konka coffee
KONKA

AMAKURU

UKWEZI

Iby’ingenzi byerekana ko guhatana na Kagame mu matora ari ukwigiza nkana (Amafoto)

Iby’ingenzi byerekana ko guhatana na Kagame mu matora ari ukwigiza nkana (Amafoto)
13-07-2017 saa 11:30' | By Chief Editor | Yasomwe n'abantu 12577 | Ibitekerezo 11

Mu mwaka w’1994, ubwo Perezida Paul Kagame yari amaze kugeza ingabo yari ayoboye ku ntsinzi y’urugamba rwo kubohora u Rwanda no guhagarika Jenoside, abanyarwanda benshi bamushimiraga cyane icyo gikorwa cy’ubutwari, ariko bari bataramumenya neza. Uko bagiye babona umusaruro w’ibikorwa bye, bakabona uko abitwaraho n’agaciro abaha, byagiye bituma barushaho gushimangira ko ari umuyobozi batapfa kubona uwo bamugereranya na we, kuko uretse kuba yarabagejeje kuri byinshi, yanubatse ubucuti bukomeye hagati ye n’abo ayobora. Kugeza ubu, mu gihe twitegura amatora ya Perezida wa Repubulika, n’abavuga ko bahatana na we biyemerera ko ari umuyobozi w’’ibikorwa byivugira.

Nyuma ya Jenoside yakorewe abatutsi, Perezida Kagame yabaye Minisitiri w’Ingabo ndetse aba na Visi Perezida w’u Rwanda. Kuva Minisitiri w’ingabo muri icyo gihe, yari afite urugamba rukomeye rwo kugarurira igihugu umutekano usesuye, dore ko kuva icyo gihe kugeza mu mwaka wa 2000, ibice byinshi by’igihugu byibasiwe n’intambara y’abacengezi, ariko abigeraho igihugu gisubirana umudendezo.

Kuwa Gatandatu tariki 22 Mata 2000 ku isaha ya saa 11:45 za mu gitondo ku isaha y’i Kigali, kuri sitade nkuru y’u Rwanda; sitade Amahoro i Remera, Paul Kagame wari visi Perezida w’u Rwanda icyo gihe, nibwo hatangajwe ko yagiye mu ntebe y’ubuyobozi nka Perezida wa Repubulika by’agateganyo.

JPEG - 304.9 kb

Nk’umuyobozi mushya wari uhawe inshingano zidasanzwe zo kuyobora igihugu cyari kimaze imyaka 6 kivuye muri Jenoside, Perezida Kagame yahise avuga ijambo rye rya mbere, iri rikaba ryaraje gushingirwaho mu myaka micye yakurikiyeho havugwa imvugo igira iti: "Imvugo niyo ngiro" yashakaga kugaragaza ko ibyo avuga anabishyira mu bikorwa.

Ubwo yamaraga kurahira, Kagame yahumurije Abanyarwanda bari bugarijwe n’ubukene cyane ko Jenoside yakorewe Abatutsi yari yarangije byinshi mu gihugu cyari kikirimo kwiyubaka. Kagame ati: "Ubukene mu Rwanda ntibuzaba akarande. Umutungo wa mbere dufite ni abanyarwanda bakorana umurava. Tuzubaka ibigo by’amashuri twibanda ku ikoranabuhanga, tuzashora imari mu bikorwa biduha amashanyarazi, ikoranabuhanga mu itumanaho n’iyubakwa ry’imihanda, byose tuzabikoresha mu guteza imbere imibereho myiza."

JPEG - 71.5 kb

Byinshi byarakozwe, igihugu gitera imbere, ibikorwa remezo biragwira, abanyarwanda bagera ku bumwe n’ubwiyunge, ibice byinshi by’igihugu biva mu bwigunge, i Kigali haba ahantu ho kuratwa mu mahanga yose, Perezida Paul Kagame abaturage bamuvuga ibigwi ari nako igikundiro cye cyiyongera. Amaze imyaka hafi 17 ari Umukuru w’Igihugu, ariko abanyarwanda batari bacye bo bamwisabiye ko yazakomeza kubayobora ubuziraherezo...

Icyizere abanyarwanda bagiye bamwereka kirahambaye, ni ikimenyetso ko gutora undi byagorana

Tariki 25 Kanama 2003, Paul Kagame wari umaze imyaka itatu ari Perezida w’inzibacyuho, yatowe n’abaturage kuva ubwo yemererwa kuyobora manda ye ya mbere y’imyaka 7, yarangiye muri 2010. Tariki 9 Kanama 2010, Paul Kagame yatorewe manda ya kabiri igomba kuzarangira muri uyu mwaka wa 2017, gusa nyuma y’ivugururwa ry’Itegeko Nshinga ku busabe bw’abaturage bamugaragarije ko bamukunda kandi bifuza ko yakomeza kubayobora indi myaka myinshi, ubu Paul Kagame ni umwe mu bakandida baziyamamaza mu matora yo muri Kanama 2017.

Hari n’imibare ishimangira ko umuntu wese uzahatana na Perezida Kagame ashobora kuzatsindwa. Mu matora ya referandumu yabaye mu mpera z’umwaka wa 2015, Abanyarwanda bagombaga kwemeza cyangwa bakamagana ko Itegeko Nshinga rihinduka, kugirango bagaragaze amahitamo yabo ku bijyanye no kuba Perezida Kagame yakwemererwa kongera kwiyamamaza. Abagera kuri 98% batoye "YEGO", bishimangira ko baba baniteguye kumuhundagazaho amajwi mu gihe cy’amatora y’Umukuru w’Igihugu.

Hagendewe kuri iyi mibare, abandi baziyamamaza bashobora kuzagabana amajwi angana na 1.6% by’abanyarwanda bose kuko ari bo batoye "OYA" muri referandumu, bagaragaza ko batifuza ko Itegeko Nshinga ryahinduka ngo Kagame yemererwe kongera kwiyamamaza.

Uretse ibikorwa yagejeje ku baturage bituma bamwirahira, uko yitwara ubwabyo bimuzanira igikundiro kidasanzwe.

Perezida Paul Kagame, afite ibintu byinshi yihariye bigendana n’uburyo yitwara ku baturage b’ingeri zose, ugasanga abegera kandi akagerageza guhaza ibyifuzo byabo ku kigero kitapfa gushoborwa n’umuyobozi uwo ari we wese. Kuri iyi ngingo, turagenda tugaruka ku ngero zitandukanye z’aho yagiye agaragaza imyitwarire nk’iyi yatumye ataba umuyobozi gusa, ahubwo anahinduka inshuti ikomeye y’abo ayobora.

Perezida Kagame ni inshuti y’abasheshe akanguhe

Perezida Paul Kagame, yagiye agaragaza cyane kwita ku basheshe akanguhe, bigatera benshi ubwuzu kumubona abegera akabatega amatwi akumva ibyifuzo byabo. Muri Kamena 2013, umusaza Rutayisire Gervais yatangaje ko yumva azapfana agahinda gakomeye naramuka apfuye atarabasha kubona Perezida Kagame amaso ku yandi, ndetse ko amufitiye ubutumwa bukomeye ashaka gupfa amugejejeho. Yavugaga ko yavutse ku ngoma ya Yuhi Musinga, kandi ngo yabonye abami Musinga, Rudahigwa na Kigeli Ndahindurwa amaso ku maso, ndetse yavugaga ko nta mu Perezida n’umwe atiboneye amaso ku maso uretse Perezida Kagame.

JPEG - 70.2 kb

Icyo gihe yagiraga ati: Ati “Abatwaye u Rwanda bose narababonye nsigaje kwibonera Perezida Kagame, by’umwihariko we mufitiye ubutumwa. Nifuje kenshi kumubona ngo mubwire ijambo rimwe gusa ariko sindamubona. Ubu ikibazo mfite ni uko mbona iminsi yanjye iri kugenda ishira, ariko Imana izamfasha mfite icyizere ko nzatabaruka mubonye nkamubwira... Ni ubutumwa bwe nyine ntawundi nabubwira, ninatabaruka ntakundi nzabujyana ariko nzajyana agahinda, mfite byinshi byo kumubwira ariko mfite na kimwe cy’ingenzi.”

JPEG - 76.8 kb

Uyu musaza witwa Rutayisire yifuje gupfa amaze kwibonera Perezida Kagame, bidatinze Perezida amutumira iwe n’umugore we baraganira

Inkuru y’uko umusaza Rutayisire azapfana agahinda napfa atabonye Perezida Paul Kagame, yaje kugera kuri nyir’ubwite wifuzwaga bikomeye maze abinyujije ku rubuga rwa twitter, Perezida Kagame ashimangira ko agiye gupanga uko yabonana n’uyu musaza. Ibi byaje gukorwa ku Cyumweru tariki 16 Kamena 2013, Rutayisire n’umugore we batumirwa kwa Perezida Kagame mu rugo maze bafata n’umwanya baraganira.

Nk’uko yifuje gupfana ibyishimo, yabigezeho ku itariki ya mbere y’ukwezi kwa Gicurasi 2015, ubwo uyu musaza Rutayisire yasezeraga muri ubu buzima ku myaka 92 y’amavuko, agasiga umugore n’abana batatu ndetse n’umwuzukuru umwe. Uyu mukambwe yaguye iwe mu karere ka Ruhango, azize iza bukuru zari zaraziyemo n’indwara z’ubuhumekero. Umuryango we kandi yawusize mu nzu igezweho yari yarubakiwe na Perezida Paul Kagame.

JPEG - 75 kb
JPEG - 63.5 kb
JPEG - 66 kb

Perezida Kagame n’umufasha we bajyaga i Gicumbi mu birori byo kwizihiza umunsi wo Kwibohora ku nshuro ya 21

Urundi rugero rwakoze ku mitima ya benshi, hari tariki 4 Nyakanga 2015 ubwo u Rwanda rwizihizaga imyaka 21 yo Kwibohora. Icyo gihe, amafoto yacicikanye cyane yafatiwe muri ibyo biriro, ni aya Perezida Kagame ateze amatwi umukecuru wabikiraga Inkotanyi intwaro mu gihe cy’urugamba rwo kwibohora, kandi ngo uyu mukecuru yashimiwe cyane na Perezida Kagame amwitura ineza yabagiriye.

Perezida Kagame ni inshuti y’abana n’urubyiruko

Abakiri bato, usanga bakunda cyane Perezida Paul Kagame kubera uburyo akunda kubegera, akabatega amatwi, agasabana nabo, akishimana nabo kandi akanabagira inama mu buryo bwihariye. N’ubwo ari kenshi yagiye abigaragaza cyane mu bikorwa n’ibirori bitandukanye, ntawe uzibagirwa uburyo yahaye ikaze umwana w’imyaka 11 wo muri Kenya akaza kumusura i Kigali, akamwakira kandi akamuha umwanya bakaganira.

JPEG - 395.6 kb
Perezida Paul Kagame akina agapira n’abana

Mu bikorwa kandi bitandukanye biba byateguriwe abana, Perezida Kagame ajya agaragara akina n’abana, aganira nabo kuburyo bamwisanzuraho nabo bakishimira kuba ari umubyeyi ubafata neza, ibintu bishimisha cyane ababyeyi mu buryo bufatika.

Perezida Paul Kagame, ni inshuti ikomeye y’abaturage muri rusange

Kuva yaba Perezida wa Repubulika, bamwe mu baturage ntibabasha kwiyumvisha uburyo Umukuru w’igihugu abitabo, akabakemurira ibibazo ndetse ntarengere abayobozi baba barenganya rubanda rugufi. Mu ngendo z’akazi akunda gukorera mu bice bitandukanye by’igihugu, Perezida Kagame asanganizwa ibyishimo by’abamuratira ibyo bagezeho babikesha imiyoborere ye, ariko kandi n’abafite ibibazo barenganyijwe n’abayobozi bo mu nzego z’imitegekere zitandukanye, nabo niwe baba bahanze amaso, bizeye badashidikanya ko abarenganura.

JPEG - 62.1 kb
PNG - 434.2 kb

Nta handi mu mateka y’u Rwanda, byigeze bivugwa ko umuyobozi mu rwego runaka, ashobora kuregwa n’umuturage kuri Perezida wa Repubulika, umuyobozi agatsindwa ndetse agategekwa kwishyura ibyo yariganyije rubanda rugufi cyangwa akaba yaneguzwa. Ibi bitera abanyarwanda benshi ishema, kuburyo usiragiye wese akabura umuyobozi wamurenganura, akubita agatoki ku kandi ati: "Amaherezo Perezida wacu azadusura mugezeyo ikibazo cyanjye andenganure".

N’abanyamahanga bakunda Perezida Kagame kuburyo bumva akwiye kubera icyitegererezo imiryango yabo

Umunsi umwe umunyarwanda Kim Kamasa ukorera mu gihugu cya Kenya nk’umunyamabanga wa mbere wa Ambasaderi w’u Rwanda, yagiye gufata abana be ku kigo cy’amashuri bigaho, asanga bari kumwe na Kagame Benji, umwana w’umuhungu w’imyaka itanu wiganaga nabo. Ntiyahise abitindaho, yumvaga ari umwana w’umunyarwanda witwa iryo zina, ariko yaje kumenya ko uwo mwana ari umunya Kenya, maze aratangara, asangiza abantu ifoto ye ku rubuga rwa Twitter.

Kagame Benji yahawe izina rya Perezida w’u Rwanda kubera uburyo Se amukunda akanashima imiyoborere ye

Mu gushaka kumenya byinshi kuri uyu mwana witwa ’Kagame’ n’inkomoko y’iri zina cyane ko atari izina risanzwe ku banyakenya, ikinyamakuru Ukwezi.com cyabashije kugirana ikiganiro cyihariye na Caesar Handa ari we Se w’uyu mwana, maze adusobanurira uburyo yise uyu mwana we izina ’Kagame’ abitewe n’uburyo akunda imiyoborere ya Perezida w’u Rwanda, Paul Kagame.

JPEG - 38.5 kb

Perezida Kagame, ashimwa n’abantu batandukanye kuburyo byatumye n’umunyamahanga yitirira umwana we izina rye

Caesar Handa, aganira n’ikinyamakuru Ukwezi.com, mu magambo ye y’icyongereza, tugenekereje mu Kinyarwanda yagize ati: "Nshima cyane imiyoborere ihamye ya Perezida Kagame ishingiye ku iterambere, iterambere naryo rishingiye ku mikoreshereze myiza y’umutungo w’igihugu kandi iciye mu mucyo n’ikinyabupfura, byose bigakorwa mu nyungu z’abaturage. Nkunda cyane uburyo ari intangarugero mu miyoborere, n’uburyo yakoresheje ububasha bwe mu kugarura amahoro no kugira u Rwanda igihugu kigendera ku mategeko."

Caesar Handa, umubyeyi wa Kagame Benji

Caesar Handa yatangarije ikinyamakuru Ukwezi.com ko ubusanzwe ari impuguke mu by’itumanaho, akaba yarakunze no kuza gukorera mu Rwanda n’ubwo ubusanzwe akorera iwabo mu gihugu cya Kenya. Mu mwaka wa 2010, yari mu ndorerezi z’umuryango w’ibihugu bivuga icyongereza (Commonwealth) mu matora ya Perezida wa Repubulika y’u Rwanda. Nyuma y’aya matora, yavuye mu Rwanda yarakunze cyane imiyoborere ya Perezida Kagame, ahita abyara umwana amwita Kagame Benji, ubu afite imyaka 5 y’amavuko.

REBA ANDI MAFOTO HANO AGARAGAZA URUGWIRO RWA PEREZIDA KAGAME...

JPEG - 85.4 kb
JPEG - 77.8 kb
JPEG - 80.3 kb

Urugwiro Perezida Paul Kagame yeretse abanyeshuri bo muri Kaminuza i Huye rwarabanyuze

JPEG - 66.7 kb
JPEG - 80 kb
JPEG - 82.3 kb
JPEG - 89 kb
JPEG - 59.2 kb
JPEG - 81.9 kb

INKURU ZA :
Tanga Igitekerezo
Ibitekerezo 11
ndundurwanda Kuya 14-07-2017

Iyi nkuru iraryoshye pe!1
Kagame Imana imuhe umugisha!

Ukuri Kuya 13-07-2017

Nanjye ndi mu kindi gihugu cya Africa gikoresha igifaransa cyane. Iyo bamenye ko turi abanyarwanda bahita bavuga bati eh mubareke abo ni aba Kagame, bakongeraho ngo "Un homme compétant". Urumva rero ko abanyamahanga badakwiye kumenya ko President wacu ari compétant kuturusha. Ahubwo italiki itinze kugera.

Mugisha Kuya 7-05-2017

uyumunyamakuru nawe numuhanga kuriyinkuru kabisa imapande zose wazigezeho umusaza Arashoboye

lg Kuya 1-03-2017

MUBAREKE, AMAJWI, AZONGERA KWIREKA, AMAHANGA KO REFERENDUM ARI TWE TWAYISABIYE BAREKE UMUNWA!! NAHO ABANDI NIBIYANDIKISHE BIYAMAMAZE ,BAGERAGEZE ,MUBUZIMA GUTA IGIHE BIBAHO!!

Betinovy Kuya 1-03-2017

Ubu interuro nkunze gusubiza umbajije uko merewe ni "NDASHIMA YHWH na KAGAME "

Impamvu ntayindi nuko nshima imiyoborere ye kdi mfatanyije nawe n’abandi banyarwanda mu iterambere rirambye . KAGAME PAUL OYEEE!!!

Kamina Kuya 28-02-2017

Ubundi se ni iyihe mpamvu watanga yo kudatora uyu musaza? Jyewe nkorera mu gihugu kimwe cy’Afrika y’uburengerazuba ariko nterwa ishema no kwumva abaturage baho bavuga ngo "Rwanda the unique Europe in Africa". Nubwo hari byinshi bigikenewe gukorwa ariko ntitwakwirengagiza aho twavuye n’aho tugeze.Uretse n’ibikorwa remezo buri wese abona nta kindi gihugu nzi cyashoboye kwunga abenegihugu nyuma y’amarorerwa nka genocide yagwiririye u Rwanda.Umwe mu banyamahanga twaganiriye yarambwiye ati : Biragoye kumenya niba mu Rwanda harabaye akaga nk’ako twabonaga uri za TV iyo ukigera ku kibuga cy’indege cya Kigali.Kagame turacyagukeneye komereza aho kandi tukuri inyuma.

Bihibindi Kuya 28-02-2017

Muraho basomyi?

Nkunze iyi nkuru cyane!!!! Jye hari umu Congo man dukorana buri gitondo uko duhuye ahora ambwira ati mwazadutije Kagame nibura umwaka umwe! Kandi koko ukabona ababaye cyane! Congs our President and Parent of the Nation!

Baboujie Kuya 28-02-2017

Ariko se koko nkubu aba bandi baziko umusaza yakubaka inzu bakaba aribo bayitaha!cyakora nyine ubukwe bwose bugira abageni nabaherekeza umusaza wacu ni umugeni bazaze bamuherekeze tumutore batahe ntakundi!itariki itinze kugera!kagame oyeeeeee

alexis Kuya 28-02-2017

Niwe wenyine dushaka

alexis Kuya 28-02-2017

Niwe wenyine dushaka

zuzu francoise Kuya 28-02-2017

ntawundi dushaka n ’umusaza kagame Poul abandise bazakora iki atakoze yiba byashobokaga ngo agume kwisi forever akaba immortality tugahora tuvuga kagame wacu

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...