konka coffee
KONKA

AMAKURU

UKWEZI

AMAFOTO: Iby’ingenzi wamenya ku nyubako y’igitangaza y’icyicaro gishya cya FPR Inkotanyi

AMAFOTO: Iby’ingenzi wamenya ku nyubako y’igitangaza y’icyicaro gishya cya FPR Inkotanyi
19-06-2017 saa 11:31' | By Chief Editor | Yasomwe n'abantu 35406 | Ibitekerezo 21

Kuwa Gatandatu tariki 17 Kamena 2017, nibwo Perezida Paul Kagame akaba n’umuyobozi mukuru w’Umuryango FPR Inkotanyi, yatashye ku mugaragaro icyicaro gikuru cy’uyu muryango giherereye i Rusororo mu karere ka Gasabo. Ni inyubako y’igitangaza ijyanye n’igihe, kandi ifite byinshi isobanuye mu mateka no mu kwiyubaka k’u Rwanda na FPR Inkotanyi by’umwihariko.

Tariki 18 Ukuboza 2012, ubwo haburaga iminsi ibiri gusa ngo habe ibirori by’isabukuru y’imyaka 25 FPR Inkotanyi yari imaze ishinzwe, nibwo Perezida Paul Kagame yashyize ibuye ry’ifatizo ku nyubako y’icyiciro gikuru cya FPR Inkotanyi giherereye mu kagari ka Nyagahinga, mu murenge wa Rusororo mu karere ka Gasabo mu mujyi wa Kigali.

Igishushanyo mbonera cy’iyi nyubako

Mu muhango wo gushyira ibuye ry’ifatizo ahubatswe iyi ngoro y’icyicaro cya FPR Inkotanyi

Ni inyubako nini iri ku buso bwa hegitari zirenga 11, ikaba igizwe n’ibice bitandukanye birimo icyumba cy’inama kibasha kwakira abantu barenga 1500, ikagira amacumbi, resitora, ishuri ry’ibya Politiki (Political School) ribasha kwakira abanyeshuri basaga 2000, ibiro by’abayobozi n’abakozi batandukanye n’ibindi bikorwa binyuranye.

Perezida Paul Kagame ataha ku mugaragaro iyi nyubako

Iyi ngoro y’icyicaro cya FPR Inkotanyi ifite ahagenewe guhagarara ibinyabiziga (Parking) hajya nibura imodoka 750. Inafite ibice bitandukanye biyongerera ubwiza birimo ubisitani bugari, ubwogero (Piscines) n’ibindi.

N’ubwo kugeza ubu hataratangazwa amafaranga icyicaro gikuru cya FRP Inkotanyi cyatwaye, ubwo cyatangiraga kubakwa, byari biteganyijwe ko kizuzura gitwaye akayabo k’amafaranga y’u Rwanda ari hagati ya miliyari esheshatu n’igice na miliyari cumi n’imwe (Hagati ya 6.500.000.000 Frw na 11.000.000.000 Frw).

Ishusho y’intambwe FPR Inkotanyi yateye yanagaragarira muri iyi nyubako

Urebye iyi nyubako nshya ya FPR Inkotanyi, ukagereranya n’inyubako iri shyaka n’abarwanashyaka baryo bakoreshaga nk’icyicaro mu gihe cy’urugamba rwo kubohora igihugu, byakwereka neza ishusho y’intambwe idasanzwe yatewe mu myaka iri shyaka rimaze.

Tariki 17 Ukuboza 2012, Perezida Paul Kagame yashyize ibuye ry’ifatizo ahubatswe inzu ndangamurage y’amateka y’urugamba rwo kubohora u Rwanda, iherereye ku Mulindi. Aha ku Mulindi ni agace Ingabo za FPR Inkotanyi zafashe bwa mbere mu rugamba rwo kubohora igihugu mu 1992, aha ninaho hafatwa nk’ahabaye icyicaro cya mbere cya FPR Inkotanyi.

Aha ku Mulindi, hari indake Paul Kagame wari uyoboye ingabo yabagamo ndetse n’inzu yabagamo mu gihe yabaga atari mu ndake. Hari kandi inyubako yitiriwe nyakwigendera Inyumba Aloysia wari umubitsi bwa FPR Inkotanyi icyo gihe, iyo akaba yarayibanagamo n’abandi bagore b’abanyepolitiki bari muri FPR Inkotanyi icyo gihe.

JPEG - 337.2 kb

Iyi niyo nzu Paul Kagame yabagamo mu gihe yabaga atari mu ndake

JPEG - 633.6 kb

Aha niho Inyumba Aloysia yabaga we n’abandi bagore b’abanyepolitiki muri FPR Inkotanyi

Aha ni ku ndake Paul Kagame wari uyoboye urugamba rwo kubohora u Rwanda, yabagamo

Muri macye, aha niho hari icyicaro n’ibirindiro bya FPR Inkotanyi mu gihe cy’urugamba rwo kubohora igihugu mu myaka y’1992, ariko nyuma yo gutsinda urugamba icyicaro cya FPR Inkotanyi cyahise gishyirwa ku Kimihurura mu mujyi wa Kigali. Urebye inyubako FPR Inkotanyi igiye kuzajya ikoreramo nk’icyicaro gikuru, bisobanura neza intambwe idasanzwe yatewe.

Ingoro ya FPR Inkotanyi ntabwo igenewe abanyamuryango bayo gusa

Ubwo Perezida Kagame yashyiraga ibuye ry’ifatizo kuri iyi nyubako, yatangaje ko itagenewe gusa abanyamuryango ba FPR Inkotanyi, ahubwo ko ari iy’Abanyarwanda bose. Icyo gihe yagize ati: "Inyubako zizashyirwa hano zizaba icyicaro gikuru cya FPR-Inkotanyi ariko uko bizakorwa, uko bizashyirwaho ntabwo ari ibyo gukoreshwa na FPR-Inkotanyi gusa. Abanyarwanda bose bashaka kugira ibikorwa bakorera hano mu nyubako zizaba zihari bazakirwa... Abanyarwanda bose bahawe ikaze mu gukoresha serivisi zizatangirwa aha ariko bazishyura amafaranga macye, kandi zizaba ari serivisi zigezweho, zujuje ibyangombwa birimo ikoranabuhanga rigezweho n’ibindi... Serivisi zizatangirwa ahangaha ntabwo zizaba zihenze n’ubwo zizaba ari izo ku rwego rwiza..."

Mu myaka yose FPR Inkotanyi imaze, kuki iyi ngoro itari yarubatswe mbere?

Ubwo hatangizwaga imirimo yo kubaka iyi ngoro y’icyicaro cya FPR Inkotanyi, Perezida Paul Kagame yavuze ko kuba byaratangiye gukorwa nyuma y’imyaka 25 Umuryango ushinzwe, ari uko hari ibindi byari ngombwa cyane byagombaga kubanza gukorwa, bityo ikaba yarubatswe mu gihe nyacyo cyari gikwiriye.

Icyo gihe Perezida Kagame yavuze ko urebye ibyo FPR Inkotanyi imaze kugeraho ukareba n’ibyo yanyuzemo bitoroshye, wagirango imaze imyaka irenga 70. Gusa yavuze ko uko igenda imara igihe kirekire, bitavuze ko igenda icika intege ahubwo igenda irushaho gukomera no kuba umuryango mwiza kurushaho, kuburyo mu myaka izaza izarushaho kuba ubukombe.

JPEG - 71.9 kb

Imbere, hari ibyicaro byo hasi n’ibyo hejuru

JPEG - 176.9 kb

PHOTOS: Village Urugwiro, Kigali Today, Imvaho


INKURU ZA :
Tanga Igitekerezo
Ibitekerezo 21
irankunda protais Kuya 18-07-2017

Nyabune murwane kuba chaumeur mudufashe nyakubahwa FPR tuzayigwaho FPR oy eeeeee eeeeee se!!!!!

irankunda protais Kuya 18-07-2017

Nyabune murwane kuba chaumeur mudufashe nyakubahwa FPR tuzayigwaho FPR oy eeeeee eeeeee se!!!!!

juliette uwamahoro Kuya 27-06-2017

Imana ishimwe pe. twishimiye iri ya nyubako y’umuryango wacu RPF-INKOTANYI. Kandi ibyiza biri imbere.

**** Kuya 22-06-2017

bajye batwibuka natwe abashomeri

Nkoronko Kuya 21-06-2017

Abanyarwanda bakunda ibyiza twishimiye iriya nyubako ya Cyama ariko jyewe ku giti cyanjye nejejwe no kureba inzu umusaza yatuyemo aho yapangiranga imipango yo kudukura ikuzimu!!! Muzehe wacu n’uko bitemewe gutora kenshi jyewe nazamutora inshuro Miriyari!!

gqg Kuya 21-06-2017

TUZARWUBAKA, TUZARWUBAKA TURUGIRE NKA PARADIZO KU ISI YOSE WE TUZARWUBAKA. Ntimugire impungenge na CHUK izubakwa. KOMEZA IMIHIGO RWANDA.

vcb Kuya 21-06-2017

Ibikorwa biravuga kurusha amagambo."vuga numve irutwa na kora ndebe",kuko amagambo nta bikorwa babyita:"urugambo gusa".

MUGABO Kuya 20-06-2017

CHUK ntizavaho ahubwo ishobora kuvugururwa kuko i VATICAN burya bagira ubudahangarwa.

kadida Kuya 20-06-2017

uyunumugabo kuko adukuyeho igisuzuguriro noneho birenze imana imurinde ighe cyose

Kanuma Kuya 20-06-2017

Wowe uvuga ngo CHUK ntuzi ko igiye kuvaho hagasigara Military Hospital na Masaka Hospital, uzi hari abumiye ku ruhu!!! CHUK ntacyo ivuze kuko ntacyo yonjiza uretse gutwara amafaranga ya Leta, none se ko ivura ku ngengo y’imari, King Faisal, Dr Nyirinkwaya, Dr Kanimba n’abandi ko bakora hari ingengo y’imari bagenerwa, none se yo habura iki? ivurira ubuntu?
FPR komeza wongere ibikorwa remezo igihugu cyacu gihige ibindi, ibyo kwihaza mu biribwa tuzabigeraho ariko tuba heza.

byobo Kuya 20-06-2017

Ibikorwa remezo bivugururwe nabyo nka chuk nibindi nkibyo

DUSENGE gratien Kuya 20-06-2017

RPF irasobanutse

Paul KAGAME komeza ubahige Bose bakwigireho!!!!

ff11 Kuya 19-06-2017

F P R oyeeee
Kagame oyeeee arasobanutse knd arashobo ntituzamuterera muguteza urwanda rwacu imbereee ahoooo

manzi Kuya 19-06-2017

kbs uyu niwe mugabo, kagame oyeeeeeee

murenzi Kuya 19-06-2017

Iyo mugumana convention center murangiza $
Kandi nka CHK iracyakorera mu mazu yubatswe muri za 1950

gatsinzi jean claude Kuya 19-06-2017

President Kagame mufata nkumumarayika imana yahaye abanyarwanda kuko sinzi yuko abanyarwanda tuzakira undi mu president nkakagame

gatsinzi jean claude Kuya 19-06-2017

President Kagame mufata nkumumarayika imana yahaye abanyarwanda kuko sinzi yuko abanyarwanda tuzakira undi mu president nkakagame

gatsinzi jean claude Kuya 19-06-2017

President Kagame mufata nkumumarayika imana yahaye abanyarwanda kuko sinzi yuko abanyarwanda tuzakira undi mu president nkakagame

giti Kuya 19-06-2017

Aroko murirata !!!

jean Kuya 19-06-2017

ibikorwa birivugira mwa bantu !

Darius Kuya 19-06-2017

FPR oyeeee
Intambwe n’ibikorwa nibyo bigaragaza umugabo nyawe.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...