konka coffee
KONKA

AMAKURU

UKWEZI

Ibikorwa byo Kwiyamamaza bya FPR bigeze mu karere ka Gisagara- Amafoto

Ibikorwa byo Kwiyamamaza bya FPR bigeze mu karere ka Gisagara- Amafoto
15-07-2017 saa 16:48' | By Vincent Nsengiyumva | Yasomwe n'abantu 1067 | Ibitekerezo

Ubwo umukandida w’umuryango wa FPR yari asoje ibikorwa byo kwiyamamaza mu karere ka Nyaruguru mu gitondo cyo kuri uyu wa Gatandatu, yakomereje mu murenge wa Ndora mu karere ka Gisagara, ibihumbi by’abaturage baturutse imihanda yose baje kumwakirana urugwiro ngo abagezeho imigabo n’imigambi ye.

Uyu ubaye umunsi wa 2 uyu mukandida wa FPR mu bikorwa bye byo kwiyamamaza mu Ntara y’amajyepfo aho ku munsi wa mbere yageze mu karere ka Ruhango na Nyanza aho yakiriwe n’isinzi ry’abantu bose bahurizaga ku ijambo rya ‘Tora Kagame’.

Nkuko bisanzwe abaturage bitwaje amabendera y’umuryango FPR Inkotanyi, ibyapa biriho amafoto ya Kagame ndetse n’amagambo amwamamaza . Ibi kandi bikanakurikirwa n’indirimbo zimuvuga ibigwi ziganjemo iz’abahanzi bagezweho nka Dream Boyz, King James, Riderman, Knowless, Jules Sentore ndetse n’ abaturage bo muri aka karere nabo banyuzagamo bagashyiraho akabo.

Ku isaha ya saa 16n’iminota mike nibwo umukandida wa FPR Inkotanyi, Paul Kagame yageze mu murenge wa Ndora aho ibikorwa bye byo kwiyamamaza biri kubera. Abaturahe bamwakirije amashyi n’impundu baririmba bati " Tumutore" bigaragara ko bamufitiye ubwuzu budasanzwe.

JPEG - 170.5 kb


Umuhanzi Kitoko Bibarwa ari mu basusurukije imbaga y’abaturage ba Gisagara bari baje gushyigikira Kagame

Abahanzi b’ibyamamare bafashije abaturage ba gisagara gususuruka bihagije

Umusaza Muyango nawe yari ahabaye mu njyana ye yishimiwe na benshi

Umuhanzi Riderman nawe yasusurukije abarwanashyaka ba FPR muri Gisagara

Ibihumbi n’ibihumbi by’abantu bari bategereje kwakira umukandida wabo

Beretse umukandida wabo, Kagame ko bamushyigikiye mu buryo butandukanye

Baririmbye indirimbo zitandukanye zirimo ubutumwa bwo gushyigikira umukandida wabo


Abantu b’ingeri zose baje gushyigikira Paul Kagame

N’abana bato ntibatanzwe kuza gushyigikira umukandida wa FPR

Amafoto: Karangwa Gaspard


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...