konka coffee
KONKA

AMAKURU

UKWEZI

Ibiteye urujijo, impungenge kuri bamwe n’amayobera ku ifungwa rya Kaminuza ya Gitwe

Ibiteye urujijo, impungenge kuri bamwe n’amayobera ku ifungwa rya Kaminuza ya Gitwe
31-05-2017 saa 19:53' | By Chief Editor | Yasomwe n'abantu 10352 | Ibitekerezo 48

Hashize iminsi hari ikibazo cya za Kaminuza zafungiwe amashami by’agateganyo, ariko nyuma y’uko Kaminuza zakorewe irindi suzuma zitangarijwe ibyarivuyemo bikagaragara ko ibyo baregwaga byakemutse ahubwo hajemo ibindi bibazo batari barigeze babwirwa mbere, bikomeje gutera urujijo ndetse hari na bamwe bavuga ko haba harimo akagambane gashingiye ku kindi kitari ukurengera ireme ry’Uburezi.

Kuri uyu wa Kabiri tariki 30 Gicurasi 2017, nibwo Inama y’Igihugu y’Amashuri Makuru(HEC) yatumyeho abayobozi ba INES Ruhengeri na Kaminuza ya Gitwe ndetse hatumirwa n’itangazamakuru ngo bababwire ibyavuye mu igenzura rindi ryakozwe, gusa ikibazo cyahinduye isura kuko hari ibintu byinshi bishya bigenda bivuka umunsi ku wundi bari gushinja aya mashuri bitigeze bisabwa n’igenzura ryakozwe mu kwezi k’Ukwakira 2016. Hari amakuru avuga ko nka Kaminuza ya Gitwe irimo kuzira akagambane aho kuba yaba izira kutuzuza ireme ry’uburezi nk’uko bitangazwa na Minisiteri y’Uburezi.

Igenzura ryakozwe mu kwezi k’Ukwakira 2016 ryerekanye ibyo iyi Kaminuza ya Gitwe igomba kuzuza kugirango ireme ry’uburezi risigasirwe, aha herekanwaga ko za laboratwari, ibitabo biri mu isomero n’abarimu b’inzobere bigengaho biri mu bituzuye maze Kaminuza ya Gitwe isabwa kuzuza ibyo byose ngo ibone ikomorerwe ikomeze amasomo.

Nyamara ubwo Inama y’Igihugu y’Amashuri Makuru(HEC) yatangarizaga itangazamakuru ibyavuye mu isuzuma rya kabiri ryakozwe muri Gicurasi 2017, bagaragaje ko basanze Kaminuza ya Gitwe ifite laboratwari nziza ziri muza mbere mu gihugu, ifite abarimu b’inzobere ndetse mu isomero ryayo hakaba harimo ibitabo bigendanye n’igihe, bishimangira ko ibyatumye ifungwa byose yari ibyujuje.

Nyamara raporo yashyizwe ahagaragara na HEC igaragaza ibitarakozwe, ishimangira ko n’ubwo Kaminuza ya Gitwe yatunganyije ku kigero gishimishije ibyo yasabwe byose, idafite imiyoborere myiza bityo isabwa guhindura imiyoborere maze ikadohorerwa, bitakorwa kugeza muri Nzeri 2017 igafungwa burundu. Iyi ni ingingo nshya, ndetse yanateje impaka nyinshi mu kiganiro cyari kirimo abayobozi ba HEC, aba Kaminuza zavugwagaho ndetse n’abanyamakuru, hibazwa uburyo Kaminuza yujuje ibyo yasabwaga ariko ikaba yahise izanirwa ibindi bishya.

Kimwe mu bibazo byibazwa n’abarerera muri iri shuri, ni uburyo Kaminuza ifite imiyoborere mibi yabasha gukemura neza ibyo bayitegetse gushyira mu murongo kandi bikorwa n’ubufatanye bw’izo nzego. Umubyeyi ufite abana babiri bigaga muri Kaminuza ya Gitwe yatangarije ikinyamakuru Ukwezi.com ko ibi bitumvikana. Yagize ati: ”None se kuvuga ko Kaminuza ya Gitwe idafite imiyoborere myiza ku rundi ruhande bakavuga ko yakoze ibintu byiza birimo laboratwari, gushaka abarimu b’inzobere n’ibindi, ubuyobozi bwa Kaminuza bwaba bubi gute kandi bwarakoze ibyiza? ”.

Uyu mubyeyi akomeza avuga ko hari n’abandi babyeyi bibaza icyo Minisiteri y’Uburezi n’Inama y’Igihugu y’Amashuri Makuru bashaka kuri Kaminuza ya Gitwe, kuko bakeka ko mu gihe cyose iri shuri rizerekana ko ryanashyizeho ubuyobozi bashaka, hashobora kuzavuka ikindi kibazo kitigeze na rimwe cyerekanwa n’igenzura.

Kuvuga ko Kaminuza ya Gitwe ari izina ritemewe nabyo byakuruye impaka

Iyi Kaminuza ya Gitwe ubusanzwe bizwi ko yitwa University of Gitwe, nyamara ibyavuye mu isuzuma byasohotse bigaragaza ko yitwa ISPG (Institut Superieure Pedagogique de Gitwe) bisobanura ko ari Ishuri rikuru ryigisha iby’Uburezi gusa kandi hari andi mashami menshi iyi Kaminuza ifite. Dr Muvunyi Emmanuel uyobora HEC, yasobanuriye umunyamakuru wa Ukwezi.com wamubajije iby’inyito nshya yasohotse mu isuzuma riheruka, ko iri zina rya University of Gitwe barisabye ariko rikaba ritaremezwa ngo bisohoke mu myanzuro y’Inama y’Abaminisitiri, bityo ko mu mategeko rikitwa ISPG.

Ibi byateje impaka ndende, maze nyuma y’ikiganiro n’abanyamakuru, ikinyamakuru Ukwezi.com kibaza umwe mu bayobozi ba Kaminuza ya Gitwe impamvu bakomeza gutsindagira mu bantu izina ritaremerwa, maze adutangariza ko nabo batunguwe n’ibyavuzwe na Dr Muvunyi Emmanuel, kuko izina baryemerewe na Minisiteri y’Uburezi ndetse n’ikigo cy’igihugu cy’Imiyoborere RGB, no ku rubuga rwa interineti rwa HEC aho berekana urutonde rwa za Kaminuza n’amashuri makuru yose 35 akorera mu Rwanda, nta shuri ryitwa ISPG ririho ahubwo hariho University of Gitwe. Ikindi kandi, no mu yandi masuzuma yabanje bayakoraga bayita Kaminuza ya Gitwe aho kuba Ishuri Rikuru ry’Uburezi.

Iki ni icyangombwa Kaminuza ya Gitwe yahawe na RGB

Inyandiko Ikigo cy’igihugu cyandikiye Kaminuza ya Gitwe yahoze ari ISPG mu mwaka wa 2016 ndetse ikinyamakuru Ukwezi.com kikaba cyabashije kuyibonera kopi, ivuga ko nyuma yo gusuzuma ko ISPG yujuje ibisabwa ngo ijye ku rwego rwa Kaminuza, RGB yemeje ko guhera kuwa 07 Mutarama 2016, iri shuri rikuru rihindutse Kaminuza, bityo ikaba yitwa University of Gitwe(UG).

Ku rubuga rwa interineti rwa HEC bigaragara ko yitwa University of Gitwe

Ibi kandi byongera gushimangirwa n’amabaruwa atandukanye Minisiteri y’Uburezi kenshi yagiye yandikira iri shuri iryita Kaminuza ya Gitwe, izina rya ISPG rikaba ryagaragajwe mu kiganiro n’abanyamakuru rikaba ari naryo rigaragara mu byavuye mu isuzuma rishya ryakorewe iyi Kaminuza.

Hari ubwoba bw’uko Kaminuza ya Gitwe n’iyo yafungurwa, hari abafite umugambi wo kuyitwara abanyeshuri baba barayizahaje

Kuba Minisitiri w’Uburezi yaravuze ko hari andi mashuri yigisha iby’ubyuvuzi agiye gutangira mu Rwanda ashobora kwimukiraho abanyeshuri ba Kaminuza ya Gitwe, byateye impungenge abayobozi b’iyi Kaminuza bumva ko hari izindi Kaminuza zaba zarabagambaniye ngo zibatwate abanyeshuri nk’uko byemezwa n’umwe mu barimu bayo utashatse ko amazina ye atangazwa.

Ibyo babishingirwa ku byemejwe na Minisitiri w’uburezi Dr. Papias Malimba tariki ya 20 Werurwe 2017, mu kiganiro n’abanyamakuru, ubwo yavugaga ko umunyeshuri uzifuza kwiga ahandi azafashwa.

Icyo gihe yagize ati “Mwabonye ko twagiye gushyira ibuye ry’ifatizo ku ishuri ry’ubuvuzi rya Kaminuza y’Abadiventisiti ya Mudende, kandi ku bigo nka biriya bigaragaza ireme no muri porogaramu zindi basanzwe bafite, bitanga n’icyizere ko n’izaza bazayikora neza. Ariko hari n’abandi bari gusaba kandi biratanga icyizere… Ariko ntimwibagirwe ko hari na Kaminuza y’u Rwanda nayo itanga ubwo bumenyi.”

Ikinyamakuru Ukwezi.com cyashatse kumenya icyo ubuyobozi bwa Kaminuza ya Gitwe bubivugaho maze ku murongo wa telefoni tugerageza guhamagara Dr. Jéred Rugengande, Umuyobozi wa Kaminuza ya Gitwe, ariko ntitwabasha kumubona kuko uwayitabye yatubwiye ko ari ku rugendo rw’akazi muri Leta Zunze Ubumwe z’Amerika.


Tanga Igitekerezo
Ibitekerezo 48
Amina Kuya 4-06-2017

Iyi nkuru iracukumbuye ariko mwadukoreye ubushakashatsi kuri Ministet Malimba di. Numvise ko ngo ntahantu ayobora ngo bigende neza kuko ngo akiyobora SFB umunyeshuri yimanitse mugiti kubera we. Simbizi mwandebera mukambwira ashobora kuba ateza ibibazo ariko kubikemura bikaba byaramwihishe. Felicitation kandi kuri iki kinyamakuru abantu bari kugenda bamenya ukuri.

rupfu Kuya 4-06-2017

Ibi bibazo byose biterwa na minister utarize education kandi akagira abajyanama babi. Ikindi umuyobozi mushya wa HEC nawe mubyo ari kwiga bya education and development arakemangwa ko ibintu byose abyiga online akaba nta mwanya munini abibonera kandi na PhD akaba ashobora kuba atarayiramgiza kuko amakuru agaragaza ko ari muri research kuri motivation y’abarimu bo mu rwanda. Icya 3 Abdallah we yize sociology kandi ngo ashinzwe quality muri Higher education. umwanzuro: ibiri gukorwa muri education biterwa nuko abayikuriye abayobozi dufite bari out of domain. Ntiwayobora aba professors ngo ubereke inzira nta academic rank ufite izwi kdi muri field. Minister akinisha nta psychology azi bityo akoresha methods yize mu business administration kuri education. Naho ibyo guhindura amazina ya za kaminuza uzambarize muvunyi impamvu yitwa Dr. kdi atararangiza. Akwiye nawe kwamburwa title ya Doctor kuko ntaga aragraduatinga. Ubu yaciye igihugu umugongo ngo Dr. Emmanuel MUVUNYI. Nzaba mbarirwa. Ese za commission zishinzwe education muri parliament na senate ziba he? Nazo ni baringa. muzambwire ibibazo zakemuye njye ntabyo nzi. Harya HE agira umujyanama we mu bya education? Niba ahari azasezere kuko karamunaniye.

Muratangaje Kuya 4-06-2017

Iyo muvuza induru muransetsa rwose, muzabanze mumenye neza icyo malimba, muvunyi na abdallah babahora, gusa kimwe nzi nuko guhohotera urubyiruko rungana gutya rwigaga amashuri en plus kaminuza birangira nabi. Gerard humura Imana izakurwanirira. Abayobozi bakuriye bariya bari hejuru mucungire hafi badatuma abaturage baguma gutekereza nabi system. Sinumvise ko bariya basabye Gerard kumuha Rector na DAF maze umusaza akababera ibamba. Barashaka kuba abamiliyoneri nyine! Hhhhhh, mbega

Muratangaje Kuya 4-06-2017

Iyo muvuza induru muransetsa rwose, muzabanze mumenye neza icyo malimba, muvunyi na abdallah babahora, gusa kimwe nzi nuko guhohotera urubyiruko rungana gutya rwigaga amashuri en plus kaminuza birangira nabi. Gerard humura Imana izakurwanirira. Abayobozi bakuriye bariya bari hejuru mucungire hafi badatuma abaturage baguma gutekereza nabi system. Sinumvise ko bariya basabye Gerard kumuha Rector na DAF maze umusaza akababera ibamba. Barashaka kuba abamiliyoneri nyine! Hhhhhh, mbega

Kubwimana (Kayonza) Kuya 4-06-2017

Ese iyo utinyuka kuvuga ngo nyiri kirimi kirekire yatanze umurozi gupfa!! wibwira ko kutwirukatsa cyane bitari kutumara ubwoba?????
Ibaze nawe ibizakurikiraho!!
Kdi wibuke ko kuri iyi ntawe uzatura nk’umusozi.
courage!!!

Kubwimana (Kayonza) Kuya 3-06-2017

Leta yakagobye kuturengera niyo iri kuturenganya birababaje kdi ukuri kwa kaminuza ya Gitwe ntawe utakubona uretse kwirengagiza ibyo tubona kdi n’akarengane iri gukorerwa ntawe utakabona,
Inkoni ikubise mukeba uyirenza urugo.

umuhoza Kuya 3-06-2017

Nakumiro gusa turatabaza intore izirusha intambwe nkuko yadukuye mucuraburindi adufashe nubu adukemurire iKibazo muravuga abanyeshuri! Wakereka abacuruzi bahari uko bamerewe. Umuntu aririrwa yicaye mwiduka akabura nuwa gereka gusa kand ukwez kwashira RRA igatezamo kumisoro na nyirinzu nuko turatakambira umubyeyi wacu adufashe dore ko ahora adusaba kwigira

Kubwimana (Kayonza) Kuya 3-06-2017

Kaminuza ya Gitwe ibiri kuyibaho biranyereka ko iterambere n’imiyoborere myiza no kurwanya ruswa twirwa turirimba ari Baringa, Aba bantu ni abashinyaguzi kdi ni n’abagome ngo kaminuza nta bayozi beza igira???? abakoze biriya bikorwa mwashimye se ni bande????
Birababaje kubona abantu barengana ntihagire umuyobozi n’ umwe wumva akarengane kabo: Bivuze ko ari leta iri kubarenganya. Niba se kaminuza n’abanyeshuri barengana bibitseho n’ ubumenyi bungana kuriya , Rubanda rugufi urumva tutarashize peee!!!!!!

hhh Kuya 3-06-2017

mwihangane ba petit!!bizacyemuka

Anosoul Kuya 2-06-2017

Eugene we, reka itiku, UR yireke....ni Hec natwe, wibazanamo.

Nyiringango Kuya 2-06-2017

Eugenie baca umugani ngo nyirikirimi kibi yatanze umurozi gupfa. Ibyo bigambo byawe ntacyo byamarira Kaminuza yanyu au contraire.

Eugene Kuya 2-06-2017

Abayobozi ba HEC ejo bari i Gitwe bamenyesha abanyeshuri imyanzuro yavuye mu isuzuma bati :"ntabwo muzajya kwiga muri kaminuza y’u Rwanda, mubyibagirwe ni nkuko wava ku ipanu ujya ku mbabura", ibi byavuzwe n’uwitwa Abdallah wo muri HEC, bongeyeho ko Kaminuza y’u Rwanda ishami rya Medicine riri inyuma cyane n’irya University of Gitwe.

Abanyeshuri biga medicine UR, baratuzi neza, nitwe twirirwa tubasobanurira amasomo hirya no hino mubitaro, Malimba ntaragera na rimwe kuri kaminuza twigaho! Uretse kwicara i Kigali gusa agategereza report ibigarasha(byakujije igifu bimuha), yamanutse akaza kuri terrain akirebera koko?

Ubwo se twebwe nk’abanyeshuri kuki mutafunze UR mukaza kutwirukatsa imihana yose koko? Turarengana pe! Mwaraturenganije! Nuko nyine tudashobora kurega Leta ariko mwebwe na University of Gitwe mutugejeje habi kubera deal mbona murimo idafite aho ihuriye n’ireme ry’uburezi.

Isi weeeeee.

ntawarubara. Kuya 2-06-2017

Leta irashishoza mwa bagabo mwe, dore ko ntazi uko mumeze

umwana Kuya 2-06-2017

Nibitware neza bareke ibigambo gusa

Jean Kuya 2-06-2017

KWIZERA, ahoooooooo, nihohooooooo, murabizi se? Jyewe imyaka maze muri MINEDUC ni myinshi, uzi ukuntu Malimba na Mugisha bari kuzicana kbsa....mwavuga se mwe murabizi.

jerome Kuya 2-06-2017

nibi koko umwuka wabwiraga amatorero @ mudende n Ulk bagiye gufungura/ubuzima bwa gitwe nubwa Kigali se bihuriye he! abana banyu hari uyobewe kobiga USA abana ba minister of education ntiyabavanye riviera ntibagiye Scotland none natwe ngo twirirwe turindagira huuu nyagasani niwe uzadutabara/ kaz mwend benzangu

UKWIZERA Kuya 2-06-2017

Burya babivuze ukuri ko aho impyisi 2 zikocoraniye ibyatsi biharembera.

n20 Kuya 1-06-2017

ark koko narumiwe!!!!! ubwoc mwagiye muvugisha ukuri koko? mubonyeko ibyo mwabazizaga byujujwe mubagenzehongo bayobira nabi. mwagiye mureba ibibareba ibitabareba mukareba hirya. Gitwe tuza Imana izi ibyawe harubwo ukwirukaho yagufata nawe akirukantswa

SEMANA Kuya 1-06-2017

SEMANA

Aka ni akarengane kagaragarira amaso ya buri wese, gashingiye ku nda mbi ,frw,kwikunda biherekejwe n’amagambo y’uburyarya yiyongeramo kujijisha.Kuko iyo ibyo usabwa wabyujuje baragufungurira ntabwo bahimba ibindi bitari ibyagenzuwe,urugeroGood Governance ntiyigeze ikorerwa Audit,ibi ni ukwivanga cyane cyane ko havugwa ko ikigo gikora neza,ntawe uhindura ikipe itsinda,keretse abatekereza nabi.

Irumva Kuya 1-06-2017

IRUMVA

Uzabona ishyano weho unyaga kandi utanyazwe,uriganya kndi utariganijwe. Numara kunyaga uzahera ko unyagwe,kandi numara kuriganya bazahera ko bakuriganye.( Yesaya 33: 1) zaburi 50:21.

Rwabuzisoni Kuya 1-06-2017

RWABUZISONI

Ukoresha ukuri agashakira igihugu amahoro n,iterambere Imana imuhe umugisha.Ukoresha uburyarya ashyira inda ye imbere Imana imuhe umuvumo.

A Kuya 1-06-2017

Wowe wiyise Names, niba ariko ibyagaragaye bitari biri mu byatumye kaminuza ifungwa ndumva ibyatumye ifungwa byuzuye bayifungura ibindi nabyo bakababwira bakabikosora ariko badakomeje gushyira abana mu gihirahiro ngo babateshe igihe. Kandi nawe ushyize mu gaciro amezi hafi atatu ni menshi! Bari bavuze ko ikigo bazasanga cyarujuje ibyo cyasabwe kizahita gifungurirwa. Nuko rero nawe ushyize mu gaciro ubona koko ko ikigo gikwiye gufungurirwa. Ikindi tubarega twebwe abanyeshuri, bahise bavugango nitwapplyinge muri UR no mu bindi bigo none mu nama imaze guhuza HEC n’abanyeshuri ku cyicaro cya Kaminuza ya Gitwe bamaze kuvuga ko nta munyeshuri numwe wiga medicine bazakira kandi twarabahaye amafaranga yacu! Akarengane karakomeje, kuki batubwiye ngo twapplyinge dutanze namafaranga yacu kandi bazi neza ko nta myanya bafite? Njyewe narumiwe koko, akarengane turi gukorerwa ntago twiyumvishaga ko murwa Gasabo ibintu nkibi byaba! Batubujije kwiga, batuririye amafaranga badutesha igihe gusa, none n’ikigo basanze ibyo bagisabye kibyujuje ngo nimukosore nibi ngo turakomeje dufunge! Yeweeeee, ngo hagowe uzagwa mu biganza by’Uwiteka! Imana yonyine izabibabaze.

Names Kuya 1-06-2017

Ntago abantu bapfa gufunga Kaminuza Ku bwibyo mwese muvuga, NGO FPR, NGO Mudende, NGO ULK, ibitagaragaye kandi ari amakosa ntibivuze ko igihe bigaragaye Atari amakosa! Mugerageze mwuzuze ibisabwa kandi mwihangane!

Rwabuzisoni Kuya 1-06-2017

Ukoresha ukuri agashakira igihugu amahoro n,iterambere Imana imuhe umugisha.Ukoresha uburyarya ashyira inda ye imbere Imana imuhane,imuhe umuvumo

Irumva Kuya 1-06-2017

Uzabona ishyano weho unyaga kandi utanyazwe,uriganya kndi utariganijwe. Numara kunyaga uzahera ko unyagwe,kandi numara kuriganya bazahera ko bakuriganye.( Yesaya 33: 1) zaburi 50:21.

semana Kuya 1-06-2017

Aka ni akarengane kagaragarira amaso ya buri wese, gashingiye ku nda mbi ,frw,kwikunda biherekejwe n’amagambo y’uburyarya yiyongeramo kujijisha.Kuko iyo ibyo usabwa wabyujuje baragufurira ntabwo bahimba ibindi bitari ibyagenzuwe (Ibitarakorewe Audit)

kabonero Kuya 1-06-2017

Mwivuga menshi umusaza(HE) ntazemera ko Ruhango isubira inyuma mu majyambere kandi Uwiteka azamukoresha muhumure(aravuga bikaba murabizi mwese

kabonero Kuya 1-06-2017

Mwivuga menshi umusaza(HE) ntazemera ko Ruhango isubira inyuma mu majyambere kandi Uwiteka azamukoresha muhumure(aravuga bikaba murabizi mwese

RuGende Kuya 1-06-2017

Wowe Kamali, kuki uri kuvuga ko ikibazo gifite abanyarwanda bose? aha ntabwo ndi kumwe nawe, reka mukanya gato nkako guhumbya urebe uburyo Nyakubahwa yinjira byimbitse mu kibazo. akerekana byose.

Gitwe ntitibwiriza ngo irebe aba bari kuyicundacunda biraza kuba umwaku gusa mugende na feri kuko muri gukorerwa akarengane nta muntu utabireba. ariko se ruriya rubyiruko rutabigizemo uruhare ruri kurenganira iki koko? shit..

Gitwe Kuya 1-06-2017

Ahaaa harigihe umuntu akujujubya wageraho ukaba ikihebe, iyi kaminuza nayigira inama yokubaza UNILK uko yabigenje, murwanda hari system ivuga ngo "tura dusangire niwanga bineke" barwaniye igihugu murimo kuryaneza none ngo ngwiki? nimuhe na FPR iryeho kuko iki gihugu sicyanyu. nubundi umuyobozi wayo nawe numunyamanyanga , ukuntu yavuye imudende twese turakuzi.

KAMALI Kuya 1-06-2017

IBI KOKO NI IBITEYE URUJIJO! BANYARWANDA, BANYARWANDA, BANYARWANDA, BANYARWANDA, BANYARWANDA TUBWIZANYE UKURI TUREKE GUCA IBINTU KU RUHANDE, UBUYOBOZI DA! UWO MUSHAKA MUMWIGIZEYO HANYUMA MUYOBORE KAMINUZA NEZA, NONEHO UBUYOBOZI BUZIMA BUKORWE. GUSA NDABABAYE.

te Kuya 1-06-2017

ahhh akarengane mu isi kazahoraho gusa twihangane ntakitagira iherezo

k29 Kuya 1-06-2017

Byiringiro weee urumugome uzajya mumuriro utazima. Reba ibyo ukoreye Gitwe washatsecyera ko gitwe ihinduka irimbi none ubigezeho gusa Imana dusenga izabikemura Gerard muramwanga kandi ngo muziko murikumuhima arashaje ibyo yakoze yarabikoze nubwo mumurwanya nanumwe wagera aho ajyeze muzabayo

k29 Kuya 1-06-2017

Byiringiro weee urumugome uzajya mumuriro utazima. Reba ibyo ukoreye Gitwe washatsecyera ko gitwe ihinduka irimbi none ubigezeho gusa Imana dusenga izabikemura Gerard muramwanga kandi ngo muziko murikumuhima arashaje ibyo yakoze yarabikoze nubwo mumurwanya nanumwe wagera aho ajyeze muzabayo

Alpha Kuya 1-06-2017

Nta policic y’ahatari justice. ULK iri hafi gutangira mubimenye kandi izatangiza medicine,mudende nayo irahari .abafite amatwi yo kumva nimwumve ibyo umwami abwira amatorero.abashora imari mufite ibibazo.

Alpha Kuya 1-06-2017

Nta policic y’ahatari justice. ULK iri hafi gutangira mubimenye kandi izatangiza medicine,mudende nayo irahari .abafite amatwi yo kumva nimwumve ibyo umwami abwira amatorero.abashora imari mufite ibibazo.

Kirari Kuya 1-06-2017

Iki ni icyemezo cyafashwe na Leta.HEC ni leta.ntacyo yakora leta itayibitumye.Mureke kwibaza rero ngo HE arabizi ? ....Gahunda yo gufunga izi kaminuza yo irahari.Abanyeshuri nababyeyi nibo babohomberamo.N abakozi bizo kaminuza batakaza imirimo yabo...

yves Kuya 1-06-2017

Ikibazo cyabaye politiki ntago ari technique ubu se HE azadusaba kwishakamo igisubizo ba rusahuriramunduru nibabona bigiye mu buryo babyikubire. Mwitege ingaruka zizava muri iki gihirahiro cy,abana n,ababyeyi.ubuzerezi,kwangishwa Leta ,inguzanyo zishyurirwa ubusa umwana atiga , ubwenge busubira inyuma nubundi bibazo urubyiruko rushomereye turimo figure nabyo. Ababyeyi turatakambira Imana.

Gapusi Kuya 31-05-2017

Gitwe ntacyo ngushinja ntacyo wagombaga kumpa utampaye! Ariko ndagusabira kuko nziko mwijuri hari Imana Imenya ibihishwe! Turayiringiye kdi ago mategeko Madhya ntaruta ago umwami ahasuwerusi yari afire.!/mutuze kdi mukomeze musenge natwe abakunda gitwe turakomeza tuyisengere!

Gapusi Kuya 31-05-2017

Gitwe ntacyo ngushinja ntacyo wagombaga kumpa utampaye! Ariko ndagusabira kuko nziko mwijuri hari Imana Imenya ibihishwe! Turayiringiye kdi ago mategeko Madhya ntaruta ago umwami ahasuwerusi yari afire.!/mutuze kdi mukomeze musenge natwe abakunda gitwe turakomeza tuyisengere!

B Kuya 31-05-2017

Hejuru ya Mineduc na HEC hari Imana kandi Izaca urubanza rutabera.

B Kuya 31-05-2017

Hejuru ya Mineduc na HEC hari Imana kandi Izaca urubanza rutabera.

Kwizera Kuya 31-05-2017

Gitwe hasi hasi hasi, arabarangije nyine. Arakina se? Dutegereje izuka rya Gitwe.

Uwase Kuya 31-05-2017

Abadive murasetsa! Nonese ntabwo ndi kubona abanyeshuri banyu bazatwarwa na mudende? Muri guhobagira mubiki.

Iteka ryose. Kuya 31-05-2017

Ahoooooooo, burya kose ibintu nuku bihagaze! Nayoberwaga impamvu twirirwa turindagira naho ibibazo biteye gutya, Malimba ati hari ibuye twashyizeho rya kaminuza yabahirika da! Gitwe byiringiro abarutishije ibuye kabisa. Mukureyo Akaruta akandi karakamize.

Humuka Kuya 31-05-2017

BANYARWANDA BANYARWANDA KAZI NGO UCIRA INJIJI AMARENGA AMARA AMANONKO MU MURIMA.UBU SE KOKO IBIB BIRABATANGAJE ??. URIYA WIYITA DR MUVUNNYI.BURIYA YABABWIJE UKURI UBUYOBOZI BURIMO IKIBAZO.NI UKUVUGA NGO MUGOMBA KUVANGA NA F P R BYAKWANGA BIGAFUNGWA BURUNDU.BYONGEYE ISURA YA GERARD NIBERANYE NUBUYOBOZI BASHAKA.YABABWIJE UKURI.NIHO URWANDA RUGEZE.ARIKO NTA NICYO TUTABWIWE GISHYA.GIHANGA RUGANZU RYAGOMBE NYABINYI RUDAHIGWA RUSESABAGINA KRISTO MWATABAYE URU RWANDA TUBAYE NKIGIHUGU KITAGIRA ABAHANUZI KOKO? UKURI UKURI UKURI UKURI UKURI UKURI KONYINE NIKO KUZAKIZA URWANDA.INTORE MWARIYE INTONTORANO NGAHO NIMUVUGE TURATEGEREJE.NTIMUSIBIRE COMMENT.

john Kuya 31-05-2017

ko ari dange. gusa mbabajwe nabana bayigagamo barimo baharenganira

hello Kuya 31-05-2017

Ahaaaaaaaa, ibyiyi ministeri byatuyobeye sinzi icyo badushakaho pe, si ireme harimo akandi kantu, gusa Imana yo mwijuru niyo izadukemurira ibyacu bo bararushye, ubu c nkigiforomo kirazira iki cg baragishinja iki, reka dutegereze igihe Gitwe yacu izafungurirwa ntahandi twajya ibyobyo babimenye, ese ubundi aka karengane HE arakazi koko gusa Imana ibagenderere, bisuzume mumitima yabo

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA