afite amahirwe angana na 70% agendeye ku buryo yabonye abanyarwanda bamugaragarije ko bamushyigikiye.

Abajijwe ko hari ibivugwa na bamwe mu banyamahanga ko mu Rwanda abaturage babayeho mu bwoba cyane cyane muri ibi bihe tuvuyemo byo kwiyamamaza ndetse no muri ibi by’amatora turimo. Dr Frank Habineza yagize ati “Urebye tugitangira uru rugendo rwo kwiyamamaza za Nyagatare wahamya ko abaturage bari bafite uburyo babona ibintu cyangwa ukemeza ko bari bafite ubwoba hari n’ingero nyinshi dufite z’uko bakumirwaga n’abayobozi b’ibanze ariko byaje kugera nyuma ku bufatanye na Polisi ndetse na Minisiteri y’Ubutegetsi bw’igihugu habaho kwihanangiriza abo bayobozi rwose uyu munsi nahamya ko nta bwoba abaturage bafite kuko urugero urebye abantu batwakiriye I Musanze na za Burera basaga ibihumbi 200 kandi ubwo muri Burera ho twagiyeyo bukeye bwaho undi mukandida yaraye avuyeyo ariko wabonye ko abaturage natwe baje kudushyigikira nta bwoba bafite”’

Uyu mukandida wanaboneyeho kugaragaza zimwe mu mbogamizi iri shayaka rye ryahuye nazo harimo kuba zimwe Indorerezi yohereje hirya no hino mu gihugu zabanje kwangirwa gukora ibi bikorwa ahanini bitewe n’uko amabaruwa n’ibyangombwa bari bahawe yari ariho ibirangantego by’ishyaka Green Party ariko kuri ubu bikaba byakemutse ndorerezi zabonye ibindi byangombwa byemewe na Komisiyo y’igihugu y’amatora.

Dr Frank habineza yahamije ko 70% y’ibirava mu matora araza kubyemera mu gihe amatora araba yakozwe mu mucyo kandi avuga ko yizeye gutsinda ubwo ku isaha ya sa sita z’ijoro Komisiyo y’igihugu y’amatora iza gutangaza by’agateganyo ibyavuye mu matora yabaye ejo hashize ku banyarwanda baba hanze y’igihugu ndetse n’ay’uyu munsi imbere mu gihugu. Dr Frank Habineza wizeye gutsinda amatora ngo ejo azaba ari Perezida w’u Rwanda Edith Kabarira, umugore wa Dr Frank Habineza nawe yiteguye kuba First Lady Aha Dr Frank Habineza n’umugore we bari bageze ku biro by’itora biherereye mu Bibare Abakorerabushake ba Komisiyo y’igihugu y’amatora babanje gusuzuma niba yujuje ibyangombwa bimwemerera gutora


INKURU ZA :
Tanga Igitekerezo
Ibitekerezo 2
iyabigize Kuya 5-08-2017

umusaza wacu Paul kagame tulamwela ntawamutulutila nakomeze atuyobole abandI baligukola ubusa oyeeeeeeeeeee!!!

iyabigize Kuya 5-08-2017

umusaza wacu Paul kagame tulamwela ntawamutulutila nakomeze atuyobole abandI baligukola ubusa oyeeeeeeeeeee!!!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...