konka coffee
KONKA

AMAKURU

UKWEZI

Icyemezo Kagame yafashe cyakanze abasirikare b’abakomanda b’ikigo yizemo muri Amerika

Icyemezo Kagame yafashe cyakanze abasirikare b’abakomanda b’ikigo yizemo muri Amerika
29-08-2017 saa 09:04' | By Chief Editor | Yasomwe n'abantu 24837 | Ibitekerezo 4

Perezida Paul Kagame, yasobanuye uburyo mu 1990 yafashe icyemezo cyo kuva muri Leta Zunze Ubumwe za Amerika aho yigaga ibya gisirikare, akiyemeza kugaruka muri Afurika ngo afatanye n’Ingabo zahoze ari iza RPA mu rugamba rwo kubohora igihugu, ariko ngo iki cyemezo cyakanze cyane abakomanda (commanders) bayoboraga ikigo yigagamo muri Amerika, cyane ko bari bamuzi nk’umusirikare w’igihugu cya Uganda.

Mu kiganiro Perezida Paul Kagame yagiranye n’ikinyamakuru Financial Times, yasobanuye inzira y’urugamba rwo kubohora u Rwanda, ava imuzi n’imuzingo ingorane bahuye nazo muri urwo rugamba ndetse anakomoza ku kuntu urugamba rujya gutangira mu 1990, yafashe icyemezo cyo kuva mu kigo cya gisirikare kiri i Kansas muri Leta Zunze Ubumwe za Amerika, ariko abakomanda b’icyo kigo bikabagora kumwumva.

Perezida Kagame ati: "Muri Kansas, mu kigo cya gisirikare cya Leta Zunze Ubumwe za Amerika (US Army Command and General Staff College), nari mpari nk’umugande. Ubwo rero, igihe urugamba rwatangiraga, tariki 1 Ukwakira mu 1990, cyari igihe nyacyo twagombaga gukora igishoboka cyose ndetse tukiyemeza guhangana n’ibyo twari guhuriramo byose, ariko twagombaga kugira icyo dukora... Ni uko rero ubwo najyaga kureba abakomanda b’ikigo nkababwira ko ngomba guhagarika, byarabayobeye, byababereye urujijo. Barambwiye bati ibyo se birakureba aho iki? Ibyo mu Rwanda birakurebaho iki? Wowe uri umugande! Ni uko umukomanda wabimbwiye ndamubwira nti, si byo. Naje hano nitwa umugande, ariko hari ikindi kintu cyabaye kirimo gutuma ubu ngomba kuba uwo nahoze ndiwe kuva mu gihe kirekire gishize... Ni uko nahavuye, ndagaruka, ubwo umukomanda wari uyoboye urugamba yari yishwe umunsi ukurikira itangizwa ryarwo, Fred Rwigyema yari yishwe, mpageze mbona ibintu byazambye..."

JPEG - 367.8 kb

Perezida Kagame yasobanuye ko ubwo yamaraga kugaruka, Fred Gisa Rwigema amaze kwicwa, yumvaga atazi aho azahera. Bamwe mu basirikare bakomeye yahasanze, batangiye kumubwira ko ibyiza basubira muri Uganda bagasaba Perezida Museveni ko bakongera kuba muri Uganda nk’impunzi, aha ngo amahitamo yari abiri; kwemera kongera bakaba impunzi no gukomeza urugamba rutoroshye, ari nacyo cyari gikomeye cyane ariko ninacyo bahisemo.

Abenshi muri aba basirikare, ngo icyabateye imbaraga zo gushikama bakarwana urwo rugamba, ni uko bari barikuyemo ibitekerezo byo gusubira muri Uganda nk’ingabo zatsinzwe ngo bongere basabe ko bahabwa umwanya nk’impunzi. Ni uko baje kwiyemeza ko bagomba gushaka uko bisuganya, bajya mu bice bitari kure cyane y’umupaka wa Uganda, berecyeza mu misozi.


INKURU ZA :
Tanga Igitekerezo
Ibitekerezo 4
bizimana Kuya 30-08-2017

Aha niryo pfundo njya mbwira benshi ko Nyakubahwa Kagame ari umuntu udasanzwe,agomba kutuyobora igihe cyose azaba agifite ubuzima.Ko ari impano Imana yatwihereye.Uwakwitangaho igitambo nka kiriya nawe azabitubwire tumujye inyuma muri 2024.Komera Ntwari Shema ry’Abanyarwanda.

bizimana Kuya 30-08-2017

Aha niryo pfundo njya mbwira benshi ko Nyakubahwa Kagame ari umuntu udasanzwe,agomba kutuyobora igihe cyose azaba agifite ubuzima.Ko ari impano Imana yatwihereye.Uwakwitangaho igitambo nka kiriya nawe azabitubwire tumujye inyuma muri 2024.Komera Ntwari Shema ry’Abanyarwanda.

nahisam@yahoo.fr Kuya 29-08-2017

kagme: kansas

ELISE Kuya 29-08-2017

Yes, mwarababaye , nibyo knd kubabara kwanyu kwavuyemo ibyishimo dufite ubu ko turi amahoro, ikindi kandi iyo Imana ishaka kukugira ukomeye igucisha ahakomeye,muri intwari knd Imana izabahere umugisha ubwitange bwose mwagize nubwo mugikomeje.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...