konka coffee
KONKA

AMAKURU

UKWEZI

Iby’ingenzi wamemya kuri Dr Frank Habineza urimo kwiyamamariza kuba Perezida w’’u Rwanda

Iby’ingenzi wamemya kuri Dr Frank Habineza urimo kwiyamamariza kuba Perezida w’’u Rwanda
28-07-2017 saa 09:20' | By Akayezu Jean de Dieu | Yasomwe n'abantu 10418 | Ibitekerezo 5

Dr Frank Habineza, ni umwe mu bakandida batatu barimo guhatana mu matora ya Perezida wa Repubulika y’u Rwanda ateganijwe mu kwezi gutaha kwa Kanama uyu mwaka. Uyu mugabo uri mu bikorwa byo kwiyamamaza aho agenda abwira abanyarwanda hirya no hino mu gihugu imwe mu migabo n’imigambi ikubiyemo ibyo azabagezaho naramuka atowe ari naho ahera abagaragariza uwo ariwe ndetse na bimwe mu bigwi ashingiraho yemeza ubushobozi afite n’ubunararibonye bumwemerera kuyobora u Rwanda n’Abanyarwanda.

Frank Habineza ushaka kuyobora u Rwanda mu myaka irindwi iri imbere yavukiye ahitwa i Mityana mu gihugu cya Uganda, avuka mu mwaka w’1977 kuri ubu akaba afite imyaka 40 y’amavuko. Kimwe n’abandi banyarwanda bari baravukijwe uburenganzira bwo kuba mu gihugu cyabo, Frank Habineza yatashye mu Rwanda n’umuryango we mu mwaka w’1994 ubwo Ingabo zahoze ari iza RPA zabohoraga igihugu. Habineza kandi yize muri kaminuza nkuru y’u Rwanda i Butare ibijyanye na Politiki n’Imiyoborere mu myaka y’1999 kugeza muri 2004 ari nabwo yashinze ishyirahamwe rishinzwe kurengera ibidukikije akiri muri kaminuza. Uyu Habineza yabaye umunyamakuru akiri umunyeshuli muri kaminuza aho yakoreraga icyitwaga Rwanda Herald Newspaper muri 2002 ndetse akaba yaranakoreye Ikinyamakuru Umuseso.

Kuri ubu Frank Habineza ni umugabo wubatse ufite umugore witwa Kabarira Edith bafitanye abana babiri b’abahungu n’umukobwa umwe. Ni umwe mu bashinze ishyaka riharanira Demukarasi no kurengera ibidukikije mu Rwanda kuri ubu akaba ari nawe muyobozi mukuru waryo ndetse akaba n’umukandida urihagarariye mu matora ya Perezida azaba tariki ya 3 n’iya 4 Nyakanga 2017.
Frank Habineza n’Umuryango babaga mu gihugu cya Sweden ndetse banafite ubwenegihugu bw’iki gihugu. Kugeza ubu yemeye guhara ubu bwenegihugu aza kwiyamamariza kuyobora u Rwanda

Frank Habineza akirangiza kwiga muri Kaminuza yabaye Umunyamabanga wihariye muri Minisiteri yo kurengera ibidukikije, amashyamba na mine hano mu Rwanda, icyo gihe iyi Minisiteri ikaba yarayoborwaga na Mugorewera Dorocella. Habineza yaje kuva muri iyi mirimo ajya kuyobora ikibaya cy’uruzi rwa Nil mu karere ka Afurika y’Uburasirazuba mu myaka ya 2006 kugeza 2009. Tariki ya 14 Kanama umwaka wa 2009 nibwo afatanyije na bamwe mubo bari bahuje ibitekerezo bashinze ishyaka riharanira Demukarasi no kurengera Ibidukikije mu Rwanda (Democratic Green Party of Rwanda) ryaje no kugera aho rikemererwa gukorera mu Rwanda, uyu kandi akaba ari nawe uhagarariye amashyaka yose ya Green Party muri Afurika. Frank Habineza kandi yigeze no kuyobora icyitwa Global Greens Federation (Ihuriro rishinzwe kurengera ibidukikije ku isi)

Muri Werurwe 2010, Habineza yabaye umutumirwa w’icyubahiro muri Kaminuza nyafurika yita ku bidukikije y’i Rabat muri Marroc. Iyi nama yari mu rwego rwo kugirango amashyaka aharanira kubungabunga ibidukikije yo muri Afurika ahurize hamwe imbaraga. Ukwezi kwakurikiyeho yahise atorerwa kuba Perezida wa komite nshingwabikorwa mu ishyirahamwe ry’amashyaka aharanira ibidukikije muri Afurika.

Habineza afite impamyabumenyi y’ikirenga mu bijyanye na Demukarasi mpuzamahanga yaherewe muri Leta zunze ubumwe za America. Dr Frank Habineza uhagarariye Ishyaka riharanira Demukarasi no kurengera Ibidukikije mu Rwanda kuri ubu akaba ari umwe mu bakandida batatu bari guhatanira kuba umukuru w’igihugu cy’u Rwanda, akaba ashyize imbere Politiki igamije guha uburenganzira abaturage mu gukoresha ubutaka bwabo ku bijyanye n’ibyo bahingamo, ikindi kandi uyu mukandida avuga ko mu migabo n’imigambi y’ishyaka ayobora harimo gukuraho imisoro ku butaka, kongerera abaturage ubushobozi mu kugira uruhare mu bibakorerwa n’indi mirongo migari y’ibyo azabagezaho naramuka agiriwe icyizere cyo kuyobora u Rwanda. Dr Frank Habineza n’umugore we Kabarira Edith mu bikorwa byo kwiyamamaza


INKURU ZA :
Tanga Igitekerezo
Ibitekerezo 5
sssssssss Kuya 3-08-2017

Одни Ñ Ñ€Ð°Ð½Ñ‹Ðµ евреи. Крипты. All crypto-Jewish smelly shit.

Kwizera Kuya 2-08-2017

Courage gusa nawe urabizi icyo uharanira

ELISE Kuya 28-07-2017

Ndumva ashoboye kuko afite n’ubumenyi mu miyoborere nk’uko mubitubwiye .nakomeze ahatane

olivier Kuya 28-07-2017

ndamusetse cyaneeee yabuze ibindi yiyamamariza koko ninko kurota urimundege gusa yihangane

Bizengarame Kuya 28-07-2017

Ariko gari ya moshi ntago ikije mu Rwanda ko itavugwa ra?

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...