konka coffee
KONKA

AMAKURU

UKWEZI

Icyemezo u Burundi bwafatiye u Rwanda cyashyize Abarundi mu kaga gakomeye

Icyemezo u Burundi bwafatiye u Rwanda cyashyize Abarundi mu kaga gakomeye
7-08-2016 saa 05:35' | By Chief Editor | Yasomwe n'abantu 9263 | Ibitekerezo 8

Icyemezo u Burundi bwafatiye u Rwanda kijyanye no kubuza ibucuruzwa byiganjemo ibiribwa kuva i Burundi biza mu Rwanda, cyabaye aka wa mutego mutindi uhitana uwawuteze kuko ubu abaturage b’i Burundi ari bo bari mu kaga gakomeye.

Ubwo yari mu muganda rusange kuwa Gatandatu tariki 30 Nyakanga 2016 muri komine Rugombo mu ntara ya Cibitoke, icyegera cya kabiri cya Perezida w’u Burundi, Joseph Butore, yatangaje ku mugaragaro ko nta gicuruzwa kizongera kuva mu gihugu cye kinjira mu Rwanda, impamvu y’icyo cyemezo ikaba ifitanye isano n’ibyo u Burundi bushinja u Rwanda byo gufasha no gushyigikira abahungabanya umutekano mu Burundi.

Joseph Butore yabwiye abashinzwe umutekano ko uzibeshya akarenga kuri icyo cyemezo azahura n’ingorane zikomeye, kuko asanga nta mpamvu yo gukomeza kohereza ibucuruzwa birimo ibiribwa mu gihugu kirwanya u Burundi.

Nyamara ikinyamakuru Iwacu cyo mu Burundi kivuga ko agahinda, kwiheba n’ibihombo bikabije byibasiye abacuruzi b’Abarundi, kuko ibicuruzwa birimo imbuto n’ibindi biribwa bagurishaga mu Rwanda babiburiye abaguzi bikaba byaratangiye kwangirika.

Mu isoko rya Rugombo n’irya Cibitoke, ibicuruzwa birimo nk’inyanya, ibitunguru n’izindi mboga byatangiye kwangirika, kuko kuva iki cyemezo cyafatwa babuze abaguzi, kandi mbere barabyambutsaga mu Rwanda bagahabwa amafaranga atubutse.

Ku mupaka wa Ruhwa, abacuruzi b’Abarundi n’Abanyarwanda bemeza ko iki cyemezo cyazahaje ubuhahirane, nyamara u Rwanda rwo rukaba rukigurisha ibicuruzwa byarwo muri iki gihugu cy’u Burundi.

Abacuruzi b’Abarundi bavuga ko bafite impungenge zo kunanirwa kwishyura inguzanyo bafashe mu ma banki n’ibigo by’imari, kuko igishoro cyabo gikomeje kwangirika babireba n’icyizere cyo kubona inyungu kikaba cyarayoyotse.


INKURU ZA :
Tanga Igitekerezo
Ibitekerezo 8
Ibrahim Kuya 9-08-2016

Abarundi niko bimereye! ubutegetsi bwabo ntibuha agaciro umuturage wo hasi.

solange Kuya 9-08-2016

abarundi nyine nibabarihima bamujinya

kuyom Kuya 8-08-2016

murabeshya ahubwo nimwe mufise ikabazo

jeannette Kuya 8-08-2016

Erega Ubutegetsi bw,Uburundi ntibwitaye kunyungu zabaturage .

jeannette Kuya 8-08-2016

Erega

Ruhago Kuya 7-08-2016

Inkuru ibabaje cyanee. kuko rubanda rugufi nobo baharenganira. ese. Wrubanda rugufi. Mu rwanda baradamarayebo ??? icyemezo cya nkurunziza ntikibageraho ???

Ruhago Kuya 7-08-2016

Inkuru ibabaje cyanee. kuko rubanda rugufi nobo baharenganira. ese. Wrubanda rugufi. Mu rwanda baradamarayebo ??? icyemezo cya nkurunziza ntikibageraho ???

ndayari Kuya 7-08-2016

mu rwanda ubwo se ho ntanzara ?

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...