konka coffee
KONKA

AMAKURU

UKWEZI

Ikizava mu matora abanyarwanda bakimenye mu kwezi kwa 12 muri 2015 - Kagame

Ikizava mu matora abanyarwanda bakimenye mu kwezi kwa 12 muri 2015 - Kagame
14-07-2017 saa 12:34' | By Vincent Nsengiyumva | Yasomwe n'abantu 6696 | Ibitekerezo 6

Umukandida w’ishyaka rya FPR, Paul Kagame yagaragaje ko abanyarwanda basanzwe bazi neza ikizava mu matora guhera mu mpera z’umwaka wa 2015, ubwo bo ubwabo bisabiraga Referandum abasaga Miliyoni 4 bagasaba ko itegeko Nshinga rihindurwa.Uretse referendum kandi yanavuze ko n’uburyo amashyaka 8 yo mu Rwanda yagaragaje ko ashyigikiye umukandida wa RPF nabyo ubwabyo bigaragaza ikizava mu matora.

Ibi Paul Kagame yabigarutseho ubwo yari mu Karere ka Ruhango mu muhango wo kwiyamamariza umwanya w’umukuru w’igihugu muri manda itaha.

Perezida Kagame mu mvugo yuje icyizere, yashimangiye ko n’ubwo hari ibikorwa byo kwiyamamaza no guhiganwa, ngo abanyarwanda bose bazi neza ibizava mu matora .

Yagize ati “Ikizava mu matora cyamenyekanye mu kwezi kwa 12 muri 2015. Buriya hagiye kubaho referendum abantu bakabyemeza hafi 100% hari uwo bifuza. Byiyongereye kuri iyo Referendum, amashyaka nayo yiyemeje gufatanya na FPR bikiyongera kuri babandi basaga miliyoni 4 basabye Referendum, byonyine birahagije ko ikizavamo buri wese akirebera.”

Mu ijambo rye, Perezida Kagame yashimiye amashyaka yahisemo kwifatanya na FPR Inkotanyi ashyigikira umukandida wayo, aza no gushimira by’umwihariko abanyamuryango ba FPR Inkotanyi ku cyizere bigirira nawe bakakimugirira.

Perezida Kagame ati: "Amashyaka nka PSD, PL, PDC, PDI ,PSL, PSP, UDPL n’andi yose atari hano kubera impamvu zitandukanye nka Green Party ndayashimira... Aya mashyaka yose uko ari 8 yashyize mu gaciro gakomeye yifatanya na FPR kugirango dukomeze kwiyubakira u Rwanda rwacu mu buryo twahisemo. Ibizaba igihe kiri imbere nabyo bizaba uko bikwiye ariko ndibanda cyane ku by’ubu ngubu. Aya mashyaka ndayashimiye cyane. Ariko by’umwihariko ndashimira abayoboke ba FPR kubera byinshi ntarondora ndetse bimwe banagarutseho mu magambo atandukanye yavuzwe aha ngaha. Ndashimira RPF icyizere yigirira kandi yanakomeje kungirira, ninayo mpamvu mpagaze hano nk’umukandida wayo, iyo migabo n’imigambi ya FPR niyo turi hano twizihiza."

Perezida Kagame kandi yavuze ku bijyanye n’uburenganzira bw’abanyamakuru bamwe baharanira ubwabo bakirengagiza ubw’abo bandikaho cyangwa bavugaho. Aha ninaho yavuze ko bamwita umunyagitugu. Yagize ati: "Abanyamakuru bagira uburenganzira baranabukwiye ariko sibo bonyine, n’abo bandikaho cyangwa bavugaho barabufite.... Ababaza ngo ese Kagame ni umukiza, ni umunyagitugu Bakarangiza bavuga ko ari umunyagitugu. Niba koko ibyo abanyarwanda bakoze barabikoreshejwe n’igitugu icyo cyaha nacyemera... Izo politike turazizi niko bariya babaye"

Muri uyu muhango kandi Perezida Kagame yagarutse ku budasa bw’u Rwanda aho yasoje avuga ko bizakorwa mu gukomeza guteza imbere abanyarwanda. Aha yagize ati: "Ikindi mvugaho ni ubudasa bwa politike y’u Rwanda. Ibyo dukora rimwe na rimwe abandi ntibabyumve, ariko niba amatwi atabaha ngo bumve, amaso nabahe barebe. Amaso yari akwiye kubereka aho abanyarwanda bavuye n’ubwo aho ruvuye ari nabo baruhashyize... Tuvuye mu matora ni ugukomeza tugatera intambwe tugakuba kenshi, amashanyarazi akagera kuri buri wese, tukagira amashuri abana bacu bakiga."

Asoza yagize kandi ati: "Ndabashimira kuba mwaje hano muri benshi, ibizava mu matora birazwi, uwo bimena umutwe biwumumene, ibi bikorwa byo kwitora tubigire ibyo kwishima. Dukwiriye kwishimira icyo turi cyo, kuko niko tubishaka, niko tubyifuza, naho kuba u Rwanda rukora ibyo abandi badashaka ni ukubera amateka y’ubudasa, amateka yacu ntabwo asa n’ayabandi cyane. Ndabashimira mbifuriza ibihe byiza, haba mu bikorwa biganisha mu matora ndetse na nyuma yaho, mugire amahoro y’Imana."


INKURU ZA :
Tanga Igitekerezo
Ibitekerezo 6
Ndahayo jean caude Kuya 14-07-2017

Muzehe wacu tuzamutora 100%

Agnes Kuya 14-07-2017

Hhhhhh. Ko ikizayavamo se ubundi kizwi nuzatorwa azwi abandi baravunikira iki batakaye amafaranga yabo kumwanya batazatsindira.

Uvuzukuri Kuya 14-07-2017

None se niba ibizava mu matora
Bizwi ya mamiriyari mwayatugabanyije
Abacyene?
Ko Nzaramba itumereye nabi.

NTAKIRUTIMANA Mathias Kuya 14-07-2017

President ubereye u Rwanda ntawundi ni Nyakubahwa President KAGAME Paul

shyaka Kuya 14-07-2017

urashoboye muze ,akokantu ushaka ubureganzira bwokuvuga atangen’ubwuwo avuga.gd

Havugimana Innocent Kuya 14-07-2017

Nukuri umukandida wacu turamushyigikiye.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...