konka coffee
KONKA

AMAKURU

UKWEZI

Ihere ijisho Abafaransa muri Jenoside mu Rwanda, uve imuzi n’ibivugwa ku ndege ya Habyarimana

Ihere ijisho Abafaransa muri Jenoside mu Rwanda, uve imuzi n’ibivugwa ku ndege ya Habyarimana
11-04-2017 saa 08:24' | By Chief Editor | Yasomwe n'abantu 48176 | Ibitekerezo 25

Imyaka 23 irashize Jenoside yakorewe abatutsi mu Rwanda ibaye, iyi ikaba yarabanjirijwe n’ihanurwa ry’indege y’uwari Perezida w’u Rwanda icyo gihe, Juvenal Habyarimana, ariko kandi byanabanjirijwe n’umubano wihariye yari afitanye n’u Bufaransa, unagaragazwa n’uburyo abasirikare b’iki gihugu bagize uruhare rugaragara muri Jenoside yakorewe abatutsi. Muri iyi nkuru, turagaruka byimbitse ku ruhare rw’u Bufaransa muri Jenoside yakorewe abatutsi, ndetse n’ibivugwa ku waba yaranahuye indege ya Habyarimana bakunda gutindaho cyane.

Mu 1994, U Bufaransa bwari inshuti ikomeye ya Leta yiyise iy’Abatabazi nk’uko bari inshuti cyane na Perezida Juvenal Habyarimana wari umaze kwicwa arasiwe mu ndege. Hari ubuhamya bwinshi bwagiye butangwa bugaragaza ko byinshi mu bikoresho byakoreshejwe mu kwica abatutsi, byatanzwe n’igihugu cy’u Bufaransa kandi byatanzwe mbere cyane y’ihanurwa ry’indege ya Habyarimana Juvenal.

Uru ruhare rw’Abafaransa muri Jenoside yakorewe abatutsi rugaragara n’amaso, aho ingabo z’Abafaransa zagiye zigira uruhare mu gufatanya n’Interahamwe kwica ku mugaragaro abatutsi, ndetse bakabaha imyitozo bakabakingira ikibaba. Icyiswe "Zone Turquoise" nacyo cyakoreshejwe nk’inzira yo gukingira ikibaba abakoze Jenoside.

IHERE IJISHO AMAFOTO AGARAGAZA IBYO BAKORAGA HANO:

Iby’iraswa ry’indege ya Habyarimana byo, ubuhamya bwinshi bugaragaza ko yarashwe nande?

Tariki 6 Mata 1994, nibwo indege y’uwahoze ari Perezida w’u Rwanda Juvenal Habyarimana yarashwe, akaba yari kumwe na Perezida w’u Burundi Cyprien Ntaryamira. Ubu imyaka 23 irashize, ariko abantu benshi bagiye bavuga byinshi bitandukanye ku waba yarahanuye iyi ndege, icyabimuteye n’icyo yari agamije. Igihugu cy’u Bufaransa, kiri mu byakomeje gutinda ku by’iperereza ry’uwaba yararashe iyi ndege ndetse mu mpera z’umwaka wa 2016 giheruka gutangaza ko kigiye gusubukura ubushakashatsi, hagashingirwa no ku buhamya butangwa na Kayumba Nyamwasa wahoze ari umugaba w’Ingabo z’u Rwanda ubu akaba atavuga rumwe na Leta y’u Rwanda, uyu we akaba yemeza ko indege yarashwe na Perezida Kagame n’ingabo yari ayoboye zabohoye u Rwanda, gusa ibi bihabanye n’ubuhamya benshi batanga ku waba yarahanuye iyi ndege.

Kimwe mu bimenyetso byinshi simusiga bigaragaza ko Jenoside yateguwe kare kandi ko uwahanuye indege ashobora kuba yarashakaga gutangira gushyira mu bikorwa ibyari byaragambiriwe, ni amagambo yavuzwe na Col Theoneste Bagosora wavuze mbere y’ihanurwa ry’indege ko mu Rwanda yagiye kuba ibyahishuwe cyangwa se ko hagiye kuba AKANTU. Abandi banyepolitiki b’icyo gihe, bagiye bivugira byeruye ko igihe cyo gutsemba abatutsi cyegereje, ndetse ibitangazamakuru byabikwirakwizaga byo akazi kabyo kari karanogejwe.

Lt Gen Roméo Dallaire wari uri mu Rwanda icyo gihe, agaragaza mu by’ukuri uwahanuye indege ya Perezida Habyarimana, agatanga ibimenyetso n’impamvu ashingiraho. Mu gitabo cye yise «J’ai serré la main du diable», bishaka kuvuga ngo "Nakoze mu kiganza cy’umudayimoni", Lt Gen Roméo Dallaire wari ukuriye ingabo z’umuryango w’Abibumbye zizwi nka MINUAR zabungabungaga amahoro mu Rwanda mbere ya Jenoside no mu gihe yabaga, agaragaza iby’iraswa ry’indege ya Juvenal Habyarimana wari uri kumwe na Cyprien Ntaryamira.

Roméo Dallaire nk’umuntu wari uyoboye ingabo z’umuryango w’Abibumbye zabungabungaga amahoro mu Rwanda, yabashije kwibonera amahano yagwiriye u Rwanda mu 1994 ndetse yageragaje kurwanya ubwicanyi n’ubwo ingabo nkeya n’imbaraga ze bitari kubasha ubwabyo guhagarika ayo mahano. Ibikorwa bye, bivugwa ko byibuze byarokoye ababarirwa mu 30.000. Yagerageje guhamagara imiryango mpuzamahanga ngo itabare ariko ntibyagira icyo bigeraho. Gusa ubu avuga ko iyo abimenya ko gutabaza kwe kutazasubizwa, aho guhamagara kuri telefone aba yarafashe indege akajya gusaba ubutabazi amahanga ahibereye.

Mu buhamya yatanze mu mwaka wa 2014, Lt Gen Romeo Dallaire yavuze ko ibimenyetso simusiga bihari bigaragaza ko indege ya Perezida Juvenal Habyarimana yarashwe n’abahezanguni bari bafatanyije mu buyobozi bwa Guverinoma y’icyo gihe. Ahinyura cyane ibyagiye bivugwa ko iyi ndege yaba yarahanuwe n’ingabo za FPR Inkotanyi akanagaragaza ibimenyetso ashingiraho.

Romeo Dallaire ati: "Agace indege yarasiwemo kari gacunzwe cyane n’ingabo zarindaga Perezida Habyarimana, hakaba ari hamwe mu hantu bitari gushoboka icyo gihe ko ingabo za FPR zagera. FPR kandi ntabwo bari bafite ibisasu bya ’Missiles Mistral’ byahanuye iriya ndege, ibi bisasu ni iby’Abafaransa kandi Abafaransa ni bo bari inyuma y’ingabo za Leta y’icyo gihe. "

Uyu mugabo akomeza avuga ko amatara yo ku kibuga cy’indege cy’i Kanombe babanje kuyazimya mbere gato y’uko indege ihagera, ibi bikaba byarabafashije kuyirasa mu buryo bworoshye. Lt Romeo Dallaire ati: "Nta gushidikanya na gato kuri mu ntekerezo zanjye, iyo ndebye biriya mu buryo bwa gisirikare n’ubuhanga bukoreshwamo, ndabibona ntashidikanya ko byakozwe n’abahezanguni bo ku ruhande rwa Perezida Habyarimana Juvenal. Ikindi gikwiye kwibazwaho, abasirikare barindaga Perezida bamaze ibyumweru bitatu barabujije abandi basirikare kugera aharasiwe indege, kugirango bayobye uwashaka kuzagira iperereza abikoraho."

Romeo Dallaire agaragaza ko impamvu yatumye abahezanguni bakoranaga na Guverinoma ya Habyarimana bafata icyemezo cyo kumwivugana, ari uko yari avuye mu masezerano y’amahoro ya Arusha yagombaga gutuma ingabo za FPR Inkotanyi zigabana na we ubutegetsi. Kugabana ubutegetsi na FPR, byumvikana neza ko byagombaga gutuma hari bamwe muri abo bahezanguni bari gutakaza imyanya yabo y’ubuyobozi, abandi basigayemo na bo bagakorana n’abantu bari gutambamira umugambi wa Jenoside yari imaze igihe itegurwa.

Muri mwaka wa 2013, Colonel Thierno Athie wo muri Sénégal wari i Kigali mu 1994 mu butumwa bw’ingabo zari ziyobowe na Lt Gen Roméo Dallaire, nawe yatanze ubuhamya buhura neza n’ubw’uwari umuyoboye mu ngabo icyo gihe, ashimangira ko azi neza abarashe indege ya Habyarimana kuko aho byabereye yari ahibereye.

Uyu yivugiye ko mu mugoroba wa tariki ya 6 Mata 1994 yari mu rwakiriro rw’icyubahiro mu kibuga cy’indege cya Kanombe ahari hategerejwe Perezida Juvénal Habyarimana, akemeza ko yashidutse abona abasirikare barindaga Perezida bamugose akabuzwa kumenya ibyari bigiye kuba, bigaragaza ko bari bazi icyo bategereje gukora.

Abandi bagize icyo bavuga ko muntu waba warahanuye iyi ndege, ni abacamanza Mark Trevidic na Nathalie Poux, aba muri raporo yabo bakaba baragaragaje ko indege yari itwaye Juvenal Habyarimana na Cyprien Ntaryamira wari Perezida w’u Burundi, ishobora kuba yararashwe n’intagondwa z’abasirikare ba Habyarimana zitamushakaga.

Indi raporo yakozwe ku ihanurwa ry’iyi ndege ariko ikanengwa cyane kuko uwayikoze atigeze anabasha kugera aho iyi ndege yarasiwe, ni iyakozwe n’umucamanza w’umufaransa Jean Louis Bruguière wavuze ko yarashwe n’ingabo zari iza FPR Inkotanyi. Kuba ari Umufaransa ubwabyo kandi iki gihugu kikaba gishinjwa uruhare rugaragara muri Jenoside yakorewe abatutsi, benshi babihereyeho bagaragaza ko iyi raporo yo nta shingiro ifite, cyane ko nta n’ibimenyetso bifatika yigeze agaragaza akaba atarigeze anakandagira aho indege yarasiwe.


INKURU ZA :
Tanga Igitekerezo
Ibitekerezo 25
HA Kuya 13-04-2017

ariko abafaransa Ni amashitani kweli,urabonango barakora ubushakashatsi kwihanurwa ryi indege yari itwaye umugome nka habyarimana?kuki se batabukora kucyateye iyicwa rya abatutsi barenga million bishwe bazira akarengane?muve kubaginga.ubwo bushakashatsi se buragarura nibura umwe mubarenga million mbese buradufasha iki nka abanyarwanda? mbona nubundi abafarasa umugambi wabo wokurimbura abatutsi batarawugezeho bakaba bagishaka uburyo bongera kutwinjirira,ariko baribeshya kuko ubu turi maso

HA Kuya 13-04-2017

ariko abafaransa Ni amashitani kweli,urabonango barakora ubushakashatsi kwihanurwa ryi indege yari itwaye umugome nka habyarimana?kuki se batabukora kucyateye iyicwa rya abatutsi barenga million bishwe bazira akarengane?muve kubaginga.ubwo bushakashatsi se buragarura nibura umwe mubarenga million mbese buradufasha iki nka abanyarwanda? mbona nubundi abafarasa umugambi wabo wokurimbura abatutsi batarawugezeho bakaba bagishaka uburyo bongera kutwinjirira,ariko baribeshya kuko ubu turi maso

Egide Kuya 13-04-2017

Ntago bikwiye kugibwa ho impaka nyinshi, abaheza nguni bashakaga gutsemba abatutsi bafashijwe n’abafaransa nibo bahanuye indege ya Habyarimana. Icyo nasaba uwanditse iyi nkuru yari akwiye gusobanurira abasomyi ariya mafoto. Gushyiraho ifoto idafite igisobanuro bicanga abasomyi.

Esther mukashyaka Kuya 12-04-2017

Ni ukuri ibyabaye ntibizongere ukundi genocide turayamaganye

Eliah Kuya 12-04-2017

Kuba yrahanuwe byararangiye ahubwo turebe nyuma amteka yatwigishije iki Quand même!!?

neymar Kuya 12-04-2017

Nihatar kwl bitey ubwob

neymar Kuya 12-04-2017

Nihatar kwl bitey ubwob

IMBWA Kuya 11-04-2017

Ntayindi reta yakora nkibyo RPF yakoze,koko ni reta yubumwe bwabanyarwanda bose!!!Mujye Mushima Imana yaduhaye Umuyobozi mwiza naho Abavugabo ntibazareka kuvuga!!!Ukuri barakuzi!!! UWA KWEREKA IBYO BAKOZE I KIBEHO MURI CONGO
YEMWE MUJYE MWICECEKERA

lg Kuya 11-04-2017

erega u wabaroze ntiyakarabye! !!!unwa, nkuwo ngushaka, abaza,kureba ko genocide yabaye, ubugome bwo muzabupfana ubwo nicyorezo, cyaje, kica, millioni, yabatutsi hasigara, aba hutu, kuko bo bari barakingiwe! !umva imamvu, mutayumva nuko mubana, nabantu nkaho ntacyabaye, mukavuga, amafuti mubyinira abantu kumubyimba mbikwibutse ubwo waribagiwe, kuko ntacyo wibuka, kandi mukaba, mwibagirwa vuba genocide yakozwe na bahutu, ubyunve, neza. nuko bavuga genocide yakorewe abatutsi, ntibavuge, nababishe, byibuke, keretse niba utegeje indi!!!

patrick Kuya 11-04-2017

Ntayindi reta yakora nkibyo RPF yakoze,koko ni reta yubumwe bwabanyarwanda bose!!!Mujye Mushima Imana yaduhaye Umuyobozi mwiza naho Abavugabo ntibazareka kuvuga!!!Ukuri barakuzi!!!

Fffff Kuya 11-04-2017

Ibyose byadufasha iki kubimenya,araruta c abatutsi bishwe agashinyaguro nibe nawe ntamuhoro wamugezeho yogatsindwa

Uyisenga Jean claude Kuya 11-04-2017

ariko ariko,ubuse dutekereze ninde wava ahandi hantu ngo aze arushe abarinzi nabakozi b’ikibuga cy’indege ibihakorerwa nibihategurirwa.? ahaaa bazazane boite noire yiriya ndege kuko nibo bayifite.Ntawundi wari wemerewe kuhagera

Nsengiyumva innocent Kuya 11-04-2017

Ngewe mbona uwayihanuye nihanurwa ryayo kubimenya no kutabimenya ntakintu byadufasha kubyabaya (genocide) ndetse no kwiterambere ryacu nkabanyarwanda ababikoze barahari nababizi barabizi kubwibyo rero ndabona ayo mafaranga bangiza bakora research. Kubyindege. Bashaka ikkndi bayakoresha or bakayaha abakotse genocide. Batishoboye (tell them stop wasting their resources by investing in useless project ) peaple are here developing them selves stop telling us norse

nce enaugh is enaugh

Nsengiyumva innocent Kuya 11-04-2017

Ngewe mbona uwayihanuye nihanurwa ryayo kubimenya no kutabimenya ntakintu byadufasha kubyabaya (genocide) ndetse no kwiterambere ryacu nkabanyarwanda ababikoze barahari nababizi barabizi kubwibyo rero ndabona ayo mafaranga bangiza bakora research. Kubyindege. Bashaka ikkndi bayakoresha or bakayaha abakotse genocide. Batishoboye (tell them stop wasting their resources by investing in useless project ) peaple are here developing them selves stop telling us norse

nce enaugh is enaugh

Gloria Rebero Kuya 11-04-2017

Birababaje gusa ntukwihangana tukabibuka twiyubaka tugaharanira gutera imbere kugirango twereke ababigizemwo uruhare ko u Rwanda rwahidutse

fifi Kuya 13-11-2016

birababaje kubona hari abantu bagipfobya jenoside yakorewe abatutsi ku manywa y’ihangu.n’abahutu barapfuye ariko benshi bazize ingaruka z’ubuhunzi zaturutse kuri benewabo bakarabye inkaba.ntabwo bahigwaga rero,tujye tureka kwitiranya ibintu.ariko reka nibarize bamwe bagitsimbarara ku kuba indege yararashwe na FPR:muri kiriya gihe ikibuga cyari gikontorowe na FPR?ese indege imaze kugwa,FPR ni yo yayigezeho mbere maze isibanganya ibimenyetso?ese ko uwanga amazimwe abandwa habona,abafaransa n’abambari ba Habyarimana bazagaragaje boite noire ko izi mpaka zahagarara maze abagomba guhanwa bagahanwa?!!puuu jyewe ndambiwe inkuru zirirwa zitinda ku ihanurwa ry’indege yari irimo abantu bataruta ubwinshi miliyoni irenga y’inzirakarengane z’abatutsi bahatikiriye.ariko intebe y’ikinyoma izashyira ihirime tu.iminsi y’igisambo irabaze.reka tubiharire Uwiteka ni we uzi byose.

bobo Kuya 12-11-2016

Mugihe uwateguye ibi byose atarafatwa tuzahora duhangayitse mpaka

kandi Kuya 13-10-2016

Ubundi se habyarimana yaramaze iki abakurikirana ihanurwa ryindeye se bashaka kugera kuki mubanze mutekereze aboyariyarakandamije iyombwa ntimwakabaye muyitekereza murikuyitaho igihe cyanyu nkaho mwagatekereje ahotwavuye naho tugeze

Simba Peter Kuya 12-10-2016

Bavandimwe abafransa bakoze amahano , aya maraso y’inzurakarengane bazayabazwa no mu ijuru. u bufaransa bwakagombye kuba buri mu nkiko pe.

Prices Kuya 11-10-2016

Enough is enough!French leave our country alone.I hate you and will die hating you.Leave my country and Rwandese alone! you french evils.

Ntirenganya Sylvestre Kuya 11-10-2016

Abafaransa ikibatera kuvuga amagambo nkariya babiterwa nuko uRwanda rwabajenjekeye ntirubashyikirize inkiko. Gusa icyaba cyiza nuko hakorwa urutonde rwabagize uruhare murine Genocide bagashyirirwaho Mandatory d’arret zibafatisha.

JOAN Kuya 11-10-2016

Aba basenzi baraduhemukiye wasanga ari nabo barashe iriya ndege ya Habyarimana.uruhare bagize muri Genocide ho birarenze ibyo bakoze .urugero twebwe umusozi twari twarahungiyeho bakusanyije abatutsi bose interahamwe zirahagota hose ziyobowe nabafaransa ;umubare wabatutsi wari ugeze nko mubihumbi bitanu5000 byabari bahahungiye.bagiye kubica interahamwe imihoro zayityaje ngaho amahiri sinakubeshya. Abantu bose bari babonye ko byarangiye.Nyuma hasigaye gutanga order ngo bice abantu bose twari kumwe bangana gutyo Inkotanyi nizo zabahagaritse zibabuza kubikora Imana iba ikinze akaboko.ariko na nyuma yaho bababurije kutwica bakomeje kudutoteza doreko aribo baturindaga aribo benshi:bafataga abatutsi bakabamena urusenda mu maso;bagafata abakobwa ku ngufu.yemwe nange banyirukanseho kandi ndi umwana muto nkajya ngenda nkaba muri famille aho twabaga mu iyo nkambi kandi nari mfite 5ans.ni abagome ntibakagire ibyo bavuga baraduhemukiye.

J.ph Kuya 11-10-2016

Erega abafaransa ubundi ntibakunda amahoro bazira kubona abanyafurika dufite umutekano niterambere birababazacyane

stev Kuya 11-10-2016

Arega inama ya AU yabereye muri Convetion Center yarabababaje cyane u buryo wateguyemo ikagenda neza naho yakorewe babonye ko ari heza cyane kandi namatora ya perezida 2017 agiye kuba abanyarwanda twaratoye yego. Ahubwo sinzi icyo IBUKA ikora ngo ijyane abafaransa mu nkiko itange nibimenyetso byamafoto abagaragaza ibyo bakoraga. Leta yu Rwanda ikwiye gusaba abantu bose baribacunze ikibuga cyi kanombe gutanga ibyerekeranya namakuru yifashishwa kugira ngo indege ihagwe barimo na UN nabatwaye black box bazayizane ndetse naba basirikare bakuru ba exFAR batange amakuru bafite.

kati Kuya 11-10-2016

Ko bataraza gukora iperereza harya ngo bamenye niba jenocide yarateguwe cg iitarateguwe nibagend nta petrol dufite baturekere igihugu

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...