konka coffee
KONKA

AMAKURU

UKWEZI

Ibintu byahinduye isura ku mupaka w’u Rwanda n’u Burundi, abifuza kwambuka bashobewe

Ibintu byahinduye isura ku mupaka w’u Rwanda n’u Burundi, abifuza kwambuka bashobewe
5-08-2016 saa 13:31' | By Chief Editor | Yasomwe n'abantu 9138 | Ibitekerezo 3

Nyuma yo kwikoma Leta y’u Rwanda bayishinja kugira uruhare mu ihungabanywa ry’umutekano w’igihugu cyabo ndetse bakanahagarika ibicuruzwa byose byavaga iwabo biza mu Rwanda, abayobozi b’u Burundi bafashe noneho icyemezo cyo kubuza n’imodoka zitwara abagenzi kwambuka ziva mu Rwanda zibajyana i Burundi cyangwa ziva mu Rwanda zinjira i Burundi, muri rusange ibintu bikaba byahinduye isura ku mupaka w’Akanyaru wari usanzwe ari nyabagendwa.

Ishami rya Polisi y’u Burundi rishinzwe gucunga umutekano ku mipaka n’ibindi bihugu, niryo ryatangiye iki gikorwa cyo kubuza imodoka zavaga mu Rwanda kwinjira mu gihugu cyabo, n’iziva mu Burundi ntizemererwe kwambuka ziza mu Rwanda, ibintu byatangiye kuri uyu wa Kane tariki 4 Kanama 2016.

Icyakora abaturuka mu Burundi baza mu Rwanda bo bagera ku mupaka w’Akanyaru bakava mu modoka bakambuka n’amaguru, byabashobokera bagatega izisanzwe zikora imbere mu gihugu zibajyana mu bice bifuza kujyamo by’u Rwanda.

Polisi y’u Burundi ivuga ko iki cyemezo cyafashwe kugirango bashyire mu bikorwa icyo bafashe mbere cyo kubuza ibicuruzwa byiganjemo ibiribwa kuza gucuruzwa mu Rwanda, kandi ngo imodoka zimwe na zimwe zitwara abagenzi ibi zibirengaho.

Nyamara ibinyamakuru bitandukanye byo mu Burundi byo bigaragaza ko iki cyemezo cyafashwe kubera impamvu zishingiye ku mutekano, kuko abashinzwe umutekano muri iki gihugu bemeza ko abahungabanya umutekano wacyo baturuka mu Rwanda kandi bakaba bagenda muri izi modoka z’amakompanyi atwara abantu n’ibintu.


INKURU ZA :
Tanga Igitekerezo
Ibitekerezo 3
bunani joseph Kuya 6-08-2016

Nta Ngoma Nabonye Ifata Icyemezo Nkicy’ Abana Nk’ Uburundi Kweri Yewe Sipfe Ngo Ni Poltique Iriya Yo Irananiwe Sikuriya Biyamiriza Kweri Nibaze Ndaberekere, Babona Tutariye Isambaza Zabo Tutarya Inka Zacu Nibiye Ibindi Naho Biriya Nabahaye Sufuri

MUGABO EMMY Kuya 6-08-2016

Ariko konzi ko abanyarwa ntabugome tugira bibaye ngombwa ko dufata umwanzuro ukarishye ko twawufata abarundi bikabagirira ingaruka bashishoze bareke guhubuka mubyo bakora babanze bacyemure ibibazo byabo bafite

Murengezi Kuya 5-08-2016

ubuyobozi bw’i Burundi burahubuka mumyanzuro kbsa! gsa birengagiza ko ibyobyose ari umuturage wumurundi ubirenganiramo!! bibwira ko twe nkabanyarwanda hari icyo bidutwaye? habe na gito!!!!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...