konka coffee
KONKA

AMAKURU

UKWEZI

FPR kuva na kera twatojwe kubaka, ahubwo twe turwanya abasenya – Kagame

FPR kuva na kera twatojwe kubaka, ahubwo twe turwanya abasenya – Kagame
20-07-2017 saa 14:03' | By Vincent Nsengiyumva | Yasomwe n'abantu 1902 | Ibitekerezo

Umukandida wa FPR Inkotanyi, Paul Kagame, yasobanuye ko FPR kuva yavuka yakuze itozwa umuco wo kubaka no gushyigikira ibyagezweho, anashimangira ko mu rwego rwo gukomeza kubisigasira barwanya umuntu wese ushaka guhungabanya ibyagezweho.

Ibi yabigarutseho kuri uyu wa Kane tariki 20 mu gikorwa cyo kwiyamamariza mu karere ka Rulindo ubwo yabonanaga n’imbaga y’abarwanashaka be bo muri aka karere ndetse no mu tundi duce duhana imbibe nako.

Kagame yanagaragaje ko mu bigomba gukorwa hazakomeza ku isonga ari ugukomeza gushyira imbaraga mu gushyigikira no kuzamura iterambere ry’umugore ariko anavuga ko bizakorwa hatiremgagijwe n’iterambere ry’ umugabo .

Yagize ati “ Ubu ntibwo bikiri ‘He for She’ ahubwo yahindutse’ We for She’. Turi hamwe duteza imbere umugore, umutegarugore ariko n’umugabo adasigaye inyuma. Tugomba kugendera hamwe twese ntawe usigaye inyuma.”

Kagame yanasobanuye ko umuryango wa FPR Inkotanyi mu mateka yawo no mu mikurire yawo utigeze utozwa gusenya ko ahubwo wakuze wigishwa kubaka no gusigasira ibyagezweho. Yanavuze ko ahubwo bubaka maze bagakumira uwariwe wese ushaka gusenya ibyubatswe.

Yagize ati “ FPR kuva na kera twatojwe kubaka ahubwo turwanya abasenya, Umuco wo kubaka ubundi birazwi ko no muri Rulindo uhaganje.”

Kagame kandi yashimiye Perezida wa PSD, avuga ko kubashyigikira ari igikorwa cy’ubutwari no gushyira mu gaciro. Ati “Ndashimira cyane Vincent Biruta ku ijambo ryiza atugejejeho nkanashimira n’andi mashyaka yose uko ari 8 yiyemeje gufatikanya natwe kwiyubakira igihugu. Ubufatanye ni ngombwa kandi bufite agaciro gakomeye.”


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...