konka coffee
KONKA

AMAKURU

UKWEZI

Hari abanyarwanda batari bake babuze amahirwe yo kwitorera Perezida

Hari abanyarwanda batari bake babuze amahirwe yo kwitorera Perezida
4-08-2017 saa 08:05' | By Chief Editor | Yasomwe n'abantu 7642 | Ibitekerezo 2

Hari umubare utari muto w’abanyarwanda babuze amahirwe yo kwitorera Perezida wa Repubulika bitewe no kudasobanukirwa cyangwa izindi mpamvu zitabaturutseho, aba bose ariko bagaragaza ko bababajwe cyane no kuba batabashije kugira uruhare mu kwitorera Umukuru w’igihugu cyabo.

Amabwiriza ya Komisiyo y’amatora, avuga ko umunyarwanda wese ufite indangamuntu n’iyo yaba adafite ikarita y’itora, yemerewe gutora ariko agatorera aho agaragara ku rutonde, ni ukuvuga aho yibarurije cyangwa ahandi yaba yariyimuriye kuri lisiti y’itora. N’iyo wagira ikarita y’itora n’indangamuntu byombi, ntabwo wemerewe gutorera aho utagaragara ku rutonde.

Icyakora hari abemerewe kujya ku mugereka, kuburyo bashobora gutorera aho bari hose bakagaragaza indangamuntu zabo n’amakarita yabo y’akazi. Abo ni abasirikare, abaganga, abanyamakuru, abapolisi n’abandi bose bigaragara ko igihe cy’itora cyageze bari mu butumwa bw’akazi mu gace batibarurijemo cyangwa ngo bahiyimurire ku rutonde rw’abemerewe gutora.

Abasirikare bari mu bashyirwa ku mugereka bagatorera aho bari hose. Aha ni muri Nyagatare batoye umurongo ku biro by’itora

Guhera mu masaha y’amanywa yo kuri uyu wa Kane tariki 3 Kanama 2017, muri gare ya Nyabugogo hari ikivunge kinini cyane cy’abantu bashakaga kujya gutorera hirya no hino mu ntara aho bibarurije, abenshi bashaka kujya gutorera aho bavuka. Imodoka zari zabuze cyane kuburyo byarinze bigera saa tatu z’ijoro hari abagishaka uko bataha kugeza ubwo bamwe babonaga ko byanze bagasubika ingendo zabo. Bamwe muri aba baganiriye n’Ikinyamakuru Ukwezi.com bavuga ko batigeze biyimura kuko bifuzaga gutorera aho bavuka, mu gihe abandi bavuga ko bananiwe kwiyimurira aho bari kuko batabisobanukiwe, abandi ngo babuze umwanya wo gushaka ababibakorera igihe kirabasiga.

Benshi babuze uko batora kubera kubura imodoka zitandukanye

Ku biro by’itora bitandukanye naho hagaragara bamwe mu babuze amahirwe yo kwitorera Umukuru w’igihugu. Mukamurigo Mariya, ni umukecuru wazindutse kare ajya gutorera ku biro by’itora biri mu mudugudu wa Nyagatare ya mbere, akagari ka Nyagatare, umurenge wa Nyagatare wo mu karere ka Nyagatare. Yageze ku biro by’itora yangirwa gutora kuko atari ku rutonde, kuko aha yari agiye gutorera atahibarurije kandi akaba atarigeze anahiyimurira ngo ajye ku rutonde rw’abazahatorera.

Mukamurigo yababajwe no kubura uko yitorera Perezida kubera kudasobanukirwa

Mu kiganiro n’ikinyamakuru Ukwezi.com, Mukamurigo yavuze ko atigeze asobanukirwa ko yagombaga kwiyimura kuko ubusanzwe atari aha yibarurije, kandi ngo n’uburyo bwo kwiyimura ntiyari abusobanukiwe, bigakubitiraho ko yumvise bavuga ko ufite indangamuntu azatora n’iyo atagira ikarita y’itora, we akagirango n’iyo waba utari ku rutonde wakwemererwa gutora.

Muri rusange ababuze aya mahirwe yo gutora Perezida wa Repubulika, bavuga ko byabababaje cyane kuko babuze amahirwe yo gufatanya n’abandi banyarwanda kugena Umukuru w’igihugu uzabayobora, bakaba bazongera kubona aya mahirwe mu myaka 7 iri imbere. Icyakora basaba abandi ko babahitiramo neza, bagatora uzakomeza kubafasha mu rugendo barimo rw’iterambere.


INKURU ZA :
Tanga Igitekerezo
Ibitekerezo 2
Inez a Jean Claude Kuya 6-08-2017

Morning natwe Yuri Kenya twishimiye kagame!the!!!

betty Kuya 5-08-2017

muzehe wac? twamutoye 100/00 turamushyigikiye yahaye abagore ijambo yadukuye mubwigunge girinka munyarwanda yatugezeho amata yatugezeho

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...