konka coffee
KONKA

AMAKURU

UKWEZI

Ibya Kaminuza zafungiwe amashami byahinduye isura, abaziyobora bararira ayo kwarika

Ibya Kaminuza zafungiwe amashami byahinduye isura, abaziyobora bararira ayo kwarika
29-04-2017 saa 21:56' | By Chief Editor | Yasomwe n'abantu 21593 | Ibitekerezo 9

Nyuma y’igihe zimwe muri Kaminuza n’amashuri makuru bifungiwe amashami n’amasomo amwe n’amwe babwirwa ko ari iby’agateganyo ndetse bagasabwa gutangira kunoza ibitagenda neza kugirango ibyabo bisuzumwe amasomo akomeze nk’ibisanzwe, ubu ibintu byahinduye isura ndetse abayobozi b’izi Kaminuza bararira ayo kwarika nyuma yo kubona icyemezo cyafashwe n’Inama y’Igihugu y’Amashuri makuru, cyo kohereza abo banyeshuri babo mu zindi Kaminuza, ibintu bo bumva ari ukubasenyera Kaminuza.

Inama y’Igihugu y’Amashuri Makuru, HEC, nka kimwe mu bigo bya Minisiteri y’Uburezi gishinzwe by’umwihariko gukurikirana za Kaminuza n’amashuri makuru bikorera mu Rwanda, mu kwezi gushize kwa Werurwe yanzuye ko amashuri makuru na kaminuza 10 bihagarikirwa amashami cyangwa amasomo by’agateganyo, hashingiwe ku igenzura ryakozwe hagaragazwa ko hari ibyo batujuje.

Abayobozi ba za Kaminuza n’amashuri makuru byafungiwe amashami ndetse hamwe abanyeshuri bagahita basabwa kwitahira, bagiye bagaragaza ko batishimiye ibi byemezo ndetse ko harimo akarengane, ariko bahise basabwa guhita bakosora ibyo beretswe bitagenda bakongera kubakorera isuzuma bityo ngo nibasanga byarakemutse bahite babakomorera amasomo akomeze nk’ibisanzwe, ariko ngo batunguwe no kubona bamburwa abanyeshuri babo, ibintu bavuga ko byarushijeho kubatera igihombo no kubasenyera Kaminuza.

Itangazo ryashyizwe ahagaragara na HEC rigashyirwaho umukono na Dr Muvunyi uyobora Inama y’Igihugu y’Amashuri makuru, bigaragara ko ryasohotse tariki 27 Mata 2017, rigaragaza ko abanyeshuri bamwe bo muri Kaminuza zafunzwe bamaze koherezwa mu zindi kaminuza n’amashuri makuru yigisha nk’ibyo bigaga, ndetse abanyeshuri bagasabwa kujya kwireba ku rutonde ruboneka ku rubuga rwa internet rwa HEC.

JPEG - 104.3 kb

Dr Muvunyi uyobora Inama y’Igihugu y’Amashuri Makuru

Abayobozi babiri ba Kaminuza zafunzwe baganiriye n’ikinyamakuru Ukwezi.com ariko bakavuga ko batinye gutangaza amazina yabo, bavuga ko ibyakozwe ari ugusenya Kaminuza nyamara zari zafungiwe amasomo by’agateganyo ndetse zikizezwa ko zizakomorerwa nyuma yo kunoza ibyo bari basabwe no kuzimurikira Inama y’Igihugu y’Amashuri Makuru.

Umwe muri abo yagize ati:"Ibi ni agahomamunwa, Kaminuza yanjye barayishenye neza neza kandi aha n’amategeko ntiyakurikijwe, kuko gufungirwa by’agateganyo mu gihe utaranajurira bakagutwarira abanyeshuri, ni ukuduhima kubera impamvu tutari twamenya ikizihishe inyuma. Biragoye ntabwo nabona byinshi mvuga"

Hari kandi amwe mu mashuri na Kaminuza yahawe aba banyeshuri mu gihe bivugwa ko yari yarabuze abanyeshuri, bakumva ko no kubura umubare uhagije w’abanyeshuri byaterwaga n’imyigishirize bityo bakongera gushimangira ko ari akarengane bakorewe.


INKURU ZA :
Tanga Igitekerezo
Ibitekerezo 9
kingi Kuya 2-05-2017

BARITANZESE BAGAKOMEZA GUKORA HARUTARABWIWE UMUBARE WIRYO AGOMBA GUTANGA? CG NTIBABONA KO RIKENEWE CYANE AMATORA YEGEREJE!!!! BARASETSA KWELI KWELI

clare Kuya 1-05-2017

mu gihe amashuri biga game yafunzwe atari yashyira mu bikorwa ibisabwa ninama yamashuri makuru (HEC), ngo afungurwe, abanyeshurI bahabwa amahirwe yo kuba babona ahandi bakwigira murine za lamina zemewe.

J.P. Kuya 1-05-2017

Ni ukubyakira. Hari impamvu

G Kuya 1-05-2017

Gushora imari mu Rwanda biragoye kabisa. Uzi ko utarebye neza ushobora kwisanga mu kagozi wimanitse? Itegeko ku ishoramari rikwiye kuvugururwa naho ubundi turabishingukamo.Ngayo amashuri ni vurugu vurugu, amavuriro, amahoteli, inganda ni uko etc.... MANA WE.

Rudibura Kuya 30-04-2017

Nyamara leta yari imwiriye kujya yitondera iyi myanzuro, ndetse ikajya itinda cyane mhkwemerera kaminuza gutangira kuruta muba yazajya muyihagarika,
*bakajya bareba ibisabwa mbere y’uko itangira
* bakajya bakora ubu genzuzi buhoraho,

Coco Kuya 30-04-2017

Nubundi byaravuzwe ko hari amashuri bashakaga kuzamura nyine ayo badashaka bakayarangiza mu bwenge nk’ubu.mudufashe muturebere aho bohereje abanyeshuri benshi turebe ko koko ari ahavuzwe ko bashaka kuhazamura kdi nta n’ireme ry’uburezi barusha aho babakuye.murakoze

Nshizirungu pacifique Kuya 30-04-2017

Nge mbashije kumirwa noneho igihe badutakarije bavuga ko ibigo byacu bizafungura babifunze byagateganyo ubuse ibigo ibyo byakoze kugirango ibintu bitungane bazabibishyura ,nne. Ndabaza babbifunze burundu cg nuko babitwaye abanyeshuri muribo bahigaga

Wilson Kuya 30-04-2017

Yewe HEC nayo ntakigenda. Niyo ibyica rugikubita yo itanga ibyangombwa kubantu iba ibona batujuje ibisabwa. Rwose byo izi Kaminuza iziteje igihombo bigaragara kdi amakosa ari ayayo.

Nawe c ko kaminuza atari Resitora ngo ubyutse uyumunsi ahite ayishinga,!!! Nigute bigera hariya yemwe bagatanga impamyabumenyi n’impamyabushobozi HEC nayo ikabiha umugisha yarangiza ngo hari ibyo mutujuje kdi byose byarazambiye mumaso yabo!??
Iki kibazo nticyakagombye kuzajya gikemurwa abanyeshuri barageze mumashuri ahubwo cyakagombye kuzajya gikumira abanyeshuri kujya muri ayo mashuri hakiri kare. HEC bafate ingamba kdi bamenye ko batafatanije na ba nyiri ibigo kubishinga. Kdi bibuke ko ba nyiri ibyo bigo batiha uburenganzira. Bararenganye pe Imana ibibuke

Bene Kuya 29-04-2017

Ishyano riragwira koko!!!???
izo ngirwa hec zirirwa ziducunaguza nkabadafite uburenganzira bwikiremwa umuntu koko!, ibaze nawe nabayobozi bamakaminuza ntibazi iyo bishya bishyira.HE nadutabare kabisa.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...