konka coffee
KONKA

AMAKURU

UKWEZI

Hagaragajwe ibimenyetso binyomoza Corneille uvuga ko umuryango we wishwe na FPR

Hagaragajwe ibimenyetso binyomoza Corneille uvuga ko umuryango we wishwe na FPR
11-10-2016 saa 21:30' | By Chief Editor | Yasomwe n'abantu 13113 | Ibitekerezo 24

Umuhanzi w’icyamamare Corneille, ufite ubwenegihugu bwa Canada ariko akaba afite inkomoko ku babyeyi b’abanyarwanda, aherutse gushyira hanze igitabo yise "Là où le soleil disparait", aho avuga ubwana bwe n’ibyamubayeho birimo kuba nyirasenge yarajyaga amufata ku ngufu akamusambanya afite imyaka 6, hanyuma akibanda cyane ku rupfu rw’ababyeyi ye bishwe mu gihe cya Jenoside yakorewe abatutsi, ndetse akavugamo n’ababishe. Avuga ko ababyeyi be bishwe n’ingabo za FPR nyamara hagaragajwe ibimenyetso bifatika bimunyomoza, hanerekanwa ko kuba yaratangaje ibi haba hari ikindi kibyihishe inyuma.

Ubusanzwe icyamamare Corneille Nyungura, yavukiye mu gihugu cy’u Budage tariki 24 Werurwe 1977, abyarwa n’ababyeyi bombi b’Abanyarwanda bari baragiye kuba muri icyo gihugu kubera impamvu z’amasomo, hanyuma baza kugaruka kuba mu Rwanda bari kumwe na Corneille ubwo yari afite imyaka 6 y’amavuko.

Se wa Corneille ari we Emile Nyungura, icyo gihe yari umuyobozi w’ishyaka rya PSD ritavugaga rumwe n’ubutegetsi bwa Perezida Juvenal Habyarimana. Emile Nyungura yiciwe mu maso y’umuhungu we Corneille tariki 15 Mata 1994, ndetse kuri iyo tariki nyuma ya se umubyara, hishwe na nyina ndetse n’abavandimwe be batatu, Corneille aba ari we usigara wenyine.

JPEG - 132.4 kb

Mu buryo butunguranye ariko, Corneille yavuze ibintu byatunguye benshi kandi birimo kwivuguruza kwinshi ukurikije ibindi yagiye avuga mu myaka 22 ishize, ashimangira ko yibuka neza ibyabaye nk’ibyabaye ejo, ko nta gushidikanya umuryango we wishwe n’Ingabo za FPR Inkotanyi bizwi ko zarwanaga urugamba rwo kubohora u Rwanda no guhagarika Jenoside.

Umubiligi Alain Billen, umunyamakuru w’impuguke mu by’amateka y’u Rwanda by’umwihariko wakoze ubushakashatsi ku bya Jenoside yakorewe abatutsi mu Rwanda, yagaragaje ibimenyetso byinshi bishimangira ko Corneille abeshya, yivuguruza kandi ibyo yakoze bikaba bifite ikindi kibyihishe inyuma. Mu nyandiko yashyize ku rubuga rwe (blog), Alain Billen agenda yerekana akantu ku kandi gashimangira ko Corneille abeshya.

Alain Billen avuga ko umuryango wa Corneille wiciwe mu mujyi wa Kigali tariki 15 Mata 1994, nyuma y’icyumweru kimwe Jenoside itangiye mu Rwanda. Agaragaza ko icyo gihe nta basirikare ba FPR bari mu mujyi wa Kigali, ndetse ko bahageze mu mpera z’ukwezi kwa Kamena 1994, ni ukuvuga nyuma y’amezi abiri umuryango wa Corneille wishwe. Avuga ko bacye ari bo babaga mu Ngoro y’Inteko Ishinga Amategeko, ahari hazwi nka CND.

Alain Billen kandi agaragaza ko Emile Nyungura icyo gihe yari umuyobozi w’ishyaka rya PSD ritavugaga rumwe n’ubutegetsi bwa Perezida Juvenal Habyarimana, bisobanura neza ko yari umwe mu bantu bahigwaga n’ubutegetsi bwari buriho, kuburyo ingabo za Guverinoma y’icyo gihe (FAR) zamucungiraga hafi ngo yicwe, ari nabyo byatumye apfa mu minsi ya mbere yakozwemo Jenoside.

Uyu mubiligi akomeza yerekana uburyo FPR ntacyo yashakaga kuri Emile Nyungura n’umuryango we, kuko iyo ibasha kugera mu gace yari atuyemo yari kubanza kwica Matayo Ngirumpatse bari baturanye, kuko uyu yari Perezida w’ishyaka MRND rya Juvenal Habyarimana ryateguye rikanashyira mu bikorwa Jenoside yakorewe abatutsi. Uyu Ngirumpatse yahamijwe ibyaha bya Jenoside n’urukiko mpuzamahanga mpanabyaha rwashyiriweho u Rwanda. Alain Billen yibaza uburyo FPR yari ishishikajwe no guhagarika Jenoside, yaba yarinjiye muri aka kaje k’umwe mu bikomerezwa byakoze Jenoside, yarangiza ntinagire icyo itwara abakoraga ubwicanyi bari bayobowe na Matayo Ngirumpatse ahubwo ikajya kwica umuryango wa Emile Nyungura bari baturanye.

JPEG - 79.2 kb

Alain Billen, umubiligi w’imyaka 63 y’amavuko unyomoza Corneille

Yibaza kandi uburyo Corneille uvuga ko umuryango we wishwe n’ingabo za FPR Inkotanyi, yaba yarabashije kuzimenya mu gihe nta mpuzankano (Uniform) bari bafite, dore ko batari no kwinjira mu mujyi wa Kigali bidegembya cyangwa bambaye imyenda yari gutuma bamenyekana mu gihe ingabo za Guverinoma y’icyo gihe zari zuzuye mu uwo mujyi muri ayo matariki.

Alain Billen kandi, agaragaza ukwivuguruza kwa Corneille, akabyerekana nk’ikimeyetso gifatika cyo kuba uyu muhanzi afite ikindi kintu gihishwe cyatumye ahindura imvugo agaharabika ingabo za FPR Inkotanyi. Agaragaza aho yagiye atangaza ubwe ibintu byerekana ko ubu arimo kubeshya ibinyoma bidafite ishingiro.

Urugero atanga ni nko muri Gashyantare 2006, aho Corneille ubwe yagiranye ikiganiro n’umunyamakuru Nathalie PETROWSKI wakoreraga "La Presse Arts et Spectacles", icyo gihe akaba yaragaragaje ko abishe umuryango we atabazi ariko uko byagenda kose atari FPR. Icyo yihe Corneille yagize ati: "Abishe umuryango wanjye? Simbazi ariko sinshaka no kubamenya. Gusa sintekereza ko baba ari FPR kuko icyo gihe abasirikare babo nta bari muri ako gace."

Icyo gihe kandi, Corneille yabwiye Nathalie PETROWSKI ko nta bintu byinshi yibuka byabaye mu ijoro umuryango we wicwaga, uretse kuba yibuka ko hari nka saa cyenda z’urukerera ubwo abantu bafite intwaro babateraga bakica umuryango we wose bagahita bagenda, bakagenda bazi ko ntawe basize agihumeka.

Muri rusange, Alain Billen agaragaza ko Corneille yaba akoreshwa n’abasize bahekuye u Rwanda bidegembya mu bihugu bitandukanye by’amahanga, kimwe n’abarwanya ubutegetsi bw’u Rwanda bagamije gukoma igihugu mu nkokora, mu gihe u Rwanda ubu ruri ku mwanya wa 7 ku isi mu bihugu bifite ubutegetsi bukora neza nk’uko byagaragajwe na WEF (World Economic Forum). Kuba yaba akorana n’abatavuga rumwe na Leta y’u Rwanda, Alain Billen anabishingira ku kuba ari bo bahise basamira hejuru ibyo kuba yaravuze ko ababyeyi be bishwe na FPR, bikagaragaza ko hari icyo bari babyitezeho.


INKURU ZA :
Tanga Igitekerezo
Ibitekerezo 24
Mugabe Kuya 6-12-2017

FPR Mutagatifu urajye udusabira twe abanyabyaha kuri ubu n’iteka ryose... Amen

Nusu Kuya 10-10-2017

Abanyarwanda muranyobera. Murumva ibyo uyu muzungu avuga byarusha nyir’ubwite kumenya uwamwiciye. Njye ndavuga ibintu bibiri bigaragaza ubswa bwe:
1. FPR ngo ntiyari muri Kigali mu kwa 4. Ahubwo yari inahari mbere ya 06/04 kuko yabaga muri CND. Kandi abasilikare b’inkotanyi twaririranwaga. Abatazi abishe Lando bazambaze. Ni FPR yahise yirara mu bantu bo muri opposition irabatsemba ngo ibyitirire Interahamwe (aha simvuga ko Interahamwe zitishe) kuko ari FPR ari n’Interahamwe ngira ngo nta munyarwanda utazi ko bose ari nk’impanga mu kwica.
2. Aravuga ngo inkotanyi nta uniforme zagiraga. Ibyo birahagije ngo sinjye gushaka ibindi bisobanuro kuko ntawe utazi imyenda ya "mukotanyi". Ndangize nsobanura ko uwari muri Kigali wese yari azi gutandukanya interahamwe n’inkotanyi. Ninayo mpamvu umuntu yagiraga abo ahunga n’abo asanga. Aba bazungu n’inda nini zibakoresha gusa.

Enock Kuya 13-10-2016

Arikose Fpr yageze ikigari itishe?

kalisa Kuya 13-10-2016

umwana wimyaka 16, yarazi I’ll? we mbere yivugiyeko yihishe nyuma yintebe agata ubwenge bukagaruka nyuma akirebera mundorerwamo, urumva adacanga abantu, inda nini tuyime amayira, kuko ibyo ari gukora bizatera abana be ipfurwe, nimureke twubake igihugu cyacu tureke inda nini nindamu yumunsi umwe tuvane amaboko dukore, umuntu yashatse kunjyana Canada Ashakira. passport, nyuma arambaza ngo nzavugako mpunze iki ningerayo ngo mbone ubuhungiro, nti ntacyo nzi. ati waba ikigoryi, nti Aha, nzavuga iki? ati uzavugeko Leta yu Rwanda yananiwe kurinda umutekano wabacitse kwicumu rya jenoside yakorewe abatutsi ko hari umuhutu wahungutse ushaka kunyica, kandi wahese!!!? ndabitekereza passport ndayica nti igendere ibyo sibyange, kugeza magingo aya ntararongera kumvugisha, rero nimureke twimike ubunyangamugayo, gukundana, gukunda ugisuhuza, ubumuntu, naho ubundi ihaga aruko ushizemo umwuka. Imana ibarinde.

sandra Kuya 12-10-2016

big thx to that white man’s research, and for that man we can tell him that the reason he does that is b’se he dont knw hw swt we are enjoying in our cntry nw days. for his parents condlnc bt dont make it a blige do ashame our cntry

sandra Kuya 12-10-2016

big thx to that white man’s research, and for that man we can tell him that the reason he does that is b’se he dont knw hw swt we are enjoying in our cntry nw days. for his parents condlnc bt dont make it a blige do ashame our cntry

-xxxx- Kuya 12-10-2016

ubanza afite icyo bamwijeje abashaka kudurumbanya umutekano u Rwanda rufite ariko natuze kuko ntabyo bazageraho nibyo bamwijeje azahomba kuko mugihugu cyacu tuyobowe neza na FPR

Gigi Kuya 12-10-2016

yarababbonyesesha ahubwoko guhimbabibaho ubwose ukubwirako ababyeyibe bishye 93 ntimwumva ahubwo nashakireahandi naho abvugako yabobonye aboniki yari nkutweyahogusa yigumire iyo kuko twebwe iwacu murwagasabo murwimisozi igi1000 ntitumukeneye naho ubirigi aravuga ukurikabisa mumureke nahowowe tubyumve gute na mutembe rugira mujye muva kubantusha nimba utababazwa nahutuye ubona wababzwa niki? murishuka cyane icyomwakora cyose twebwe ntabwoba dufite .

Thomas Kuya 12-10-2016

Uyu muhanzi bamukurikirane ashobora kuba afite abamuri inyuma,kuko sinkeka ko ibi yabyanditse atagamije gupfobya umurava numuhate ingabo za RPF zakoze mukubohora igihugu mugihe cyamajye u Rwanda rwanyuzemo.
Ibyo RPF yakoze sinabona uko mbashimira gusa Imana yonyine izabahe gukomera kuko aho u Rwanda rugeze nibo tubikesha,kdi nsaba abanyarwanda bose kudata umwanya kubintu bitabateza imbere twime amatwi bagateranya.

Thomas Kuya 12-10-2016

Uyu muhanzi bamukurikirane ashobora kuba afite abamuri inyuma,kuko sinkeka ko ibi yabyanditse atagamije gupfobya umurava numuhate ingabo za RPF zakoze mukubohora igihugu mugihe cyamajye u Rwanda rwanyuzemo.
Ibyo RPF yakoze sinabona uko mbashimira gusa Imana yonyine izabahe gukomera kuko aho u Rwanda rugeze nibo tubikesha,kdi nsaba abanyarwanda bose kudata umwanya kubintu bitabateza imbere twime amatwi bagateranya.

Rugira Kuya 12-10-2016

Ariko noneho ndumiwe! Uwo mucancuro w’umuzungu se wiha gushinyagurira Corneille amurusha kumenya abamwiciye? Navane amatiku aho areke Corneille aririre abe yabuze, naho urukundo rwa ba Gashakabuhake rwo turaruzi ntibakaduteshe umwanya! Ribara uwariraye beneda!

Alpha Kuya 12-10-2016

Njye Reka nkumenere akabanga nkumunyamakuru , kandi uzakore itahuza ryawe! Naho ubundi mureke kuvuga menshi!
Corneille yinjira inaha mubazungu, yari rubanda nkatwe twese, avuga ibyo yiboneye akurikije uko ibihe byari bimeze icyo gihe! Histoire yatanze rero yinjira mubazungu ngo yibonere ibyangombwa niyo nubu yamubereye bihehe! Yagiye kwibona yibona imbere za télévision , yisobanura, bukeye bati tujye mu Rwanda gukora film, bimutera ubwoba kuko yabuze ko azapfa at arusubiyemo muri immigration! Ibyo byatumye agwa hasi cyane , succès ze ziburiramo, none umuzungu arareba ati uyu muntu murye ho iki ko ibya film byanze kandi azi kuririmba? Amugira Inama yigitabo! None mwavuze mwavugishijwe ngo ni politique ! Ntayo Cornelle arimo nta bya hutu tutsi abamo, icyo nakubwira cyo nuko ifaranga ariryo riri imbere kuri we!
Ikindi kandi: uzambarize abanyarwanda baba za Canada uti baramutse bashyize hanze za histoire zanyu, basanga mwarabeshyeye FPR ibingana iki?? Uruvuga abandi weeeee!

Kcn Kuya 12-10-2016

Uca urubanza gute utaruhari!ntitubogame,uwo muzungu yari Rwanda during genocide!?rige ribarwa nuwaruraye gusa !

Ntabwoba Kuya 11-10-2016

Ribara uwariraye aravuga ibyo yabonye kandi ni ukuri.Kubarye ababikoze Imana izaba shyira hanze ntikiravugwa

Natacha Kuya 11-10-2016

Corneille akivuga ko ababyeyi be bishwe Le 15/04/94 nahise numva ko atari FPR yabishe, Dore ko nabo urubwa tubabera. Abasirikare 600 bari muri CND nabo bahise bacika indege ikimara kuraswa. Kuko urugamba rwari rukaze. Rero Corneille ajye abeshya n’ibintu bifite sens.

fatu Kuya 11-10-2016

ntabwo urupfu rwabishe ababyeyi be narwo rwaba amayobera nkabirirwa baterana amagambo kuwahanuye indege ya habyarimana.niba urupfu rwabo rwarabaye kumanywa ,ndizera ko abemeye ibyaha,no mu iperereza RYA gacaca ,abo nabo bavuzwe.byaba bibabaje niba barirengagijwe kd aricyo gacaca yagiriyeho.Uzi rero ibyurupfu rwabo niwe duhaye ijambo

nakumiro Kuya 11-10-2016

aliko hit ishaka kwinshi, ubwo yatangiye guta succes atireka mpimbikinyoma gishushimitwe abantubenshi igitabocyanjye kibone isoko nindilimbo zongere zihittinge

kaka Kuya 11-10-2016

iyi mbwa ngo ni corneille ntizi ibyo irimo ishinja abantu babohoye igihugu bakagikorera ubu u rwanda akaba ari intangarugero muri africa ndetse no kwisi mu kurinda amahoro

maliza Kuya 11-10-2016

nonese uwo muzungu niba ahakana abishe ababyeyi ba Corneille kandi nyirubwite yarabiboneye ubwo arumva arusha nyina w’umwana imbabazi koko!

kalisa Kuya 11-10-2016

Ariko se ari Nyungura naka Gasaza kavuga ibyo katazi ninde. Uvuga ukuri? CND se ntiyarimo inkotanyi? Interahamwe se ko zicaga kumanywa y’Ihangu, zateraga mu Rukerera?? Sha uyu Msza arasekeje kbs!

mutembe Kuya 11-10-2016

Uyu mubirigi uvuga ko fpr itari muri Kgl kiriya gihe, yirengagije bikomeye amateka, Inkotanyi zari muri CND zavuyemo ku itariki ya 8 cg 9 mata 1994 zikwira Remera yose , Kwa Emile nti hari kure y’i remera.Ahubwo abamuzi bazatubwire ko yari ashyigikiye ubuyobozi bwariho cg asshyigikiye FPR. Corneille ibyo yanditse mu gitabo cye ni ibimurimo. Gusa navuga ko habayemo gushishoza guke kuko ibyo adatangira ibimenyetso byemejwe n’urukiko urwo arirwo rwose none bikaba biteye urujijo. Iyo bimushobokera kuruca akarumira kuko ntekereza ko hari abandi bahuje ikibazo kandi batari bake muri uru Rwanda. Ikiruta ibindi ni ukureba imbere ugaharanira kubaho.

Mama Kuya 11-10-2016

Ese mwebwe izi nyandiko mukora hano mwe si ukumutoneka, cyangwa iyo mutonetswe nimwe mwenyine mufite uburenganzira bwo kubabara. Mudusobanurire aho

tubyumve gute Kuya 11-10-2016

Niba nyirubwite avuga abishe umuryango we MWe mukemera ibyo uwo muzungu NGO nimpuguke avuga ! Kdi ejo nawe navuga ibinyuranye nibyo mushaka kumva muzamutesha agaciro. Ntago azaba akiri impuguke kumateka y’u Rwanda ? Icyo mbona FPR yishyira heza cyane ukagira ngo amasasu barasaga yagendaga arobanura abari bari gukora genocide ! Cg technique z’ urugamba bakoreshaga hari utazizi ? Bajye bemera ko nabo bishe! Kdi mumategeko iyo umuntu arwanye nundi akamunrsha bivuga ko ariwe wakoresheje imbaraga nyinshi. Bityo no kwangiza aba yangije byinshi.

et Kuya 11-10-2016

Bazajya babeshya kugira babone uburyo bidegembya ariko uwo muhanzi ikibimutera nuko abona u rwanda rutamwitayeho ngo aze mu bitaramo i kigali nkuko abahanzi bakomeye baza. Gusa wishinga abicanyi nizina warufite rikagenda rita agaciro so corneille natuze atazisanga arumunyapolitique.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...