konka coffee
KONKA

AMAKURU

UKWEZI

Ibya Kaminuza zafunzwe biracyari agatereranzamba, iya Gitwe yo ngo n’izina ntiryemerewe

Ibya Kaminuza zafunzwe biracyari agatereranzamba, iya Gitwe yo ngo n’izina ntiryemerewe
30-05-2017 saa 12:21' | By Chief Editor | Yasomwe n'abantu 7085 | Ibitekerezo 21

Mu kiganiro n’abanyamakuru cyabereye mu cyumba cy’inama cya Minisiteri y’Uburezi kuri uyu wa Kabiri tariki 30 Gicurasi 2017, kigahuza abayobozi bakuru b’Inama y’Igihugu y’Amashuri Makuru, HEC, abayobozi ba zimwe muri Kaminuza zafunzwe, hatangajwe ibyavuye mu rindi suzuma riheruka ryakorewe Kaminuza ebyiri muri icumi zafunzwe, bigaragaza ko ikibazo kikiri agatereranzamba, ndetse Kaminuza ya Gitwe yo ngo n’izina ifite ubu ntiryemerewe.

Inama y’Igihugu y’Amashuri Makuru, HEC, nka kimwe mu bigo bya Minisiteri y’Uburezi gishinzwe by’umwihariko gukurikirana za Kaminuza n’amashuri makuru bikorera mu Rwanda, mu kwezi kwa Werurwe yanzuye ko amashuri makuru na kaminuza 10 bihagarikirwa amashami cyangwa amasomo by’agateganyo izindi zifungirwa amashami yose, hashingiwe ku igenzura ryakozwe hagaragazwa ko hari ibyo zitujuje.

Mu ntangiriro z’uku kwezi kwa Gicurasi 2017, Inama y’Igihugu y’Amashuri Makuru, HEC, yongeye gusuzuma Kaminuza ya Gitwe na INES Ruhengeri ngo harebwe niba hari ibyo bakosoye, ibyo bikaba ari nabyo byamuritswe kuri uyu wa Kabiri. Ibyo bamuritse bigaragaza ko Kaminuza ya Gitwe, amashami atatu yose yari yahagarikiwe nta na rimwe rigomba gufungurwa, kuko n’ubwo hakosowe byinshi mu bijyanye na za laboratwari no gushaka abarimo b’inzobere, ngo hari abayobozi ba Kaminuza badafite ubushobozi bukwiye, bityo bakaba bagomba kubanza kubikemura.

Iyi Kaminuza ya Gitwe ubusanzwe yitwa University of Gitwe, ibyavuye mu isuzuma byasohotse bigaragaza ko yitwa ISPG (Institut Superieure Pedagogique de Gitwe) bisobanura ko ari Ishuri rikuru ryigisha iby’Uburezi gusa kandi hari andi mashami menshi iyi Kaminuza ifite. Dr Muvunyi Emmanuel uyobora HEC, yasobanuriye umunyamakuru wa Ukwezi.com ko iri zina rya University of Gitwe barisabye ariko rikaba ritaremezwa ngo bisohoke mu myanzuro y’Inama y’Abaminisitiri, bityo ko mu mategeko rikitwa ISPG.

INES Ruhengeri yo, yari yahagarikiwe amashami atanu, ariko naryo ryagaragarijwe ko n’ubwo hakozwe byinshi, hari ibikibura kuburyo amashami abiri gusa ari yo yakomorewe nabwo rimwe ryakomorewe igice, mu gihe andi atatu yo agomba kubanza akuzuza ibisabwa birimo gushaka inzobere zikoresha za laboratwari no gushaka ibindi bikoresho bya ngombwa mu kwigisha.


INKURU ZA :
Tanga Igitekerezo
Ibitekerezo 21
Liberata Kuya 3-06-2017

Urwagasabo nagahugu gato gafite udushya twinshi no gufindafinda bikomoka kubunyenshyamba butegetse bukunda kwirengagiza amategeko yanditswe bumimakaza ubushishozi

lg Kuya 3-06-2017

AMASHURI ATUJE IBYANGOMWA ADAFITE ABARIMU BAFITE UBUMENYI NI MPAMYA BUMENYI ZABYO NIBIPAPURO GUSA ZITANGA KUKO ZABAYE IBIGO BYUBUCURUZI USHATSE WESE ARAYISHINGA AGATANGIRA;

tito Kuya 1-06-2017

Ariko mudusuzumire nibyo mundangaburezi collège of Éducation mu Ruhango abanyeshuri bahize igitangira imyaka ibaye no bategereje A1

Eddie Kuya 31-05-2017

Aba bana bari kuzira amanyanga ya Gerard,

habimana Kuya 31-05-2017

Izi byose ibababarire cyane, kuko ireme ry’uburezi rikwiye gushakirwa mu mashuri abanza,University of Gitwe iruta ndetse n,iza Leta.Gusa ibigambiriwe Imana iba ibibona.Abasenga musenge kuko Satani akorera mu bantu kandi abantu benshi kubera gukunda Frw,icyubahiro,imyanya
birengagiza ukuri

umwanzuro Kuya 31-05-2017

ahubwo nabize igitwe barakemangwa nibacukumbure Wa mugani Wa kalisa turebeko bakora ibyo bigiye kuko ikigaragara kaminuza nta gishya kibamo ahubwo nugushimangira no kubungabunga ubumenyi wakuye mu mashuri makuru. kubwiyo mpamvu rero abatarize neza hasi nubundi batsinda kubera biga igitwe nyine.

Narumiwe Kuya 31-05-2017

Ni gute uburangare beat MINEDUC buryozwa abana n’ababyeyi? Ni gusenga usaba ibigo kugira ibyo bikosora bagakosora warangiza ntubafungurire? Ese ko ibyakozwe ari byinshi kuki MINEDUC idaca inkoni izamba ngo abanyeshuri basubire mu ishuri utwo duke dusigaye badukosore Bari kwiga.
Murakora nk’abatarababyeyi. N’ubwo Shana banyu mubajyana kwiga hanze mu mashuri ahambaye abacu mukabakorera ubugome mutaturetse natwe Ni mumenye ko abanyu batazatura mu gihugu bonyine.
Ndabasaba ko mureba kure mukamenya icyo muri gukora icyo aricyo.
Ubu se ababyeyi mwahemukiye barishimye, abanyeshuri mwicaje se bo bamerewe bate?
Niba ikigo cyarasohoye abanyeshuri (Ndagufashe nka Ines) muri construction mukabemera none abari inyuma Bose mukaba mwabahagaritse kandi ikigo cyaragerageje kuzuza ibisabwa Ubwo murumva tuvahe tujyahe?
Navuga byinshi, nkabaza byinshi Ariko Ndemeye aho. HEC name MINEDUC Ni musigeho gukora ubugome kandi mwirengere n’ingaruka z’amakosa mwakoze.

Abagambanyi Kuya 31-05-2017

nge ndabona nibamara kubona umubare wabanyeshu bashaka bazazifungura kuko ikibazo sibikoresho ,abarimu binzobere ,nibindi bavuga barashakaga abanyeshuri rero ntibabagwiza muzabo bazazifungura maze ibikoresho nabarimu badakeneye bongeyemo batari bakenewe cyane kandi banabahenze

Abagambanyi Kuya 31-05-2017

nge ndabona nibamara kubona umubare wabanyeshu bashaka bazazifungura kuko ikibazo sibikoresho ,abarimu binzobere ,nibindi bavuga barashakaga abanyeshuri rero ntibabagwiza muzabo bazazifungura maze ibikoresho nabarimu badakeneye bongeyemo batari bakenewe cyane kandi banabahenze

J.B Kuya 31-05-2017

Ariko abantu babaye bate? Nyumvira nkuwo ukabije ngo mu ishami ry’ubuvuzi biga ari 300? Imana ikubabarire pe! Ibyo wabibonye he? Muri University of Gitwe cg nahandi? Njyewe ndahiga pe arko ibyo muri kuvuga ntabyo twese tuzi kuko nta banyeshuri biga ari 300 mu ishuri tugira! Birababaje kabisa Imana yonyine ireba mu mitima ikabona akababaro k’abanyeshuri niyo Izabarenganura! Naho iby’izina nibareke kubyitwaza kuko ryahinduwe twese duhari kdi tubyumva ndetse na Perezida Kagame yabitangaje mu nama y’abaministre yicyo gihe! In the first place bajya gufunga UG ntibabaregaga izina, ubuyobozi, n’ibindi! None mu gihe basanze bimeze neza bashatse ibindi bazanamo! Njyewe ndumva bagakwiye gufungura kuko ibyo babasabye nka 85% byashyizwe mu bikorwa! Ikibazo cy’abarimu bacye ntaho kitaba kuko no muri Kaminuza za Leta ntaho tuzi umwarimu umwe yigisha abanyeshuri 10 gusa! Iby’abakozi ba library batabifitiye ubushobozi bishaka kuvuga iki? Turashaka kumenya ubushobozi bukwiriye umuntu ukora muri library ari ubuhe! Ndabona Mineduc ititaye kuri twebwe abanyeshuri kuko iyo baza kubyitaho bakabaye bafunguye ibyo bike bavuga bisigaye bakabigenzura turi kwiga! Turasaba abanyamakuru kudufasha muriki kibazo mukazatubariza Perezida wa Repuburika. Murakoze

J.B Kuya 31-05-2017

Ariko abantu babaye bate? Nyumvira nkuwo ukabije ngo mu ishami ry’ubuvuzi biga ari 300? Imana ikubabarire pe! Ibyo wabibonye he? Muri University of Gitwe cg nahandi? Njyewe ndahiga pe arko ibyo muri kuvuga ntabyo twese tuzi kuko nta banyeshuri biga ari 300 mu ishuri tugira! Birababaje kabisa Imana yonyine ireba mu mitima ikabona akababaro k’abanyeshuri niyo Izabarenganura! Naho iby’izina nibareke kubyitwaza kuko ryahinduwe twese duhari kdi tubyumva ndetse na Perezida Kagame yabitangaje mu nama y’abaministre yicyo gihe! In the first place bajya gufunga UG ntibabaregaga izina, ubuyobozi, n’ibindi! None mu gihe basanze bimeze neza bashatse ibindi bazanamo! Njyewe ndumva bagakwiye gufungura kuko ibyo babasabye nka 85% byashyizwe mu bikorwa! Ikibazo cy’abarimu bacye ntaho kitaba kuko no muri Kaminuza za Leta ntaho tuzi umwarimu umwe yigisha abanyeshuri 10 gusa! Iby’abakozi ba library batabifitiye ubushobozi bishaka kuvuga iki? Turashaka kumenya ubushobozi bukwiriye umuntu ukora muri library ari ubuhe! Ndabona Mineduc ititaye kuri twebwe abanyeshuri kuko iyo baza kubyitaho bakabaye bafunguye ibyo bike bavuga bisigaye bakabigenzura turi kwiga! Turasaba abanyamakuru kudufasha muriki kibazo mukazatubariza Perezida wa Repuburika. Murakoze

peric Kuya 31-05-2017

mbega muvumyi aradukoze ntabuze byose gusa Imana ntizamubabarire p ubugome agora azabuhanirwe

Mahoro albine Kuya 30-05-2017

Mwatubihirije imitima gusa ntakindi, !!!
ntacyo mutakoze muyibishya
abanyeshuli twabirenganiyemo,!!
gusa Nubwo mwanze KO twiga tuzarubanamo tu Nubwo ari ruto

Eddie Kuya 30-05-2017

Mbabajwe n’abana ndetse n’ababyeyi bahahombeye.
Naho Gérard nta. kindi gihembo akwiriye kitari kiriya.
Ariko muribuka igihe yajyaga atumiza uriya mu Docteur wo muri UR (Public health) akaza bamugize Chancellor lundi atahakora.
Ndavuga Dr Manassé.
Ese buriya mwakekaga ko ntawubibona ? Ère !!!
Ubu se muri medecine ko mwanze kumfatira umwana ngo afite amanota make(42%) ntabafite 20% mwakiriye ?
Muhagarare sha ukuri kurabasohoreraho.

Akarengane Kuya 30-05-2017

Nukuri muvunyi Emmanuel ndabona utazi ibyo ukora woe nabo mureba kimwe ukabije gukomeretsa imitima yacu nabana bacu kko twarahombye kd simpamya ko gitwe yigamo umwana wawe wakwemera guhura nigihombo waduteje utaretse nokudindiza abana bacu ikibazo kimwe nibaza niki umubyeyi wacu nyakubahwa perezida wa republic yaba azi ubunyamaswa uri kudukorera cg??? Njyewe sinibaza inyungu ubifitemo cg niba atarukuvuangira RPF kugirango uyibangishe gs icyo navuga Nuko utagakwiye kwitwaza ngo ntago bakwiye kwita university kd mujya kubyemera ntibyari mumuhezo nawe niba uzi ubwenge ubare imyaka yarimaze yitwa university ubihuze nimikorere yanyu na RGB muraya masaha uwakunyereka nakubaza ikibazo kimwe niba ufite ubumuntu cg niba warabyigeze kko simpamya ko ubikora ubanje gutekereza iyo iki kimezo kigayitse ari igikorwa cyubumuntu icyo nkwifuriza imana izabiguhembere pee kd ubu bugome izabuguhanire

uwizeyimana fanny Kuya 30-05-2017

ntacyo bibabwiye kuko abenshi muri bo abana babo biga hanze,ubwo kugirra abanyeshuri nababyeyi babo imbabazi biri kure,gusa Imana niyo izarenganura abarengana

JDR Kuya 30-05-2017

Kuwa 7 Mutarama 2016, Ubuyobozi bw’ikigo k’igihugu gishinzwe imiyoborere, RGB kimaze gusuzuma ko ISPG yujuje ibyangombwa cyemeje ko guhera kuwa 07 Mutarama 2016, iri shuri rikuru rihindutse Kaminuza, bityo ikaba yitwa University of Gitwe(UG).

Joanna Kuya 30-05-2017

Nonese mvumva mineduc yakomeza kurebera uburezi ,ubwo nyine abanyeshuli ntacyo bacuraga

Kalisa Timothée Kuya 30-05-2017

Jyewe nsanga uyu mwanzuro wa HEC ari uwo kwishimira cyane kuri ISPG Gitwe.
Duhora dusakuza ngo mu bitaro duhabwa service mbi.Ibaze aba banyeshuri biga ubuganga ari 300 mu ishuri rimwe;ubwo Leta itagize icyo ikora ntibyaba ari igukinisha ubuzima bw’abantu?
Nta mu docteur wize i Gitwe
Bazanadufashe gucukumbura ibyo bize muri secondaire ko hari aho bihuriye nibyo biga muri Kaminuza.

k29 Kuya 30-05-2017

nukuri birababaje pe mwisha guhima urayeneza G kukowe yaragakemuye ntacyo arwanira kuko abanabe bararangije ndumvare niyiturize nabana bigihugu yakoreraga ubwo se ko bagiye kuba za mayibobo mubindi bihugu birabamarira iki muzabayo sha muvunyiweeee

Narumiwe Kuya 30-05-2017

Abana bacu nibo bahaguye gusa! Ubuntu yakwibaza inyungu mureba ari izande pe! Niba mutita ku banyeshuri ntimwite ku babyeyi basohoye amafaranga ngo abana babone ubumenyi. Mwita kuki? Njye ndabona MINEDUC ibyo ikora Hari ikindi kibyihishe inyuma tutaramenya cyane ko umwanzuro utakagombye kuba uwo gufungira burundu ibigo amwe mu mashami nk’aho Ntacyo byakoze gifatika.
Abagome baragwira

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...