konka coffee
KONKA

AMAKURU

UKWEZI

Dr Frank Habineza yijeje abacuruzaga Caguwa ko natorwa azahita ayigarura mu Rwanda

Dr Frank Habineza yijeje abacuruzaga Caguwa ko natorwa azahita ayigarura mu Rwanda
2-08-2017 saa 21:30' | | Yasomwe n'abantu 1141 | Ibitekerezo 3

Abiganjemo abazunguzayi bifuza ko caguwa igaruka mu Rwanda baje kumva imigabo n’imigambi y’umukandida w’ishyaka Democratic Green party Dr. Frank Habineza ubwo yasorezaga ibikorwa bye byo kwiyamamamaza mu gace ka Nyabugogo.

Uyu mukandida yasesekaye i Nyabugogo mu masaha ya saa kumi z’umugoroba wo kuri uyu wa Gatatu tariki ya 2 Kanama 2017, umunsi wa nyuma wo kwiyamamaza ku bakandida 3 bahatanira kuyobora u Rwanda nyuma y’amatora y’umukuru w’igihugu ateganyijwe ku itariki 3 na tariki 4 Kanama 2017.

Nyuma y’uko ibikorwa byo kwiyamamaza byaberaga mu ntara z’igihugu zitandukanye, uyu mugabo ageze i Nyabugogo yakiriwe n’imbaga y’abanya Kigali wabonaga biganjemo abarwanashyaka b’ishyaka rye, abarikunda bateraga utubendera twaryo hejuru, ndetse n’abanyotewe n’imigabo n’imigambi ye ngo bumve koko niba aramutse ageze ku butegetsi nyuma y’amatora yabagirira akamaro, icyakora aba wabonaga badashyushye cyane, ahubwo bari bicecekeye bitegereza.

Yakomoje ku gisa n’icyari kibabaje abaturage ba Nyabugogo aho yavuze ko gahunda yo guca imyambaro yambawe izwi nka caguwa yagize ingaruka ku bukungu bwa bamwe mu banyarwanda bukiri hasi.

Yagize ati “Kubera ko abanyarwanda bose badafite ubushobozi bungana nidutsinda amatora caguwa tuzayigarura mu Rwanda, kuko kuyica hari abo bibangamiye cyane”

Yabwiye ab’i Nyabugogo ko naramuka atowe nta muntu uzongera kubuza umutekano abazunguzayi kuko ubucuruzi bakora buterwa n’ubushobozi bucye bafite, ngo ahubwo hazashakishwa uko bongererwa ubushobozi ndetse basonerwe imisoro mu gihe cy’imyaka 2.

Yagize ati “Ntibyumvikana ukuntu umuntu w’ubushobozi bucye aba atangije igishoro kitagera kuri miliyoni 2 z’amafaranga y’u Rwanda, agatangira gusoreshwa kandi nawe ubwe ataramenya neza imiterere, inyungu n’igihombo azahura nacyo mu murimo yihangiye”

Uyu mukandida yavuze ko bene uwo muntu aba agomba kubanza kwiyubaka ubwe ndetse byaba ngombwa na leta nk’umubyeyi ikaba yamufasha aho gutangira imusoresha. Yahabwaga amashyi n’imbaga y’abanyarwanda bari baje kumva imigabo n’imigambi ye mu gihe yabaga avuze ikintu bumva kibakora ku mutima, kandi kibangamiye imikorere yabo, yibanze ku kibazo cy’umusoro wakwa abaturage cyane cyane uwakwa ku biribwa n’amatungo magufi aba ajyanywe ku isoko, ugasanga barayasorera bataranayagurisha, ngo nta gusoreshwa ibintu bivuye mu mirima y’abanyarwanda.

Hari Umuturage wamubajije uko igihugu yayobora aramutse atowe cyatera imbere mu gihe yumva imisoro yose yayikuraho, maze Dr. Frank Habineza amusubiza ko hari umubare munini w’abanyarwanda bahunga igihugu cyabo kubera kutabona ubwisanzure mu kugikoreramo ishoramali, abandi bagahomba bagasubira inyuma, nyamara ngo hamwe na politiki ye yo gukuraho imisoro imwe n’imwe we afata nko kunyunyuza imitsi y’abaturage bizatuma umubare w’abiteza imbere uba munini kuburyo umusoro bazajya batanga bamaze kugira intambwe uzaziba icyuho cy’abatawutanga kubwo kuwusonerwa kubw’intege nke zabo, bityo igihugu kigatera imbere buri wese akeye ku mutima.

Amatora y’umukuru w’igihugu azatangira mu gitondo cyo kuri uyu wa 4 tariki 3 ku banyarwanda baba mu mahanga no kuwa 5 tariki 4 Kanama 2017, ku banyarwanda batuye imbere mu gihugu, kuri aya matariki nta munyarwanda wemerewe kwamamaza umukandida ashyigikiye ndetse n’ibirango byamamaza abakandida b’amashyaka n’umukandida wigenga bigomba kuba byakuwe aho bigaragara hirya no hino mu gihugu.


INKURU ZA :
Tanga Igitekerezo
Ibitekerezo 3
Nkunzurwanda Kuya 3-08-2017

Jyewe mbona uwatorwa Uwo ari we wese akwiye kwita ku bibazo abaturage bafite amanegeka girinka mituelle ubushomeri nibble bifatwa abaturage batagishijwe inama

Nkunzurwanda Kuya 3-08-2017

Jyewe mbona uwatorwa Uwo ari we wese akwiye kwita ku bibazo abaturage bafite amanegeka girinka mituelle ubushomeri nibble bifatwa abaturage batagishijwe inama

Falida Kuya 3-08-2017

Mwarangiza ngo mu Rwanda nta Democracy ihari nyamara irahari kuko iyinkuru maze kuyisoma ndabona abaturage bafite kwisanzura pe ntabwoba Banyarwanda muzatore ubanogeye rwose kdi ntakwirengagiza ahotwavuye

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...