konka coffee
KONKA

AMAKURU

UKWEZI

Hasohotse Raporo igaragaza uburyo amatora yo mu Rwanda yagenze

Hasohotse Raporo igaragaza uburyo amatora yo mu Rwanda yagenze
23-09-2017 saa 09:51' | By Akayezu Jean de Dieu | Yasomwe n'abantu 9462 | Ibitekerezo 4

Kuri uyu wa Gatanu, tariki 22 Nzeri 2017, Sendika y’abakozi bakora mu miryango iharanira uburenganzira bw’ikiremwamuntu hano mu Rwanda yasohoye raporo igaragaza uburyo amatora yabaye muri Kanama yagenze aho hari bimwe mu byo iyi sendika isaba komisiyo y’amatora kuzakosora birimo kutemerera umukandida udafite ubushobozi ndetse no gushyiraho uburyo bungana mu kwiyamamaza kw’abakandida bose binyuze mu bitangazamakuru bya Leta.

U Rwanda n’abanyarwanda bavuye mu bihe by’amatora yabaye ku matariki ya 3 na 4 Kanama 2017, Imiryango iharanira uburenganzira bwa muntu yibumbiye muri STRADH (Syndicat Des Travailleurs Aux Services Des Droits Humains), yakoze nk’indorerezi muri aya matora ikaba yashyize ahagaragara bimwe mu byagaragayemo bitanogeye ijisho ndetse inashima uburyo komisiyo y’igihugu y’amatora mu Rwanda yashyizemo imbaraga kugira ngo aya matora agende neza.

Bizimana Alphonse, Umuvugizi w’iyi sendika ikorera mu Rwanda kuva mu mwaka wa 2007, yavuze ko bimwe mubyo iyi Sendika yanenze harimo kuba n’ubwo uwari umukandida w’Umuryango wa RPF Inkotanyi yarabashije kubahiriza gahunda ariko byanagaragaye ko yari afite ubushobozi buhagije ugereranije n’abandi bakandida dore ko uyu muyobozi yavuze ko hari n’umwe mu bakandida bumvise avugwaho kuba yarabanje kwaka inguzanyo, iyi sendika ikaba yasabye ko ubutaha komisiyo y’amatora yakosora iki kintu cy’ubushobozi bw’abiyamamaza cyane ko nacyo gishobora kuba imbogamizi.

Ibyo kuba bimwe mu bitangazamakuru bya Leta bitarahaye umwanya ungana abakandida biyamamaje bose, Bizimana Alphonse nabyo yabigarutse aho yagize ati “Uretse nka Radio na Televiziyo by’igihugu ariko turebye nk’ibitangazamakuru bya Leta byandika kuri murandasi n’ibisohora impapuro urugero nk’Imvaho Nshya ntabwo yigeze yubahiriza itegeko ryo guha urubuga rungana abakandida bose uko ari batatu”

Iyi sendika yagaragaje kandi ko muri rusange bakurikije aho indorerezi zigera hirya no hino mu gihugu haba mu bihe byo kwiyamamaza ndetse no ku munsi w’itora muri rusange, amatora yagenze neza ndetse abanyarwanda bakaba barayitabiriye mu buryo bw’umutuzo nta burenganzira bwa muntu buhutajwe. Abahagarariye STRADH bavuze ko amatora yo mu Rwanda yabaye mu mutuzo n’ubwisanzure budasanzwe n’ubwo hajemo twa kidobya duke


INKURU ZA :
Tanga Igitekerezo
Ibitekerezo 4
Seka Kuya 25-09-2017

Ariko koko umuntu wandika iyinkuru ariyemeza akavugako mu Rwanda habaye amatora koko?

alfa Kuya 24-09-2017

None se Joe aho abaturage batasabwe inkunga yo gushyigikira amatora ni he? Byose ni abaturage babikora.

Joe Kuya 24-09-2017

Ariko se ubundi umuntu wiyamamariza kuba President aratinyuka agasaba inkunga abaturage? Urugero rwa hafi Mpayimana agitangira yajyaga avuga ngo ari gusaba abanyarwanda inkunga yo gukoresha yiyamamaza!!! President usaba inkunga abaturage

NFUBUSA Kuya 23-09-2017

EMWENGOYAGENZENEZABARYAYABUJIJEKWITOZANABO (UBWOBA HA !!!)

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...