konka coffee
KONKA

AMAKURU

UKWEZI

Dr Frank Habineza yiyamamarije aho se yajyaga ajya guhahira avuye kure n’amaguru

Dr Frank Habineza yiyamamarije aho se yajyaga ajya guhahira avuye kure n’amaguru
26-07-2017 saa 07:08' | By Akayezu Jean de Dieu | Yasomwe n'abantu 5475 | Ibitekerezo

Ku munsi we wa 12 mu bikorwa byo kwiyamamaza, Umukandida Dr Frank Habineza yiyamamarije mu turere twa Rwamagana na Kayonza ababwira ko Papa we yajyaga akora urugendo n’amaguru akava i Gitarama aje guhahira i Rwamaagana kuko ariho hahoze ubukire budasanzwe . Uyu mukandida akaba yijeje abatuye mu turere kuzongera kubagarurira ubukire bahoranye naramuka atorewe kuba Perezida.

Mu karere ka Rwamagana uyu mukandida yahageze mu masaha ashyika saa tanu z’igitondo yakirwa n’ubuyobozi bw’umurenge wa Kigabiro muri aka karere aho yijeje abaturage ko nibaramuka bamutoye atazabatenguha ahubwo azabatumikira uko babyifuza. Uyu mukandida kandi yabwiye aba baturage ko bimwe mu bimuraje ishinga namara gufata ubutegetsi ari ukugarura caguwa cyane ko no mu bihugu by’u Burayi yakunze kubamo bambara caguwa

Aha yagize ati “Njyewe nakunze kuba mu gihugu cya Sweden kandi nari n’umuturage waho rwose caguwa iremewe sinumva uburyo abayobozi mwitoreye bagenda bakicara i Kigali bakavuga ko caguwa bayiciye burundu batitaye kuri wa muturage utuye hano mu cyaro”

Dr Frank Habineza kandi yabwiye abaturage bo muri Rwamagana ko Papa we yajyaga amubwira ko mu busore bwe yajyaga ava i Gitarama n’amaguru akaza guhahira i Rwamagana kuko ariho hahoze hari ubukire budasanzwe mu gihugu cyose ari naho uyu mukandida yahereye avuga ko yifuza kuzongera kugarurira aka karere ubukire kahoze gafite

Ati “Nkiri muto Papa yambiwraga ko bajyaga bava za Gitarama n’amaguru baje guhahira inaha bivuze ko inaha muri aka karere hahoze ubukire budasanzwe rwose ibyo mbijeje ni uko nzagarura ubukire mwahoranye nimungirira icyizere”

Ageze mu karere ka Kayonza mu masaha y’igicamunsi, uyu mukandida uhagarariye ishyaka riharanira Demukarasi no kurengera ibidukikije mu Rwanda (Democratic Green Party of Rwanda) yasezeranije abaturage bo muri aka karere kubakiza burundu ikibazo cy’inzara abinyujije mu buryo budasanzwe afitemo ubumenyi mu byo kurengera ibidukikije.

Umukandida Habineza yavuze ko muri aka karere ka Kayonza gahurira ibihugu binyuranye ndetse kakaba gaherereye mu masangano y’Umujyi wa Kigali, Igihugu cya Uganda ndetse na Tanzania ari nayo mpamvu uyu mukandida yumva hakwiye kuba Umujyi ukomeye kurenza Kigali

Uyu mukandida wasoje abwira abatuye muri utu turere ati “Ku itariki 4 Kanama ntimuzantenguhe muzatore Dr Frank Habineza umuhungu wanyu, Umuvandimwe wanyu, inshuti y’urubyiruko, inshuti y’abasaza n’abakecuru muzamuhundagazeho amajwi nawe azababere igisubizo” Dr Frank Habineza n’umugore we babanje gusuhuza abaturage n’abarwanashyaka ba Green Party bageze i Rwamagana Dr Frank Habineza yabwiye abatuye muri Rwamagana ko agiye kubazubiza ubukire bahoranye

Amafoto: Bunani Janvier


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...