konka coffee
KONKA

AMAKURU

UKWEZI

Dr Munyakazi ushinjwa ibyaha bya Jenoside yashyize mu majwi Minisitiri Evode Uwizeyimana

Dr Munyakazi ushinjwa ibyaha bya Jenoside yashyize mu majwi Minisitiri Evode Uwizeyimana
4-05-2017 saa 06:40' | By Chief Editor | Yasomwe n'abantu 12882 | Ibitekerezo 7

Kuri uyu wa Gatatu tariki 3 Gicurasi 2017, nibwo Dr Leopold Munyakazi uregwa ibyaha bya Jenoside yakorewe abatutsi, yongeye kugezwa imbere y’abacamanza mu rukiko rwisumbuye rwa Muhanga, maze yongera kugaragaza imyitwarire idasanzwe mu rukiko kuko yanasohotse iburanisha ritarangiye, nyuma yo gushyira mu majwi Minisitiri Evode Uwizeyimana na Rwigema Pierre Celestin wigeze kuba Minisitiri w’Intebe.

Dr Munyakazi kugeza n’ubu ntafata iburanisha nk’urubanza, ahubwo aracyavuga ko ari ibiganiro nk’uko yakunze kubigaragaza agitangira kugezwa mu rukiko rw’ibanze rwa Nyarugunga n’urwisumbuye rwa Nyarugenge, ubwo yaburanishwaga ku bijyanye n’ifungwa n’ifungurwa ry’agateganyo. Avuga ko aho aburanira atari mu rukiko kuko ibyo yasabye atabihawe birimo ibyuma bifata amajwi n’amashusho y’ibivugirwa mu rukiko.

Muri uru rubanza, Dr Leopold Munyakazi uhakana ibyaha aregwa, yatangaje ko aho gukora ibyaha aregwa ahubwo yagize uruhare mu gukiza abatutsi bicwaga mu 1994, ndetse ngo afite urutonde rw’abantu 52 bahigwaga yabashije gukiza. Avuga ko ibyo arimo ari amatiku ya Politiki kandi ko azira kuba yaragaragaje ko arwanya ubutegetsi bw’u Rwanda.

Mu bindi yavuze, yahamirije urukiko ko hari ibyaha adashobora kuburanira mu rukiko ahubwo asaba ko yazajyanwa mu cyahoze ari Komine Kayenzi aho ashinjwa kuba yarakoreye ibyaha aregwa.

Dr Munyakazi yasabye urukiko guha agaciro gakomeye ubuhamya bwanakorewe inyandiko bwatanzwe na Evode Uwizeyimana, Umunyamabanga wa Leta muri Minisiteri y’Ubutabera ushinzwe Itegeko Nshinga n’andi mategeko, ndetse n’ubwa Pierre Celestin Rwigema wahoze ari Minisitiri w’Intebe mu Rwanda. Yavuze ko aba bombi batanze ubuhamya bumugaragaza nk’umwere ku byaha ashinjwa, bukaba bwaratanzwe mu nkiko zo muri Amerika ubwo aba bombi bari barahahungiye.

Dr Munyakazi wagaragazaga uburakari n’imvugo ikarishye, yongeye gusabwa n’abacamanza kudakoresha amagambo akomeye mu rukiko, maze asubiza ko Ikinyarwanda akoresha akizi neza kuko agifitemo impamyabumenyi y’ikirenga (PhD) kandi akaba ari inzobere mu by’iyigandimi n’icengerandimi. Yavuze ko ufite ikibazo ku byo avuga nabyo yazabishyikiriza urukiko.

Uyu mugabo yaje guhita asaba umucamanza ko yakwisubirira aho afungiye ndetse bidatinze ahita asohoka mu rukiko aragenda ariko abacamanza bakomeza kuburanisha urubanza adahari, nyuma banzura ko ruzasubukurwa tariki 10 Gicurasi 2017.

Dr Munyakazi Leopold ushinjwa gukora ibyaha bya Jenoside yakorewe abatutsi mu Majyepfo y’u Rwanda ari naho aburanishirizwa, yashyikirijwe ubutabera bw’u Rwanda nyuma yo kwirukanwa muri Amerika mu mpera za 2016. Yakunze kuvuga amagambo adasanzwe mu miburanire ye, nk’aho yavuze ko adakwiye gucumbikirwa mu tuzu tumeze nk’ubwiherero kandi afite amazu meza mu mujyi wa Kigali.


INKURU ZA :
Tanga Igitekerezo
Ibitekerezo 7
zikamabahari adam Kuya 6-07-2017

erega babonye ibyo bakinisha guhamwa na genocide burya n, iherezo ryawe kwicira abantu ubusa ntushobora kubikira, naho kuba afite amazu mu mugi biramureba, iyo misarane avuga ahubgo nayuyahuremo kuko he won’t survive the genocicase PhD avuga ntimuha uburenganzira bwo gusuzugura urukiko no kwivumbura agasohoka biriya babyita imigeri y, ifarasi iri gusamba the last kicks of dying horse.

Bimazeki Kuya 7-05-2017

Ese none mufite ubuhamya ko harabo yishe!! Rwanda need better court😠

Sisi Kuya 4-05-2017

Muvandimwe warishye utarishe menya aho uri nuko witwara icyo gikombe uri kunyweraho kirashaririye hama hamwe wisobanure neza niba utarishe humura imana izakurengera kandi niba warabikoze uzasabe imbabazi ugabanyirizwe ibihano ariko reka kwishongora ngo ufite amazu I Kigali ko uyafite se iyo misarani ntiyimazemo amezi?tuza senga Imana izagukurayo koko niba ntamaraso akurega

Hakizimana Jean Bosco Kuya 4-05-2017

none c abarangije secondary schools kdi nabo bafite same case, naba buyu mwaka, bo bizagenda gute?

lg Kuya 4-05-2017

yavuze ko umwirondoro atari uwe. navuge uwe bamurekure, naho kuratako, afite PhD ntibivuga ko umuntu atongera, kuvuga ikinyarwanda, kandi ntiyize, ali umwe mwishuri kubera kubara nabi azi ko ariwe urusha abandi amashuri naho ibyo yita ibiganiro nuko ataramenya, umwambaro, yambaye naho yarangiye ibiganiro ataha! nakomeze, yiganirire *

muchina Kuya 4-05-2017

ntawe yishe cyakora ahubwo icyibazo cye namagamboye menshi nahubundi ararengana kuko Nubwambere aburana yariyabaye umwere

sage Kuya 4-05-2017

hmmm uyu mugabo hari ikibura mumutwe we,NGO ntago ashaka gukumbukurwa mubuzu bumeze nkubwiherero kdi afite amazu mumujyi was Kigali???uyu mugabo namwumvise mumakuru kuva na kare nkiri murwanda gusa ndashaka mumumbarize"ESE ABOYISHE NTAGO BARI ABANTU cg NTA MAZU BAGIRAGA"?????

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...