konka coffee
KONKA

AMAKURU

UKWEZI

Huye: Gitifu watamajwe n’abaturage imbere ya Minisitiri yatawe muri yombi

Huye: Gitifu watamajwe n’abaturage imbere ya Minisitiri yatawe muri yombi
22-07-2016 saa 09:14' | By Chief Editor | Yasomwe n'abantu 4651 | Ibitekerezo 4

Umunyamabanga Nshingwabikorwa w’umurenge wa Gishamvu mu karere ka Huye, Emmanuel Ruti Bizimana uherutse gutamazwa n’abaturage bakamuvugiriza induru imbere ya Minisitiri w’Ubutegetsi bw’igihugu n’imibereho myiza y’abaturage, Francis Kaboneka, yatawe muri yombi na Polisi y’u Rwanda.

Kuwa Gatatu tariki 20 Nyakanga 2016, nibwo Minisitiri Francis Kaboneka yari yasuye abaturage b’umurenge wa Gishamvu muri aka karere ka Huye, abaturage imbere ye bakaba baragaragaje akarengane bakorerwa na gitifu wabo, karimo ako kubariganya inka zabo bakazamburwa ku ngufu ndetse no kuba hari ibindi bibazo byabo byirengagizwa.

Bizimana Ruti Emmanuel yagerageje kwisobanura ariko imbaga y’abaturage imuvugiriza induru, nk’ikimenyetso cy’uko ntawari ushyigikiye ibyo yavugaga byagaragaye nk’ibinyoma, ndetse na Minisitiri Francis Kaboneka akaba ataranyuzwe n’ibisobanuro bye.

Nyuma y’ibi byabaye hagati muri iki cyumweru, uyu Emmanuel Ruti Bizimana yatawe muri yombi ku mugoroba wo kuri uyu wa Kane aho akurikiranweho kunyereza umutungo wa Leta muri gahunda ya Girinka nk’uko byemejwe na CIP André Hakizimana, umuvugizi wa Polisi mu Majyepfo, mu kiganiro yagiranye n’ikinyamakuru Ukwezi.com.


INKURU ZA :
Tanga Igitekerezo
Ibitekerezo 4
john Kuya 23-07-2016

ariko ruti yagorwa ye! ntimuzatinda kubona ko ari umwere pe!

Marie Merci Kuya 23-07-2016

Yewe Kaboneka ni umwe ntiyadukwira, gusa urugendo nk’uru rumuha ishusho y’ibibera ahandi atageze.Ahubwo azadufashe habeho mutation z’abagitifu abatugora tube tubaruhutse!

UWIMANA Kuya 22-07-2016

Mana we kuki ibi byose biba ahandi koko ntibigere mumurenge wa RWANIRO muri aka karere nubundi cyane cyane mu kagari ka NYARUHOMBO kuva navuka sindumva hari umyobozi wo muri govenrment nka ministre wahageze!!!!!!!!! gusa haramutse hari uhageze ubanza isi yahinta irangira. kuko ni akagai kameze nk’aho katari mu gihugu pe! wagira ngo ni agahugu kigenga aho usanga abagabo baho bagihohotera abagore babo, abana babaye mayibobo........ icyampa nka minister KABONEKA rwose akahakandagira. jye niho mvuka ariko iyo ndebye aho nagenze hose nsanga kariya kagali gakwiye kugirirwa impuhwe na nyakubahwa H. E. mubavuganire batabarwe nabo bamenye aho igihugu kigeze mu iterambere. no miyoborere myiza

Gilbert Kuya 22-07-2016

Gitifu RUTI yaratuzengereje kbs! Kugezanumbwo atwirukanishije mumazu yacu ntaho dufite twerekeza tukaba twarabaye impunzi, kuri iyi leta koko ibyo murumva aribiki koko none nabandi bayobozi dutakira ndibashaka kumva ibibazo byacukoko, ahaaaa, ubuse tujye munkiko kandi tuvugako dufite imiyoborere mwiza!!!!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...