konka coffee
KONKA

AMAKURU

UKWEZI

Hari abigaga muri Kaminuza zafunzwe bavuga ko benda gusara mu gihe ba nyirazo bo bumiwe

Hari abigaga muri Kaminuza zafunzwe bavuga ko benda gusara mu gihe ba nyirazo bo bumiwe
18-05-2017 saa 19:48' | By Chief Editor | Yasomwe n'abantu 7901 | Ibitekerezo 26

Nyuma y’igihe zimwe muri Kaminuza n’amashuri makuru bifungiwe amashami n’amasomo amwe n’amwe babwirwa ko ari iby’agateganyo ndetse bagasabwa gutangira kunoza ibitagenda neza kugirango ibyabo bisuzumwe amasomo akomeze nk’ibisanzwe, bamwe mu banyeshuri bazigagamo bararira ayo kwarika ndetse bavuga ko benda gusara mu gihe izi Kaminuza na zo ba nyirazo bari mu gihirahiro kuko babona nizinafungurirwa amashami zizisanga abanyeshuri barazishizeho.

Inama y’Igihugu y’Amashuri Makuru, HEC, nka kimwe mu bigo bya Minisiteri y’Uburezi gishinzwe by’umwihariko gukurikirana za Kaminuza n’amashuri makuru bikorera mu Rwanda, mu kwezi kwa Werurwe yanzuye ko amashuri makuru na kaminuza 10 bihagarikirwa amashami cyangwa amasomo by’agateganyo izindi zifungirwa amashami yose, hashingiwe ku igenzura ryakozwe hagaragazwa ko hari ibyo zitujuje.

Abayobozi ba za Kaminuza n’amashuri makuru byafungiwe amashami ndetse hamwe abanyeshuri bagahita basabwa kwitahira, bagiye bagaragaza ko batishimiye ibi byemezo ndetse ko harimo akarengane, ariko bahise basabwa guhita bakosora ibyo beretswe bitagenda bakongera kubakorera isuzuma bityo ngo nibasanga byarakemutse bahite babakomorera amasomo akomeze nk’ibisanzwe. Iri suzuma riherutse gukorwa muri Kaminuza ya INES Ruhengeri no muri Kaminuza ya Gitwe, ubu bakaba bategereje ibizava muri iryo genzura ryakozwe.

Hagati aho ariko, tariki 27 Mata 2017, hari itangazo ryashyizwe ahagaragara rishyirwaho umukono na Dr Muvunyi uyobora Inama y’Igihugu y’Amashuri makuru, rigaragaza ko abanyeshuri bamwe bo muri Kaminuza zafunzwe bamaze koherezwa mu zindi kaminuza n’amashuri makuru yigisha nk’ibyo bigaga, ndetse abanyeshuri bagasabwa kujya kwireba ku rutonde ruboneka ku rubuga rwa internet rwa HEC.

Bamwe mu banyeshuri bigaga muri izi Kaminuza baganiriye n’ikinyamakuru Ukwezi.com, bagaragaje ko benda gusara kubera ibyababayeho n’ibikomeje kubabaho. Aba banyeshuri barimo ibyiciro bibiri, icy’ababuze ubushobozi bwo kujya mu zindi kaminuza kuko amafaranga bari bafite yabashizeho bishyura aho bigaga mbere, hakabamo n’icyiciro cy’abagiye ku zindi Kaminuza bahora nabo bahuzagurika.

Umwe muri aba banyeshuri yagize ati: "Njyewe iyo mbitekerejeho numva ngiye gusara, nibaza impamvu ntacyo Leta ikora ngo iturengere. Njyewe aho nigaga hari hafi y’iwacu kuko ninjye wakoraga nkabasha kwirihira no kwita kuri barumuna banjye kuko nta babyeyi dufite. Ubu ahandi najya kwiga ni kure, ariko ntibyakunda kuko hano nari naramaze kwishyura amafaranga yose y’umwaka, kandi aho handi naho bagomba kunyishyuza andi, sinayabona kandi no kwiga aha hafi nibyo byankundira kubera akazi n’inshingano zo kurera barumuna banjye. Nibaza amaherezo yanjye n’ay’abo tuvukana nkumva bigiye kundenga."

Undi munyeshuri waganiriye n’ikinyamakuru Ukwezi.com, yadutangarije ko n’ubwo yiyandikishije muri Kaminuza nshya bamwoherejemo, adatuje kuko bimeze nk’aho yatangiye mu mwaka wa mbere kandi yiga mu mwaka wa gatatu. Avuga ko kwimukira mu yindi kaminuza bitunguranye byamugoye, kandi kuba Kaminuza yigagamo akeka ko ishobora kuzafungurwa bigatuma umutima uhora umusimbuka, kuko ngo yahita asubirayo cyane ko n’ubundi yari yaramaze kwishyura amafaranga y’ishuri y’umwaka wose.

Hari kandi umwe mu bayobozi ba Kaminuza zafunzwe, uvuga ko bahangayikishijwe no kuba nibaramuka banafunguriwe bakongera kwigisha, bazisanga abanyeshuri barabashizeho kuko bamaze koherezwa mu zindi Kaminuza zigisha nk’ibyo bigishaga. Avuga kandi ko niba Minisiteri y’Uburezi igamije kubaka ubureshobozi n’ireme ry’uburezi mu mashuri makuru na Kaminuza, bakwiye kureba uburyo babikora atari uko zimwe muri izo Kaminuza zasenyutse kandi isuzuma ntakuka ritaragaragaza niba koko zitujuje ibisabwa, cyane ko hari ibitegerejwe ko bizava mu isuzuma rya nyuma.

Kuva tariki ya 3 – 5 Gicurasi 2017, Intumwa z’Inama Nkuru y’Uburezi zakoze igenzura muri kaminuza ya INES, umuyobozi w’inama nkuru y’uburezi ubwe nawe yari ahibereye, ariko ntibarasubiza kubyo babonye kugeza n’ubu. Nyuma yaho nabwo iya Gitwe yakorewe igenzura, aho bombi hakaba hataratangazwa ibyavuyemo.

Muri rusange, Kaminuza zahagarikiwe Porogaramu ndetse n’izahagaritswe by’agateganyo zigera ku 10, iki kibazo cyagize ingaruka ku banyeshuri basaga 5000

JPEG - 124.9 kb

Musafiri Papias Malimba, Minisitiri w’Uburezi mu Rwanda


INKURU ZA :
Tanga Igitekerezo
Ibitekerezo 26
gjkjphfd Kuya 22-05-2017

Buriya Imana iba izi future ya buri muntu kdi ntakiba utakizi mwihangane kd mukomere turi my isi ntituri mu ijuru

gjkjphfd Kuya 22-05-2017

Buriya Imana iba izi future ya buri muntu kdi ntakiba utakizi mwihangane kd mukomere turi my isi ntituri mu ijuru

Kubwimana (Kayonza) Kuya 21-05-2017

Amatora ntari vuba se! induru mwirwa muvuza hari utazumva? ubwo namwe mumenye icyo gukora, Arega no kwifata biremewe, ibaze imiborogo no gutakamba byakozwe ariko....................................
Akarengane nta gihe katazabaho.................................
Abagabo bararya................................................................

umubyeyi Kuya 21-05-2017

njye nkumubyeyi urera abana jyenyine nkaba ndi na mwarimu,narafashe avance ngo nishyurire umwana wanjye,aya marira nirirwa ndira nagahinda kenshi nyagasani Imana izamporera tu

parfaite Kuya 21-05-2017

yewe nibumbakanwa! ubu se koko ko muvuga ngo ubushomeri ubu biraba bite? ngoho bibajire ako kantu ariko abana basubire mumasomo? gusa nuko nabari kwiga nabo muribo ngo ba bourse baba bemerewe hari benshi bafite ibirarane byamezi none barabajije byageze iyo! abana baba muli kgli bo babuze uko babona nuo bigurira igisgeke! BRD aho gukemura ihibazo ibyo yateje byo ntiwabona aho uhera ukemura! gufata ngo inguzanyo uzishyura nubundi ukabamuka wucwq nibibazo! avapfa mu hwinio bo nibenshi pe!

ngagi Kuya 20-05-2017

ndabona amaherezo na diploma zabaharangije mbere bazazica nkawa minisitiri wigeze kuzica. ndabona aribisanzwe mu Rwanda kuda agaciro abenwgihugu pe. ubu se twese dufite ubushobozi bwokohereza abana hanze. ubwo se iyo education pour tous mwirirws muririmba irihe? ese mwagiye mutanga urugero nabanyu bakigamo ra. gusa harigihe Uwiteka azatwibuka. ese bwo muzakwirwahe ra ko mwigize...

-xxxx- Kuya 20-05-2017

Njyewe mbona twarahohotewe byindenga kamere none niba twirirwa tubwirwa ngo dutange service nziza ( nkuwikorera) nigute hashize iminsi 15 bataradusubiza kdi baradusuye ??? Njye narumiwe cg nuko no ntamwana wabo wahhutajwe Niki kiza!!!! Mudutabarire bugufi kuko bamwe nayishuri ntudukeganya kuzongera kuyabona

peter Kuya 20-05-2017

erega ndabona minister yaravuniye ibiti mumatwi ! nkubu aratekereza iki koko? niba nakarengane karimo gutanga igisubizo kubakorewe oditte nabyo bigiye gufata amezi! mubamu shaka kwangisha abantu ubuyobozi musebya umukuru wacu gusa! gusa mwubukeko iminsi ikuvana mwikoti ikakwambika iroza! bidatinze minister nawe uzicuza ibyo wakoreya abana burwanda

ndababaye Kuya 20-05-2017

ibi ntibyumvikana pe habuze umuntu ujya kwa President koko NGO atubarize gusa niwe ubiko ra kuko ntabwo aba hanze yigihugu ahubwo nuko nawe ataduha agaci ro Barangiza bakingirA nkana bate rera agati mumenyo

theos Kuya 19-05-2017

ntawushaka umugabo ngo aze mwirongorere ko kwiga byari ibya kera bic ikigura atanu

rayon Kuya 19-05-2017

mbega mudushakire malimba kbs arko ubu arasinzira nta soni

munyeshuri Kuya 19-05-2017

mwaramutse neza bantu mukora ku kwezi, reka mbashimire ubwiyinkuru mwanditse, ahari n’abandi iyaba babareberagaho. nukuri ntago nshaka kwivuga ariko ubu njyewe uwanyishyuriraga arenda kubivamo kuko yamaze kurambirwa. ndababwiza ukuri ko twenda gusara, no guturika imitima. sha koko ubu dukore iki? ese ubu dukore iki? sha ni umuvumo madiba n’abo bafatanyije batazakira. ibi bigira ngo nuko ntamwana wabo uzigamo, sha nibibagwa amahor bazangahe? basi reka nsabe ukwezi ko niba bishoboka mwadukorera ubuvugizi burenze ubu, niba binashoboka mutubwire duhure twese nk’abanyushuri muduhamagarire abo bayobozi tuvugane nabo. murakoze

aba Kuya 19-05-2017

njyewe rwose nariyanze , amafranga yanjye nayashioye mukwiga none baraduhagaritse , ubuse barabona nzakomeza kubyimba umutima kugeza ryari,, gusa leta ibyumve turababaye kd twarayirakariye cyane,, namwe abanyamakuru mutubarize niba president abizi, nsaanga abizi, menye aho bigana

kp Kuya 19-05-2017

Ubwo rero bakoze Audit nibatangaze ibyavuyemo bafunge cyangwa bafungure ariko be gukomeza kuduheza mugihirahiro. Gusa mwibukeko Imana igenga byose kandi isaha ni isaha ishobora kugira ibyo ihindura.

Malimba Kuya 19-05-2017

Nonese ko muzi ko ibisabwa ari akantu murabuzwa n’ iki kugatanga. Ndimo kwishakira impamba kuko nzi neza ko nanjye ntazaramba kuri uyu mwanya.

UBARIMO Kuya 19-05-2017

Njyewe nkunda iteka iyo Malimba na Muvunyi bavuga ko Gufunga za Kaminuza byaturutse i Bukuru! bati ni Perezida wabidusabye!, mubona uwo mubeshyera atazi ubwenge? mubona mumurusha urukundo ku baturage be? mubona atari umugabo ushyira mugaciro> muzabeshye abahinde batagira...........mu Rwanda di! muba mubeshyera Umuyobozi wacu gusa, mumuteza abaturage n’ibihe mubona twinjiyemo by’ubukwe bwo muri Kanama 2017. murabeshyera ubusa muri Kanama nitwe nawe, tuzamwereka ko mudashobora kumuvangira na rimwe.

HIRYA Kuya 19-05-2017

Erega mwa bavandimwe mwe, ibi byose bifite izingiro, ubuse mvuge iki? mvuge ruswa ya miliyoni enye yahawe umwe mu bayobozi ba Minisiteri ayihawe nimwe muri kaminuza iri mumanegeka, maze akayikingira ikibaba!? umukino uba muri MINEDUC urazwi, ikibazo nuko babeshya umukuru w’igihugu gusa ko bari kunoza ibintu, none se uku kwitinza bivuga iki? baritinza ngo ba nyiri za kaminuza bibwirize nyine! umva sha! murabona malimba ari umwana se? muzabaze abantu uburyo akazi katangwagamo muri CBE former SFB, aho yari umuyobozi.

none ngo bazabafungurira da!!! amaso muyafunge nimutibwiriza muzasaza mudafunguriwe. gusa nyine abanyeshuri bo baganerwabikorwa mubihombeyemo sorry kandi pole sana.

Huguka Kuya 19-05-2017

Ariko mujye mumenya ubwenge!, gufunga aya makaminuza no kuyagaraguza agati, no gutinda kuyafungura(ayujuje ibisabwa) nuko malimba na muvunyi nta bana babo bazigamo, urebye wasanga nta numwana wabo numwe wiga mu Rwanda. none se aya mashuri avugirwe nande? abaminisitiri se? abadepite se? bose abana babo bibereye i Rwotamasimi!, burya uzamenye ubwenge.

giti Kuya 19-05-2017

mubareke sha, ko nta bana babo se barimo bibabwiye iki?
muzababwire bakore descente baze kureba uko ababyeyi bacu basigaye bangana kubera ibyo bakoze byiyongera ku bindi byinshi ntabasha kuvuga ark igihe kizagera bisobanuke byose

jbf Kuya 19-05-2017

njyewe ho ngiye gusara ibyi shuri ndabona ngiye kubivamo burundu kbs nkashaka ubundi buzima mbamo

kilo Kuya 19-05-2017

Mbega agahinda, ariko njye nibaza niba amashami bafunze atari yarigeze agraduatinga, niba byarabayeho , ese koko habaga haje uhagarariye Minisiteri muri graduation? niba yarazaga se kuki yemezaga ko abantu barangije nyuma abandi bakabangira?

Robert Kuya 19-05-2017

nibyo koko ni ikibazo gikomeye kuba abanyeshuri bamaze igihe kirenga amezi abiri bategereje gusa imyanzuro batazi n’igihe izatangarizwa gusa namwe nk’itangazamakuru mwakadushakiye abo bayobozi(HEC

Robert Kuya 19-05-2017

nibyo koko ni ikibazo gikomeye kuba abanyeshuri bamaze igihe kirenga amezi abiri bategereje gusa imyanzuro batazi n’igihe izatangarizwa gusa namwe nk’itangazamakuru mwakadushakiye abo bayobozi(HEC

k29 Kuya 19-05-2017

gusa birabaje pe naho bavuga batwohereje nabo banze kudufata gusa ububugome ntacyo bizabamarira gusa badutesha umutwe

Runyinya Kuya 18-05-2017

Birababaje.Ariko rero mwa banyeshuri mwe mureke guteta ngo murasaba leta kubarenganura.None se HEC ni nde si Leta.

Runyinya Kuya 18-05-2017

Birababaje.Ariko rero mwa banyeshuri mwe mureke guteta ngo murasaba leta kubarenganura.None se HEC ni nde si Leta.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...