konka coffee
KONKA

AMAKURU

UKWEZI

Iby’ingenzi wamenya biteye agahinda ku by’iraswa ry’imbwa Perezida Kagame yagarutseho

Iby’ingenzi wamenya biteye agahinda ku by’iraswa ry’imbwa Perezida Kagame yagarutseho
26-06-2017 saa 00:13' | By Chief Editor | Yasomwe n'abantu 35006 | Ibitekerezo 2

Ubwo yari mu kiganiro kuri Radio na Televiziyo by’igihugu kuri iki Cyumweru tariki 25 Kamena 2017, Perezida wa Repubulika y’u Rwanda, Paul Kagame, yagarutse ku bintu bibabaje byabaye mu gihe cya Jenoside, by’umwihariko avuga ku bya filime yiswe "Shooting Dogs" yagaragazaga uburyo ingabo z’umuryango w’Abibumbye zitigeze zikoresha imbunda zari zifite mu gutabara abicwaga, ahubwo zigakoresha izo mbunda mu kurasa imbwa.

Perezida Paul Kagame, yerekanye uburyo nyuma ya Jenoside, ibintu byari biteye ubwoba kandi ko FPR Inkotanyi yabohoye u Rwanda, yasanze ibintu bimeze nabi, igatangira urugamba rushya rwo gusubiza ibintu mu buryo. Aha ninaho yahereye avuga ku bya filime y’iby’iraswa ry’imbwa ryabaye mu Rwanda.

Perezida Kagame ati: "Reba mu 1994, nyuma ya Jenoside. Dusa n’aho twahereye ku busa, ni ibintu byari biteye ubwoba. Uretse kuba twari twatakaje abantu, twari twaranatakaje buri kintu cyose. Ndibuka, wenda bamwe muri mwe hano murabizi, hari filime yakozwe n’abantu bamwe ntibuka neza amazina, iyo filime baje kuyihindurira izina ariko mbere yitwaga ‘Shooting Dogs’ (Kurasa imbwa)... Hari uwayibonye muri mwe? Ibyo kurasa imbwa icyo byavugaga, byashakaga kwerekana ibintu bibi byari hano mu Rwanda, ahari imbwa zaryaga imibiri y’abantu ku mihanda, hanyuma abo bagombaga kurasa imbwa, wenda banabikoze ku rugero runaka, nibo bari bafite izo mbunda bagombaga kuba barakoresheje ahubwo mu kurinda abaturage mu gihe cya Jenoside, mushobora kuba mwumva abo ndimo kuvuga, UN…"

Umukuru w’igihugu yakomeje agaragaza uburyo n’izina ry’iyo filime, abo yagaragazaga amakosa yabo baje gukoresha imbaraga n’ububasha bafite, bayihindurira izina kuko bumvaga irindi ribateye ikimwaro. Yagize ati: N’ubundi ariko baje gukoresha imbaraga zabo, bahindura izina ry’iyo filime, kuko baje kubona ko bayihaye izina ribi. Uribaza ufite imbunda mu gihugu, wagakwiye kuba urinda abantu, ariko icyo ubashije kuzikoresha ni ukurasa imbwa zirya imibiri ya ba bantu ku mihanda? Ni uko byari bimeze!"

Nyuma y’uko Perezida Paul Kagame avuze iby’iyi filime, ikinyamakuru Ukwezi.com cyagerageje gushakisha byinshi kuri iyi filime, ari nabyo tugarukaho, twerekana ibyayo, ibyo yavugaga mu by’ukuri, abayikoze n’uko yaje guhindurirwa izina nyuma y’uko ibyo kuyita "Shooting Dogs" hari abo byari byarakorogoshoye.

Iyi filime "Shooting Dogs" ishingiye ku kuri kw’ibyabaye muri Jenoside, igaragaza inzira y’umusaraba ku mupadiri w’umuzungu witwaga Christopher hamwe n’umwarimu w’icyongereza mugenzi we witwaga Joe Connor, bombi babaga mu kigo cyahoze kitwa ETO Kicukiro. Aha muri iki kigo, bacumbikiyemo abantu barenga 2500, bahigwaga mu gihe cya Jenoside yakorewe abatutsi. Iki kigo icyo gihe cyari gicunzwe n’ababiligi bari mu ngabo z’Umuryango w’Abibumbye, nyamara baje kureka abatutsi barimo bicwa n’interahamwe.

JPEG - 19.3 kb

Muri iyi filime, umupadiri aba agaragaza uko we na mugenzi we w’umwarimu bagerageje gukiza abicwaga muri Jenoside bikabananira

Muri iyi filime, padiri Christopher aba akinwa na John Hurt naho umwarimu Joe Connor we agakinwa na Hugh Dancy, bagaragaza neza ishusho y’uko byari byifashe icyo gihe. Bagaragaza ko muri ETO hahungiye umubare munini w’abatutsi, abari abarimu barimo n’umuyobozi witwaga Francois, aho gutabara abamuhungiyeho nawe akinjira mu bicanyi. Berekana ko Umuryango w’Abibumbye warebeyereye abicwaga gusa ntugire icyo ukora ngo uhagarike Jenoside, hanyuma imibiri y’abatutsi bari barishwe yari yandagaye ku mihanda hirya no hino iribwa n’imbwa, izo ngabo z’Umuryango w’Abibumbye zikaba icyo zabashije gukora ari uko kurasa izo mbwa.

JPEG - 201.1 kb

Abasirikare b’Umuryango w’Abibumbye, aha baba bagaragazwa ko batigeze bita ku byo gukiza abicwaga

Iyo filime igaragaza uburyo abahungiye muri ETO babuze ibiryo, amazi, ubuvuzi n’aho bakinga umusaya, ariko ibi byose Imiryango mpuzamahanga ikaba ntacyo yigeraga ibikoraho ahubwo yarareberaga gusa, n’ingabo zari mu gihugu z’Umuryango w’Abibumbye, imbunda n’amasasu bari bafite bakaba batarabikoresheje mu kurokora abantu ahubwo bakazikoresha barasa imbwa bazibuza kurya imibiri y’abari bishwe izo ngabo zirebera.

Kuba iyi filime yarakozwe n’abanyaburayi kandi ikaba yaragaragazaga imbaraga nke no kurebera byaranze Umuryango w’Abibumbye, biri mu byatumye iyi filime itarashimishije abanengwamo, ndetse ibinyamakuru byinshi byagiye byandika ko ari byo byatumye ihindurirwa izina, ubu ikaba yitwa "Beyond the Gates", ndetse no muri Leta Zunze Ubumwe za Amerika niko yerekanywe muri 2005 yitwa.

JPEG - 825.7 kb
JPEG - 422 kb

Filime ubundi yitwa Shooting Dogs

JPEG - 143.7 kb

Aha bigaragara ko nyuma bayihinduye bakayita Beyond The Gates


INKURU ZA :
Tanga Igitekerezo
Ibitekerezo 2
Rwema willy Kuya 27-06-2017

ariko murasetsa haruwakwatse se izo mbabazi mubareke Imana izabakubira 7ibyo bakoze?¥¢€×√ thanks

remi Kuya 26-06-2017

Nge ndabona dukwiye kwicarahamwe tukababarirana gusa naho ibyo imiryango itaratabaye tukabireka kuko nibukanko mugihe gishize nigeze gusoma inkuru umusaza war I uhagarariye iyomiryango avugako yagerageje nokubandikira abasaba ubufasha NGO bakamubwirako nta mpamvu yogutabara NGO kuko urwanda ntacyo barukuramo ( ngoko ntabukungu kamere rufite)

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...